Eblenya 2:8 - Nouveau Testament bété de Gagnoa

⁸ -E "zoa- 'ɛyi 'klekle 'bhozɔ 'wa 'cɛ kamalea. 'A -gɛ bhɔ 'yli 'a? Lagɔ 'je- 'nyakpa li 'klekle 'na kamaleɛ kɔ. -Bɛɛ' 'na -ɛ -to -la 'beme "ne 'ɔ "noa kɔ 'je -me "ne -le. 'Ɛ -ko sɔbhɔ -zeka, -mɔ 'ɛ "ne -mlɛ 'yli -gɔ.

Eblenya 2:8 Iomraidhean Croise

Matie 28:18

Zezu 'nyua- yɔko, 'ɔ nɛɛ: «'E -yle 'bhɛloɛ 'klekle "nɔgɔ "me "ne dodo ne "ku.

Zezu Kli 'na 'Denaade ‑ye Zaa kɛle‑ ne lɛ 13:3

Zezu -yi 'awɔ sɛ -gbɔ 'ɔ To Lagɔ 'jo- -lɔ -li 'klekle kɔ, "ne Lagɔ "me 'ye 'ɔ 'bhale -lɔ, "ne "ɛ Lagɔ yɔko 'ye 'ɔ me 'awɔ -lɔ.

Zezu Kli 'na 'Denaade ‑ye Zaa kɛle‑ ne lɛ 3:35

To -wa Yu "ne 'ɔ yu -lɔ -li 'klekle kɔ 'je.

1 Kolɛtenya 15:27

Lagɔbɔgo "me, sɛne 'wa lɛ- -lɔ nɛɛ: «Lagɔ -zo Klise -li 'klekle 'bhozɔ» -Mɔ, -zle Klise -kɛ 'ce no nɛɛ: «-Dɛmeda, 'mɔɔ 'bhe- -kɛ -la -lɔ 'ɛ 'bhɛloɛ -wɛ», 'Ɛ 'sɛzɔ nɛɛ: 'Ɛyi 'klekle, -mɔ, Lagɔ "ne -kɛ 'bhle -ko me. "Naa-, Lagɔ 'je -lɔ Klise 'bhɛloɛ kɔ -li 'klekle "me zɛ.

Eblenya 1:13

Lagɔ -na 'ce -zɛ "nɔgɔzilɔ bhulɛle- nɛɛ: Yi -se 'gli 'neɛ lilikwlɛ -gbɔsɔ "ku, -se 'e "kɛ -neɛ' -gblenya -eyi bhozɔ "zo.

Eblenya 1:2

-Dɛmeda, 'bebhiɛle- -yli ne "me, Lagɔ -bhulɛle -anye 'ɔ Yowli "me. 'Ɔ yowli "me 'ye 'ɔ wlɛle- -lɔ zikpɛ, "ne 'ɔyi 'ye Lagɔ -tɔ -lɔ -se 'ɔ "kɛ -li 'klekle slu.

Eblenya 2:5

Zikpɛ -ɛ "kɛ yi 'na weli 'ye -a bhulɛ -lɔ. "Nɔgɔzilia 'ye Lagɔ "ne -kɛ "ɛ zikpɛ ne 'na sluslueɛ kɔ 'je-.

1 Piɛle 3:22

'Ɔ 'gblɛ- "nɔgɔ "me, 'ɔ 'gli- Lagɔ 'na lilikwlɛ -gbɔsɔ "ku. -Dɛmeda, 'ɔ -kɛ 'bhɛloɛ "ne 'ɔ zi "nɔgɔzilia 'klekle -nyɛ zuzu 'klekle -wa 'kamalea "ne -wa -kɛ 'bhɛloɛ -wɛ "bhaa "ku.

'Ylikloylɛleweli 1:18

"ne -ɔ -yɛ gbligbli yɔ. 'E "ku- nɛ, -mɔ, 'a -gɛ 'yli, 'e -yɛ -godogodo 'na dɛ. 'E -su 'kwiɛ "ne "kuduku 'na 'safɛ.

'Ylikloylɛleweli 1:5

Zezu Kli -ɔ -noɔ -ɔyeɛdɛ 'na 'dletɛlenyɔ yɔ, 'ɔ "nyɛ 'anye -jɔlo -nyɛ "kuwɛtɛ "bhaa. 'Ɔɔ -noɔ tɛtɛnyɔ 'na -ɔ 'wlo- -glukonya 'glɛme zɔ yɔ. 'Ɔɔ -noɔ -me 'lelee dodo ne "ku 'na -klɔgbɔnya 'na "cifi yɔ. Zezu Kli -wamale -anye "ne 'ɔ -sɛ -anye -anyɛɛ 'nyinyonoli 'na gbo 'wlime, 'ɔnɛɛ dlu 'na suɛsluɛ "me.