Eblenya 2:10 - Nouveau Testament bété de Gagnoa

¹⁰ Lagɔ wlɛ- -lɔ zikpɛ, "ne 'ɔnɛɛ za zikpɛ -le -lɔ. 'Ɔ 'yɔbhɔ -gbɔ 'ɔnɛɛ yua 'na 'kwleyia ko -me 'ɔnɛɛ 'ŋlumeɛ 'na 'didi "me. Zezu 'fua -kɛ 'se za, Lagɔ 'yɔbhɔ gbɔ 'ɔ ylɛle 'gbapeɛ "me -se 'ɛ "kɛ 'wli 'ye.

Eblenya 2:10 Iomraidhean Croise

Luke 13:32

"Ne Zezu yua -lɔ bhulɛle- nɛɛ: 'A 'bhulɛle- -kɛ "ɛ -kplɛkplɛnyɔ -wɛ nɛɛ: 'E 'kpeti -kɛ zuzu -nyɛnyea "ne 'e yamalea 'gwizinya -zeka "ne 'zegbɛ, "ne 'ɛnɛɛ 'yli 'na 'tazle nɛ -wɛ "me 'e bhiɛ -lɔ 'neɛ libhɔ kɔ.

Luke 2:14

Lagɔ me "nɔgɔ "me 'ŋlu -se dodo ne "ku 'na konya -ye 'ɔ -wa -wɛ 'wa yle "kuwɛtɛ.

Luke 24:26

Zaa, Klise te nɛ bhɔ 'gbape, -se 'ɔ "kɛ nɛ 'ŋlu me?»

Luke 24:46

"Ne 'ɔ yua -lɔ bhulɛle- nɛɛ: «-see 'ɛ kɛleɔ- Lagɔbɔgo "me ne lɛ: 'Fuɔnyɔ yi 'awɔ 'ce 'gbape, "ne 'ɔ yi 'awɔ 'ce "ku, "ne 'ɔ yi 'awɔ 'ce gluzɔ 'wlo, 'yli ta kɛ 'awɔ 'ple- ne.

Zezu Kli 'na 'Denaade ‑ye Zaa kɛle‑ ne lɛ 11:52

"Ne 'ɛ "ne 'lelee Zufonya 'wayikɔ za yɛ, -mɔ, 'ɔ "kɛ -glɔnya 'wli "zo -se 'wa "kɛ -bholo yle-, 'wayi "ne Lagɔ 'na yua -wa -ŋwɛne -glɔ 'klekle keyi -wɛ.

Zezu Kli 'na 'Denaade ‑ye Zaa kɛle‑ ne lɛ 19:30

Zezu "kɛ "ɛ "cuclu -no -wɛ "nɔmɔ "bhuɔ ne, "ne 'ɔ yi -lɔ no nɛɛ: «'Ɛ 'wlole- 'yli "bhuɔ.» "Ne 'ɔ yi -lɔ 'wli kɔ 'bhelia-, "ne 'ɔ yi -lɔ nyɔŋo bhli.

Nonoli 3:15

"Ɛ sɛbhele -wɛ, 'a 'lɔbhɔ- zikpɛ -Bhenyɔ. -Mɔ, Lagɔ -goliɔ. -A "zo 'ɛnɛɛ -wayeɛdɛ.

Nonoli 5:31

"Ne 'ɔ yu -lɔ 'ɔyi lilikwlɛ -gbɔsɔ "ku -jilɛ. "Ne 'ɔ yu -lɔ Kamalenyɔ "ne 'Fuɔnyɔ "zoa-. -Se Izlayɛleyua "kɛ kɔ 'bheliɔ-, -se Lagɔ "kɛ 'wanɛɛ 'nyinyonoli 'na gbo 'yi 'tale-.

Wlomɛnya 11:36

'Diɛɛ, 'ɔyi 'ye 'ɛ 'bhale -lɔ "me 'klekle, 'ɔnɛɛ za 'ɛ -le -lɔ 'klekle, "ne 'ɔ 'bhe- -lɔ 'klekle, Lagɔ 'bhe- -lɔ 'ŋlu -godogodo! Amɛn!

Wlomɛnya 9:23

-Mɔ -wawɛ, 'ɔ -tua -see 'ɔ -kɛ 'nyɛzedle 'ylime. 'Ɔ 'yɔbhɔ nɛ -gbɔ 'wa yibhlele- 'ɔnɛɛ 'ŋlu "yitɛ, 'ɔ -jijaloa 'wli "kle -se 'wa "kɛ "ɛ 'ŋlu -wɛ yle.

1 Kolɛtenya 2:7

-Anye, -a -sloa Lagɔ 'na 'ylimeyamaleɛ -ɛ zizɔ- 'awɔ "ku -wɛ. -Mɔ, zikpɛ "ne 'awɔ -le, "ne Lagɔ 'sɛa -lɔ lɔbhɔ 'ɛ 'ylimeyamaleɛ ne -se 'ɛ -kɛ -anye 'ŋlu 'kwa.

