Eblenya 2:3 - Nouveau Testament bété de Gagnoa

³ "Ne -anye "na? -See -a "kɛ bhɔ "zo "ne 'ɛ -ka -anye yle-, -a kɛ "ɛ 'popoweli "yitɛ -wɛ yɔko ylɛle? "Ɛ 'popoweli ne, Anyinɛnyɔ 'ci- -lɔ 'ɛnɛɛ -sɛ -ku. "Ne 'wa 'no- "ɛ 'popoweli ne "me -wɛ yi 'lelee -lɔ -anye bhulɛle- -se 'ɛ -noɔ 'diɛɛ yɛ.

Eblenya 2:3 Iomraidhean Croise

Matie 23:33

'Tɛbhɛ 'dlekɛkɛlenya nye -lɛ, 'a yi -kosu "me me, "ne 'a -cɛ nu "po.

Matie 4:17

'Ɛ dɛ -wɛ "ku, 'ye Zezu 'ci- -lɔ Lagɔ 'na 'Denaade 'na -sɛ -ku, 'ɔ nɛɛ: «'A 'bhelia- 'anyɛɛ kosɛ kɔ, -mɔ, Lagɔ 'na 'Kamalezikpɛ "ne -la 'anye dɛ tlole-.»

Malke 1:14

'Wa "kɛ Zaa Batise -jiɛ "me "pɔ "bhuɔ ne, Zezu -sɔ "ku "ne 'ɔ yi -lɔ Lagɔ 'na 'Denaade Galile -sɛle -ka me.

Luke 1:2

-see 'ɛnɛɛ -wayeɛdɛ "kucidɛku "ne 'wa "zo- Lagɔweli 'na "kulɔbhɔnya -sɛle -lɔ 'anye 'de.

Luke 1:69

'Ɔ -gbɔ "ne 'wa gwɛle- 'anyɛɛ 'fuɔnyɔ, 'ɔnɛɛ "kulɔbhɔnya Davide 'na -gligbɛ "ku.

Luke 24:19

"Ne Zezu yua -lɔ lo 'yɔbhɔ nɛɛ: «-Ɛ 'ple bhɔ "bhle 'a?» 'Wa nɛɛ: «-Ɛ -yle Nazalɛte 'na Zezu -wɛ. "Guɔkwɔmenyɔ -ɔ -kɛ nɛ 'bhɛloɛ "ne -nyɔ 'na "mesɛleweli me Lagɔ 'yliku "ne 'nyakpa 'klekle 'yliku.

Zezu Kli 'na 'Denaade ‑ye Zaa kɛle‑ ne lɛ 15:27

"Ne 'anye, 'a yi 'ce 'neɛ -wayeɛdɛ "zo me, "naa-, -see 'ɛ 'bhale- "kucidɛku -ce, 'a -ko -ame yɔko.

Nonoli 1:22

'Ɛ 'bhale- -dee Zaa 'nyɛlo- 'awɔ batɛme -wɛ "ku -kaa "ne 'ɛ ylɛ 'ɔnɛɛ "nɔgɔ "me -gblɛzle "ku. "Ɛ 'nyakpa -nyɔ "bhaa -a 'nɔŋo 'awɔ -wɛ 'na 'glɛme 'na -bholo yi -se -a "kɛ 'gɔme Zezu 'na gluzɔwloweli 'na 'ɔyeɛdɛ "zo.»

Nonoli 2:22

Piɛle nɛɛ: «Izlayɛleyua 'nye, 'a 'fo -ame 'yukwli: 'A -yi 'se sɛ ne, Nazalɛte 'na Zezu, 'ɔɔ -noɔ -lɔ 'nyɔkpɔ 'na -ye Lagɔ -nɛme 'anye 'glɛme -wɛ yɔ. 'Ɔ "pɔle- 'anye zɛzɛ 'yliku, "ne 'ɔ yi -lɔ -li 'na -ɛ zi "ku -wɛ no, "ne 'ɔ yi -lɔ 'anye 'be 'ylime 'tuɔ-.

Nonoli 4:12

"Ne Piɛle yi -lɔ "kusɔ bhulɛle- nɛɛ: 'Ɔyi -bholo -kpee -noɔ -lɔ 'fuɔnyɔ yɔ. "Naa-, -glɔ ne 'klekle zɔ, Lagɔ "ne -la 'nyɔkpɔ 'na -vinɔ -ɔ "kɛ 'nyakpa 'fuɔ -wɛ lɔbhɔ -sɛ.»

Wlomɛnya 11:14

-Se "ɛ -ye 'e no ne "kɛ -a "nowlia "ne -a "nɔyoa zufonya 'ylime kamale-, -se "ɛ zufonya 'na -bedia "kɛ 'po.

Wlomɛnya 2:3

-Eyi, -e 'bhlele -wa no "ɛ -soɔ 'na -li -wɛ 'wɔ gbo, "ne -e no -me -kɛ 'wanɛɛ sɛ! -Neɛ' dɛku, Lagɔ 'na gbobhleleɛ yi bhɔ -eyi yɔko "me 'ple bha?

1 Kolɛtenya 1:21

"Naa-, zikpɛ ne "ku 'na 'nyakpa -nyɛ 'wanɛɛ 'ylimeyamaleɛ "bhaa "ne Lagɔ 'na 'ylimeyamaleɛ yibhlele-. 'Ɛza, Lagɔ -ylɛle -lɔ 'Denaade -ye 'wa la "kukwɛ -wɛ "me -se 'ɔ "kɛ -wa -kɛ 'dleku -wɛ 'fuɔ.

1 Tesalonikenya 5:3

-Sɔɔdɛku 'nyakpa "kɛ 'ce no nɛɛ -a -yle -la "kuwɛtɛ, "ne gbo -ka -la -dɛme lele-, "ɛ 'doɔ cuu, 'ye "gbɛsɛto "koa -lɔ 'vule-, sɛgbɛɛ 'gwɛlelɔbhɔŋɔnɔ -ye gwɛle -bhlile "ku, 'ɛ -ka 'ce 'nyɔkpɔ 'tle-.

1 Timote 1:15

Weli -ye -a "kɛ 'dleku kɛle- "ne -ye 'nyakpa 'klekle "kɛ 'kɔsa ne lɛ: Zezu Kli -yi zikpɛ ne "ku -se 'ɔ "kɛ "nyinyonolinonya 'fuɔ. "Ne -ame, 'mɔɔ -noɔ -lɔ "nyinyonolinonya 'na tɛtɛnɔ yɔ.

Tite 2:11

"Naa-, Lagɔ tua 'ɔnɛɛ -waleɛ -ɛ "kɛ 'nyakpa 'klekle 'fuɔ -wɛ 'ylime.

Eblenya 1:1

-Watɔ -ce, "guɔkwɔmenya "me 'ye Lagɔ -bhulɛle 'awɔ -lɔ -a 'to 'wa 'to 'wɔ, "ne 'ɔ 'titliloa 'awɔ -lɔ 'yukwli "me -godogodo.

Eblenya 1:14

"Nɔgɔzilia "ne bhɔ Zuzu -wa lɔbhɔ Lagɔ "ku 'klekle -wɛ 'waa? Lagɔ lobhoa libhɔ -no -ka. 'Wa 'kwɛle -wa "kɛ 'popoɛ yle -wɛ.

Eblenya 1:2

-Dɛmeda, 'bebhiɛle- -yli ne "me, Lagɔ -bhulɛle -anye 'ɔ Yowli "me. 'Ɔ yowli "me 'ye 'ɔ wlɛle- -lɔ zikpɛ, "ne 'ɔyi 'ye Lagɔ -tɔ -lɔ -se 'ɔ "kɛ -li 'klekle slu.

Eblenya 12:25

'A luɔ- -kɛ! -Ɔ bhulɛle 'anye -wɛ, 'a 'fo 'yukwli! Dodo ne "ku, Moyize -sɛ 'awɔ -kɛ Izlayɛleyua 'yukwli fete, -mɔ, 'wa "no 'awɔ -kɛ 'yukwli -fo "ne -ɛ "kɛ 'awɔ lɔbhɔ ylɛ -wɛ -ylɛle 'awɔ lɔbhɔ. -Anye, "nɔgɔ "me, Lagɔ -ɔ bhulɛle -anye -wɛ -ko -lɔ. -A kɔ keyi -glɛ ne, -a -cɛ nu "po, -a kɛle- 'dleku!

Eblenya 4:1

-Mɔ, Lagɔ -plele -anye weli kɔ: -A yi 'ce 'ɔnɛɛ nyɔpɔledɛ plɛ, "ne "ɛ weli -ye 'ɔ -ple ne -ko lɔbhɔ yiɛ. Zaa, 'a 'luɔ- -kɛ, "naa-, -anye 'glɛme 'nyɔkpɔ te -kɛ 'dle 'pɔ -gbɔ -zle -fla za 'ɔ -ka "bhle plɛ -me!

Eblenya 4:11

'Ɛnɛɛ za, -a -ya tɛle- 'siɛ 'dle "namanɔ "me -see -a "kɛ "zo "ne -a "kɛ "ɛ nyɛpɛ nyɛpɛɛ -wɛ yle. -Se 'nyɔkpɔ te -kɛ zɔ bhli -wa -sɛ 'plome -wɛ 'nasɛ.

Eblenya 5:9

Lagɔ -gbɔ "ne 'ɔnɛɛ libhɔ -sɛ 'wli. Zaa, -dɛmeda, -wa "zo Klise 'plome -wɛ, 'wa yle -lɔ 'ɔyi "me 'popoɛ -ɛ -gwlɛ -godogodo -wɛ.

Eblenya 9:28

"Ɛ sɛbhele -wɛ, Klise 'bhale- 'ɔnɛɛ zikpɛ "me "ku -bholo 'na dɛ, -se 'ɔ "kɛ 'nyakpa -kwleyia 'na 'nyinyonoli lɔbhɔ -sɛ. 'Ɔ yi 'ce "kusɔ 'ɔyi 'tua-, 'nyinyonoli 'ye 'ɔ -na -kɛ lɔbhɔ -sɛ -ka yi, -mɔ 'ɔ "kɛ 'wa -wo -wɛ 'fuɔ.

1 Zaa 1:1

Weli -ɛ 'nyɛ zikpɛ, "ne 'ɛ -le 'awɔ "kle zikpɛ 'na "kucidɛku 'ye -a 'sɛle -lɔ 'anye. -A no- "me, "ne -anyɛɛ 'yli 'ye- 'ylime, -a -wolo "ku 'tee, "ne -a sɛ- kɔ.

Zude 1:17

-Mɔ, -a -wale 'wanye, 'a 'luɔle- 'ce Anyinɛnyɔ Zezu Kli 'na weli -ye "kɔlepɔnya -bhulɛle 'awɔ 'anye -wɛ "ku.

'Ylikloylɛleweli 7:10

'Wa 'kpa nɛ "me "yitɛ "ku nɛɛ: «-Anyɛɛ Lagɔ -ɔ -gli 'leyli-gbɔglo "ku -nyɛ 'bhlɛbhlɛyu, "bhaa 'waa- 'fuɔ -lɔ -anye.»