Eblenya 13:2 - Nouveau Testament bété de Gagnoa

² 'A te -kɛ 'nyakpa -wa yi 'anyɛɛ -moɔ -wɛ 'na 'tee -sɛɛ "ku dlu. -Wa -no "ɛ -soɔ -wɛ 'na -bedia sa- 'awɔ "nɔgɔzilia 'tee "ne 'wa "ne 'awɔ sɛ -yibhlele.

Eblenya 13:2 Iomraidhean Croise

Matie 25:35

"Naa-, ŋɔŋo lɔbhɔ 'awɔ -ame, "ne 'a 'nyɛ- 'awɔ -ame lilɛ, 'ŋuto lɔbhɔ 'awɔ -ame, "ne 'a 'nyɛ- 'awɔ -ame 'ŋu. 'E -noɔ 'awɔ 'lowlinyɔ yɔ, "ne 'a 'sa- 'awɔ -ame 'tee 'anyɛɛ sueme.

Matie 25:40

"Ne "ɛ -klɔgbɔnyɔ "koa -lɔ bhulɛle- nɛɛ: Gbɛklɛklɛ 'ye 'e bhulɛle lɛ 'anye, -ye 'a -no "ɛ yua -wɛ -wa -noɔ -ame "nowlia 'waa 'na 'glɛme 'na -bholo 'wli -wɛ, -ame 'ye 'a -no -lɔ 'wli!

Matie 25:43

'E -noɔ 'awɔ 'lowlinyɔ yɔ "ne 'a "ne 'awɔ -ame 'tee 'sa-. "Ne 'e "ne 'awɔ "meplakoti -kɛ "ne 'a ne 'awɔ -ame 'koti 'nyɛ-. 'E "ne 'awɔ -yɛ "ne 'a "ne 'awɔ -ame "ku 'be ka -yi, "ne 'e -ko 'awɔ -jiɛ "me "ne 'a "ne 'awɔ -ame "ku 'be ka -yi.

Nonoli 16:15

-Sɔɔdɛku 'ɔ -yle batɛme, 'ɔnɛɛ -bhudu "me 'na -konya "bhaa -wɛ, lɔbhɔ -ye Lidi laloa- -lɔ 'ɔnɛɛ sueme. 'Ɔ nɛɛ: «'A 'cɛ 'diɛɛ 'dleku -kɛ -gbɔ, -ame 'e -kɛle Anyinɛnyɔ 'dleku ne, 'a yi 'neɛ dɛne -ko -ka!» 'Ɔ 'sisi- 'anye "ku "ne -a yi -lɔ "ku 'ŋunu.

Wlomɛnya 12:13

'A kwɛle- 'a "nowlia -wa -ko 'kplɛkplɛɛ "me -wɛ. -Wa yile 'anye lo -wɛ, 'a 'soa 'tee.

Wlomɛnya 16:23

Gayuse bhɛle 'anye. 'Ɔnɛɛ -doɔ 'ye 'e -ko -lɔ, "ne Lagɔgligbɛ 'klekle "zole -lɔ 'ɔnɛɛ -bhudu "me 'wli. Elase bhɛle 'anye, "ɛ 'du -wɛ "me 'na 'dlasikulɛnyɔ yɔ -lɔ, "ne -a "nɔwli Kaletuse bhɛle -me 'anye.

1 Timote 3:2

"Ɛ -soɔ 'na 'nyɔkpɔ -wɛ, 'ɔ te -kɛ 'nuɔsɔbhɔledɛ kɛle- "kpɛɛ. 'Ɔ kɛle- -kɛ 'ŋɔnɔ bholo -kpee. -Se 'ɔ yibhlele- -kɛ 'ɔyi 'na "ku piɛle -sɛ. -Se 'ɔnɛɛ 'dlepɔsɛ 'namale- -kɛ, -se 'ɔ 'sa 'nyakpa 'na -wa yu "ku plɛ -ka -wɛ 'tee. -Se 'ɔ 'bhɛle -kɛ slosloɛ.

1 Timote 5:10

-Glɔnya -yibhlele sɛ -gbɔ 'nɛne -ko 'ŋɔnɔ yɔ -lɔ. 'Ɔ bhoa- 'ɔnɛɛ yua 'tee. -Wa yu "ku plɛ ka -wɛ, 'ɔ soa- 'tee. 'Ɔ -wɛle 'klecɛnya 'bho yɔko. 'Ɔ -kwɛle "nyɛzenya, "ne 'ɔ -no -li 'klekle -ɛ 'nɛne -wɛ.

Tite 1:8

-Mɔ, 'ɔ yibhlele- -kɛ 'nyakpa 'na "sa sɛ, -se 'ɔ 'wamale- -kɛ -ɛ 'nɛne -wɛ, -se 'ɔ slu -kɛ 'ɔyi 'tee, -se 'ɔ ŋwinɛle- -kɛ "me, -se 'ɔ -ko -kɛ 'wlewle, -se 'ɔ yibhlele- -kɛ 'ɔyi 'na "ku piɛle sɛ.

1 Piɛle 4:9

'A -kɛle 'anyɛɛ -bhudu -ɔkɔkokɔko za, -se 'a te "me 'ŋuŋwɔŋuŋwɔle-.

3 Zaa 1:5

'Na -wawa -tito, -e -su 'klecɛnya 'tee, 'wa kɛ 'se lowlinya 'waa -ce. -E kɛ "ɛ soɔ no 'yiɛ ne, 'dletɛlenyɔ 'ye -e -noɔ -lɔ.