1 Kolɛtenya 8:6

-Anye, -anyɛɛ dɛku, Lagɔ yle -bholo -kpee. 'Ɔ -noɔ -lɔ To yɔ. 'Ɔyi -li 'bhale -lɔ "me, 'Ɔnɛɛ za -a -yɛ -lɔ. "Ne Anyinɛnyɔ yle -bholo, 'ɔ -noɔ -lɔ Zezu Kli yɔ. 'Ɔyi "me 'ye -li -le -lɔ. "Ne 'ɔyi "me 'ye -a -yɛ -lɔ.

2 Kolɛtenya 3:18

-Anye 'klekle lokwi -pɛɛ "ne -anye "klo 'pe-, "naa-, Anyinɛnyɔ 'na 'ŋlu 'lelele -anye "klo sɛgbɛɛ 'pepleyi. Zaa, Anyinɛnyɔ -ɔ -noɔ Zuzu yɔ -wɛ, 'bhelia -lɔ -anye kɔ, 'ɔ "zoa -anye 'ɔnɛɛ 'wlolenya, "ne 'ɔnɛɛ 'ŋlu 'kpɔ 'ce -godogodo. Anyinɛnyɔ -ɔ -noɔ Zuzu yɔ -wɛ 'na libhɔ -ye 'ɔ no, 'ɛɛ -wɛ -lɔ.

2 Kolɛtenya 4:17

-Ɛɛ, -anyɛɛ -dɛme 'na 'gbapeɛ "ne "me 'tɛ-, "ne 'ɛ "ne gwlɛ "me, -mɔ, 'ŋlu -ɛ 'ple 'ŋlu 'klekle yɔko "me -wɛ -wo -lɔ -anye. "Ɛ 'ŋlu -wɛ gwlɛ "me, "ne 'ɛ 'kpɔ- kpɛnyee, "ne 'ɛ -zi -anyɛɛ 'gbapeɛ "ku.

2 Kolɛtenya 5:18

'Ɛyi 'klekle Lagɔ "me 'ye 'ɛ 'bhale -lɔ. 'Ɔ -selia -lɔ -anye Klise "me 'ɔyi "bhaa gbo, "ne 'ɔ yi -lɔ -anye "ɛ 'gboseliɔ libhɔ -wɛ kɔ 'je.

2 Kolɛtenya 6:18

Anyinɛnyɔ -ɔ 'bhɛle- lɛ -li 'klekle bhulɛ lɛ sɛne: "Mɔ "kɛ -lɔ 'a 'to "zo, "ne 'anye, 'a "kɛ -lɔ 'neɛ 'widiayua -nyɛ 'ŋuyua "bhaa "zo.

Galatenya 3:26

"Naa-, Lagɔ 'na yua 'ye 'a -noɔ -lɔ 'klekle, 'a -kɛ Zezu Kli 'dleku zɛ.

Efɛzenya 2:7

Sɔbhɔ "ku, 'ye 'ɔ -tua -lɔ -anye 'ɔnɛɛ "nɛnekoɛ 'ylime Klise Zezu "me, Lagɔ 'yɔbhɔ -gbɔ 'ɔ "kɛ -anye 'ɔnɛɛ "nɛnekoɛ -ɛ "ne wɔkɔle -bɛɛ' -kɛ -wɛ 'ylime -tua -godogodo 'na dɛ.

Efɛzenya 3:10

Zaa -Dɛmeda, Lagɔgligbɛ za, "nɔgɔ "me 'na "cifia "ne -wa -kɛ 'bhɛloɛ -wɛ yi Lagɔ 'na "nanoɛ yibhlele-. "Ɛ "nanoɛ -wɛ -see Lagɔ -sloɛ -wɛ -zu kpɛnyee.

Kolɔsenya 3:4

Klise -noɔ -lɔ 'anyɛɛ zikpɛ yɔ. -Zle 'ɔ -kɛ 'ce dodo ne "ku -yi, 'ɔ yi 'ce 'ɔyi -glɔnya 'ylime -tua, "ne 'anyɛɛ Lagɔ zikpɛ yi 'ce 'yli ple "ne 'a yi 'ce 'ɔnɛɛ 'ŋlumeɛ -wɛ 'na 'didi "me -ko -me.

2 Timote 2:10

-Ɛwɛza, 'e 'sa -lɔ 'ɛyi 'klekle kɔ -ye Lagɔ -sɛ lɔbhɔ -wɛ za, -se 'wayi, 'wa "kɛ -kɛ 'po Zezu Kli "me, -se 'wa "kɛ -kɛ 'lelee 'ŋlu "mɔme -godogodo 'na -ɛ "ne lɛ 'nɛnidɛ -kɛ ne.

Eblenya 12:2

-A wolo- Zezu "ku 'yiɛ. 'Ɔɔ gbɔ "ne -a kɛle -lɔ 'dleku, 'ɔɔ "kɛ -lɔ gbɔ "ne -anyɛɛ 'dlekukɛleɛ "kɛ -lɔ "me "tamale-. Zezu 'ŋunu- "ku -gbɔ 'ɔ yi klowa "klo kule, zu "no lɔbhɔ-. "Naa-, 'ɔ -gɛ nɛ "kle 'ŋwɛnɛ -ɛ "kɔ 'lɔbhɔ -wɛ 'yli, "ne -dɛmeda, 'ɔ gli- Lagɔ 'na lilikwlɛ -gbɔsɔ "ku.

