Eblenya 13:4 - Nouveau Testament bété de Gagnoa

⁴ 'Nyakpa 'klekle "zo 'sueplɛɛ 'plome. 'Widi -nyɛ 'ŋɔnɔ "bhaa te gbo zlɛ. Lagɔ yi 'ce -wa -nyɛ -kpɛtɛklinya "bhaa 'wa go, "ne -wa zlɛ gbo -wɛ 'wɔ gbobhlele-.

Eblenya 13:4 Iomraidhean Croise

1 Kolɛtenya 5:13

-Mɔ, -wa "ne Lagɔ -noa 'waa -wɛ, Lagɔ "koa -lɔ 'gbobhlele. "Naa-, Lagɔbɔgo nɛɛ: «'A 'kpeti- 'nyɔkpɔ -nyɛnye 'anyɛɛ -zakpɛ "me.»

1 Kolɛtenya 6:18

'A 'ylilea- 'anyɛɛ ku 'tutuliɛ "guɔ. 'Nyinyonoli 'na -vinɛ -wɛ 'klekle -ye 'nyakpa 'bhɛle- 'wa "kɛ no -wɛ, 'wanɛɛ ku "me 'ye 'ɛ -na -noɔ leɔ-. -Mɔ, -eyi -mɔɔ -su -neɛ' ku 'tutuliɛ "me -wɛ, -bɛɛ' 'na "nyɛnye 'ye -e no -lɔ doɔ -neɛ' ku 'wli. "Naa-, -neɛ' ku "me 'ye 'ɛ no leɔ -lɔ.

1 Kolɛtenya 6:9

'Nyakpa -wa no "nyɛnye -wɛ -ka 'ce 'glidɛ yle Lagɔ 'na 'kamale zikpɛ "me. 'A "ne bhɔ sɔbhɔ za 'sɛ -yi 'a? 'A 'no -kɛ welicibhɛ ne "me 'tee: 'Nyakpa 'na -wa -nyɛ 'kpeteklinya "bhaa 'wa go -wɛ, 'nyakpa 'na -wa "zo "fu 'na Lagɔ -wɛ, 'nyakpa 'na -wa zlɛ gbo, "ne 'nyakpa -wa -nyɛ 'walua "bhaa 'wa go -wɛ,

1 Kolɛtenya 7:38

'Ɛ kɛ soɔ -ylɛle, 'ɔnɛɛ 'bheyi "bhaa 'wa kɛ sue -plɛ, 'ɛ 'nɛne. 'Ɔnɛɛ 'bheyi "bhaa 'wa "mɔ 'lelee sue -plɛ ne, 'ɛ 'nɛne "ne 'ɛ -zi "ku.

1 Kolɛtenya 9:5

-A "ne nɛ bhɔ 'bhɛle- -se -a "kɛ 'anyɛɛ 'klecɛŋwenea -nɛme sɛgbɛɛ Zezu 'na "kɔlepɔnya 'na -bedia, Anyinɛnyɔ 'ɔ "nowlia "ne Sefase!

2 Kolɛtenya 5:10

Sɛko -wɛ, -anye 'klekle -a yi 'ce Klise 'yliku 'sibhɔ 'ɔnɛɛ 'gbobhleledɛ "me, lɔbhɔ 'ye -ɔkɔkokɔko "kɛ -lɔ -ɛ -noɔ 'ɔnɛɛ yɛ -wɛ ylele-, "namanɔ "ne "nyɛnye, -se 'ɔ -su 'ɔnɛɛ zikpɛ "ku dodo ne "ku -wɛ.

Galatenya 5:19

-Ye Zuzu -nyɛnye no -wɛ, 'wa 'ye me 'ylime 'tee. "Tutuliɛ, 'wiyliɛ, 'kpɛtɛklinɔŋoɛ.

Galatenya 5:21

"Ne 'walua 'na -ye 'wa -kɛ -wɛ, 'ɛyi 'wa 'yɔbhɔ -lɔ, "ne 'wa 'nɔmɔ -lɔ no gbi, "ne 'wa -noɔ -lɔ 'mlɛmlɛnya 'waa, "ne 'wa no 'lelee -lɔ -li 'na -bedi -ɛ 'wlole- -wɛ. 'Luɔ 'ye 'e luɔ -mlɛ -kɛ -lɔ 'anye, "ne 'e yɛ nɛ -kɛ bhulɛ- "klee, -wa no "ɛ -soɔ 'na -li -wɛ, 'wa -ka 'ce Lagɔ 'na 'Kamalezikpɛ "me 'bhulɛ ylele.

Efɛzenya 5:5

-Ye 'a "kɛ yibhlele- ne lɛ: 'Wiylinyɔ, "tutulinyɔ "ne gwlɛplɛnyɔ, "ne 'bhɛle- "ne 'wa "kɛ Klise -nyɛ Lagɔ "bhaa 'na -klɔgbɔzikpɛ "me -plɛ -me. "Naa-, -e kɛ no -gbɔ -e "kɛ -eyi 'dle "me 'gugwɔle ne, 'ɛ -ko sɛgbɛɛ "fu 'na Lagɔ -wɛ 'wɔ 'ye -e bɔbɔ.

1 Tesalonikenya 4:6

"Ɛ weli ne kɔ, 'nyɔkpɔ te 'ɔ "nɔwli "nyɛnye no -se 'ɔ 'to gbo 'wlime 'gbli. "Naa-, Anyinɛnyɔ ziɛ -kɛ -ɛwɛ 'klekle 'na gbo, sɛko -wɛ, -a -bhulɛle nɛ 'anye "ne -a "pleplele- nɛ lɔbhɔ "me.

1 Timote 3:12

Dlidlinyɔ 'kwɔ 'ŋɔnɔ -bholo -kpee. 'Ɔ slu 'ɔnɛɛ yua -nyɛ 'ɔnɛɛ -gligbɛ "bhaa 'tee.

1 Timote 3:2

"Ɛ -soɔ 'na 'nyɔkpɔ -wɛ, 'ɔ te -kɛ 'nuɔsɔbhɔledɛ kɛle- "kpɛɛ. 'Ɔ kɛle- -kɛ 'ŋɔnɔ bholo -kpee. -Se 'ɔ yibhlele- -kɛ 'ɔyi 'na "ku piɛle -sɛ. -Se 'ɔnɛɛ 'dlepɔsɛ 'namale- -kɛ, -se 'ɔ 'sa 'nyakpa 'na -wa yu "ku plɛ -ka -wɛ 'tee. -Se 'ɔ 'bhɛle -kɛ slosloɛ.

1 Timote 3:4

'Ɔ yibhlele- -kɛ 'lelee 'ɔnɛɛ -bhudu "me 'na 'nyakpa 'na slusɛ. -Se 'ɔnɛɛ yua "zo -kɛ 'nyakpa 'plome, -se 'wa 'fo -kɛ 'ɔnɛɛ weli 'yukwli.

1 Timote 4:3

'Wa yi 'ce sue -plɛɛ "ku bhia, "ne 'wa yi 'ce 'lelee lilɛ 'na -bedi 'na liliɛ "ku bhia. "Ne Lagɔ 'wlɛ -lɔ "ɛ lilɛ. Zaa, 'dlekukɛlenya -wa -yi gbɛklɛklɛ -wɛ 'bhɛle- -se 'wa 'cɛ li, "ne 'wa yi Lagɔ 'ŋlu 'kwa-.

1 Timote 5:14

'E 'yɔbhɔ -gbɔ "kwiziŋwenea 'na -digbianoa -wɛ 'wa 'kwɔle- "kusɔ 'widia -se 'wa "kɛ yua 'gwɛle-, -se 'wa "kɛ 'wanɛɛ 'suɛ tee slu -se -anyɛɛ 'gblenya te -kɛ -anye weli -nyɛnye bhulɛle-.

Tite 1:6

'Nyɔkpɔ 'na -ɔ -gɛ lagɔgligbɛ 'yuku -wɛ, 'ɔ te -kɛ nuɔsɔbhɔledɛ -kɛle gou, 'ɔ kɛle -kɛ 'ŋɔnɔ -bholo, -se 'ɔnɛɛ yua "zo -kɛ 'klecɛnya, -se 'wa te -kɛ 'gbeyi "ku ko, -se 'wa te -kɛ 'nyakpa 'plome -sɛ.

Eblenya 12:16

'A luɔ- -kɛ! 'Kpɛtɛklinya "bhaa 'a te -kɛ go-! 'A te -li -ɛ -ko 'wlewle -wɛ 'plome -sɛ, sɛgbɛɛ Ezayu, lilɛslɔ -bholo za, 'ɔ 'pɔ- 'awɔ 'ɔnɛɛ "yitɔzoɛ 'pɔlo "ku!

'Ylikloylɛleweli 22:15

-Mɔ, -wa "kɛ 'du keyi 'to- -wɛ ne lɛ: -Wa no -li -ɛ sɛ geji "ku, "gunya "ne -wa me 'ŋwenea lo 'kpɛtɛkli, 'nyakpalɔbhɔnya "ne -wa "zo "fu 'na lagɔ, "ne -wa -wa yowlɛɛ "ne -wa 'wlɛ yo.