Eblenya 12:3 - Nouveau Testament bété de Gagnoa

³ -Ɛɛ, 'a "pɔ Zezu "ku 'dle. 'Nyinyonolinonya -gblo nɛ, -mɔ, -ɛ "no -bɛɛ' -no. Zaa, 'kwɛme te 'anye yɔle-.

Eblenya 12:3 Iomraidhean Croise

Matie 11:19

'Nyɔkpɔ Yowli -yi, 'ɔ li "ne 'ɔ "nɔmɔ, "ne 'wa no 'lelee -lɔ nɛɛ: Mɛnɛmɛnɛnyɔ yɔ -lɔ, "ne 'ɔ -noɔ 'lelee -lɔ nogbinɔmɔnyɔ yɔ, 'ɔ -nyɛ -lɛposanya "ne "nyinyonolinonya "bhaa 'wa -ko -lɔ 'titoa "me. -Mɔ 'ylime 'yamaleɛ 'na nonoli "me 'wa yibhlele -lɔ 'ɛnɛɛ "me ŋwinɛleɛ.»

Matie 12:24

Faliziɛnya 'no- lɛ "ɛ weli -wɛ "me ne, bhulɛ 'wa -bhulɛ -lɔ nɛɛ: -Ɔwɛ, Bɛlzebule, Zuzu -nyɛnyea 'na "cifi gbɔ -lɔ za 'ɔ 'kpeti -lɔ Zuzu -nyɛnyea 'nyakpa keyi.

Matie 15:2

Sɔɔbɛɛza -neɛ' gɛlenya "ne "zo bhɔ -a 'to 'wɔ 'na -Lɔ 'plome 'a? 'Wa -gba "kɛ li ne, 'wa "ne 'wɛle- kɔ.

Matie 21:23

Zezu "kɛ "Mebɔbɔlebhudu "me plɛ ne, 'ɔ -ko Lagɔweli sloa dɛku "ne bɔbɔnya 'na "cifia -nyɛ 'du "me 'na -gligbɛyitia "bhaa yu -lɔ yɔko 'nyiɔ-, ŋwɛnɛɛ: «-Ɔ 'nyɛ- bhɔ -eyi 'bhɛloɛ "ne -e no bhɔ "ɛ soɔ 'a? Sɔɔbɛɛza, -e no bhɔ "ɛ soɔ -tia 'a?»

Matie 21:46

Faliziɛnya "ne bɔbɔnya 'na "cifia tɛle nɛ -see 'wa "kɛ "zo "ne 'wa "kɔ 'sa -wɛ 'siɛ, -mɔ, 'wa 'gu nɛ -zakpɛ -gɛ. "Naa-, "ɛ -zakpɛ -wɛ -kɛ nɛ 'dleku -gbɔ Zezu "guɔkwɔmenyɔ yɔ -lɔ zɛ.

Matie 22:15

"Ne Faliziɛnya yi -lɔ 'wli "zo ka "me, -se 'wa "kɛ Zezu weli 'na -gbotu 'cile-.

Luke 14:1

'Yli -bholo, -gbajɛzle, Zezu me 'awɔ Faliziɛnya 'na "cifi 'na sueme, "ne 'wa 'wolo 'awɔ "ku 'wewe -se 'wa -nyɔ 'wɔ "bhaa 'wa "kɛ 'gɔme lile, "ne 'wa yi -lɔ lilidɛ 'plele.

Luke 15:2

"Ne Faliziɛnya -nyɛ -Lɔsloanya 'wɔ "bhaa 'ŋuŋwaŋuŋwale nɛ -lɔ "me, 'wa nɛɛ: «'Nyɔpkɔ ne -su nyinyonolinonya 'tee "ne 'ɔ -nyɛ 'wayi 'wɔ "bhaa lili 'gɔme!»

Luke 16:14

Faliziɛnya -wa -wa nɛ 'dlasi -fo nɛ Zezu 'na -ye 'ɔ bhulɛ nɛ 'klekle 'yukwli "ne 'wa silo nɛ -lɔ.

Luke 2:34

Simeɔ -poa 'ŋu. "Ne 'ɔ yi -lɔ 'ɔ "nɔ Mali bhulɛle- nