Eblenya 13:3 - Nouveau Testament bété de Gagnoa

³ 'A "pɔ -jiɛnya "ku 'dle sɛgbɛɛ -jiɛ "me 'wayi 'wɔ "bhaa 'a kole- 'gɔme. 'A "pɔ -ye 'wa ziɛ 'nyɛze -wɛ "ku 'dle sɛgbɛɛ 'anye 'wa ziɛ 'nyɛze.

Eblenya 13:3 Iomraidhean Croise

Matie 25:36

'E "ne 'awɔ "meplakoti -kɛ, "ne 'a yi 'awɔ -ame 'koti "nyɛ. 'E "ne 'awɔ -yɛ, "ne 'a -yi 'awɔ -ame "ku 'be ka. 'E -ko 'awɔ -jiɛ "me, "ne 'a -yi 'awɔ -ame "ku 'be ka.

Matie 25:43

'E -noɔ 'awɔ 'lowlinyɔ yɔ "ne 'a "ne 'awɔ -ame 'tee 'sa-. "Ne 'e "ne 'awɔ "meplakoti -kɛ "ne 'a ne 'awɔ -ame 'koti 'nyɛ-. 'E "ne 'awɔ -yɛ "ne 'a "ne 'awɔ -ame "ku 'be ka -yi, "ne 'e -ko 'awɔ -jiɛ "me "ne 'a "ne 'awɔ -ame "ku 'be ka -yi.

Nonoli 24:23

"Ne Felise yi -lɔ 'ɛ "slojayu bhulɛle -gbɔ: 'Kɔmo -jiɛ "me, -se -e 'too "kɛ 'gbɛte, 'ɔnɛɛ 'titoa 'wɔ kɔ -kɛ 'bhɛle -ka -yi ne 'toa 'wli -sabha.

Nonoli 27:3

Zle 'na -vinɛ -ze lɛ ne, "ne -a yi -lɔ Sidɔ 'nyegbe. "Slojayu Zuliuse -ko 'awɔ Pɔle 'na dɛku 'nɛne, zaa, 'ɔ 'nyɔ- 'de -gbɔ 'ɔ yle "bhle 'ɔ 'titoa 'wɔ -se 'wa "kɔ 'yliku "zolea-.

Wlomɛnya 12:15

-Ye 'ŋwɛnɛ 'lɔbhɔ -wɛ "bhaa, 'a nole- 'ŋwɛnɛ 'gɔme. -Wa 'tu -wɛ "bhaa, 'a 'tule 'gɔme.

1 Kolɛtenya 12:26

Ku 'na dɛ -bholo kɛ 'gbape, moɔ 'klekle 'gbape me -lɔ. Ku -cibhɛ nɛɛ -wɛ kɛ 'ŋwɛnɛ no, -ɛwɛ 'klekle nome 'ɛ nome -lɔ.

Efɛzenya 4:1

-Ye 'e 'yɔbhɔle 'anye lo "ne 'e piɛle "ku ne lɛ, -ame 'mɔɔ -ko -jiɛ "me Anyinɛnyɔ za -wɛ: Anyinɛnyɔ 'na 'laweli -ye 'a 'no- "me -wɛ, 'a 'nɔŋo "ku.

Kolɔsenya 4:18

-Ame Pɔle, 'neɛ sɔ nu 'ye 'e 'kɛle "lɛ bhɛleweli ne. 'A yibhlele- 'sɛ -gbɔ -jiɛ "me 'ye 'e -ko -lɔ! Lagɔ "pɔ 'anye 'ŋu!

Eblenya 10:34

Sɛko -wɛ, 'a -nyɛ -wa -ko -jiɛ "me -wɛ 'wɔ "bhaa, 'a 'gbapele- 'gɔme. 'A 'ŋunu- 'ŋwɛnɛsɛ "ku, "ne 'wa yi -lɔ 'anyɛɛ -li kɔ -sɛ, sɛko -wɛ, 'a -yi nɛ sɛ -gbɔ: 'A -kɛ nɛ -klɔgbɔ -ɛ 'kpɔ "ne 'ɛ zi "ku, "ne -ɛ "ne bhiɛ "ku -wɛ.

Eblenya 11:37

'Wa 'lɔbhoa- 'tiyi nu, 'wa "ku-, 'wa 'di- -bedia "me 'cibhi "sɔ "ne 'wa 'lɔbhoa- -jiji -gbɛlɛ nu, -bedia 'bha- dɛ "ne 'wa me dɛ, 'wa -pla 'bhlɛbhlea "ne wlia 'na ku "me. 'Wa "ne 'awɔ -bɛɛ' -kɛ gou. 'Wa 'gbapoa- nɛ kpɛnyee "ne 'wa -zua 'nyɛze.

1 Piɛle 3:8

'A kole- "ku, -se 'a 'pɔ sɛbhele 'dle. 'A wale- "nowlia 'nasɛ. 'A komale- 'nɛne, 'a 'kwlialea- 'ayi "ku 'alua 'yliku.