Eblenya 6:20

'Ɛ -doɔ 'ye Zezu -plɛ -lɔ, 'ɔɔ -gɛ -lɔ -anyɛɛ 'yuku -se 'ɔ "kɛ -anyɛɛ -gwe sɛ, "naa- bɔbɔnyɔ "yitɔ yɔ -lɔ Mɛcisedɛke 'nasɛ.

Eblenya 7:26

Zezu -noɔ -lɔ bɔbɔnyɔ "yitɔ 'na 'ɔ "kɛ nɛ -anye 'yliku -ko -wɛ yɔ. 'Ɔ -ko 'wlewle, 'ɔ "ne gbo 'wlime -kɛ, "ne 'ɔ "ne 'nyinyonoli 'wlime -kɛ, 'ɔ -ylile 'nyinyonolinonya "guɔ, "ne Lagɔ yu -lɔ "nɔgɔ "ku jilɛ-.

Eblenya 7:28

Bɔbɔnya "yitia -ye Moyize 'na -Lɔ -sɛ lɔbhɔ -wɛ, 'nyakpa 'waa -lɔ, 'wa "ne "me 'tɛ-. -Mɔ 'ye Lagɔ -sɛ lɔbhɔ 'ɔnɛɛ weli-pleɛ -ɛ 'bhale -Lɔ 'beme -wɛ, 'ɔ Yowli -ɔ 'yiɛ- 'wli -godogodo 'na dɛ yɔ -lɔ.

1 Piɛle 1:12

-Ye Lagɔ -sloa ne lɛ: 'De -ye 'wa -sɛ 'awɔ -wɛ "ne nɛ 'wanɛɛ yɛ, -mɔ, 'anye nɛ yɛ -lɔ. -Dɛmeda, -wa -sɛle 'anye 'Denaade -wɛ -blialea 'ɛ 'de ne 'du, 'ɛ -nyɛ Zuzu Wlewle -ɔ 'bhale "nɔgɔ "me 'na 'bhɛloɛ "bhaa. "Ne 'ɛ weli ne, "nɔgɔzilia 'wayi -gɛsɛ 'wa 'yɔbhɔ -gbɔ 'wa 'cɛ yibhlele- -me kpɛnyee.

1 Piɛle 5:1

-Dɛmeda, 'e bhulɛle "yitia -wa -ko 'anye 'glɛme -wɛ. -Ame "yitɔ 'ye 'e -noɔ -me -lɔ 'anyɛɛ sɛ. 'E 'ye- Klise 'na 'gbapesɛ 'na dɛ, "ne 'e yi 'ɔnɛɛ 'ŋlu -ɛ "kɛ yi -wɛ 'na dɛ 'ye me.

1 Piɛle 5:10

'Anyɛɛ 'gbapeɛ -ka "me 'gwlɛ. -Mɔ, Lagɔ -ɔ -wa 'anye -wɛ, 'ɔ la- -lɔ 'anye -se 'a "kɛ 'ɔnɛɛ 'ŋlu -ɛ "ne "nenidɛ -kɛ -wɛ 'na dɛ 'ye, Zezu Kli "bhaa 'na "kukoleɛ "me. "Naa-, 'ɔ yi gbɔ "ne 'a -ka 'nuɔsɔbhɔledɛ kɛle-, "ne 'a yi "me "tamale-, "ne 'a yi 'kwɛme "tamale-, "ne 'wa -ka 'ce -la 'anye 'siɛ 'bhle.

'Ylikloylɛleweli 4:11

«Anyinɛnyɔ -anyɛɛ Lagɔ, -e -kɛ -bhlegbi "me -zosɛ, -e -kɛ 'ŋlumesɛ "ne 'bhɛloɛ. -Mɔɔ 'wlɛ -lɔ -li 'klekle, -e 'yɔbhɔ- -gbɔ 'ɛ 'lele-, "ne 'ɛ yi -lɔ 'wlɔ-.»

'Ylikloylɛleweli 7:9

'Ɛwɛ "kɛ -ple "bhuɔ ne, 'e "kɛ 'lelee 'siɛ 'wolo- ne, "ne 'e yi -lɔ 'nyakpa 'na -zakpɛ "yitɛ 'ylime 'ye, 'wa "ne nɛ zɛle -sɛ -kɛ: Dodo 'klekle, -glɔ 'klekle, 'nyakpa 'klekle "ne gbɔgbɔgbo 'klekle. 'Wa 'nyegbe- 'awɔ -klɔgbɔnyɔ 'na 'leyli-gbɔglo "ne 'bhlɛbhlɛyu 'yli "ku. 'Wa -pla nɛ "koti 'glɛgbɛ 'fɛɛ "me "ne 'wa -su nɛ 'gbli kɔ.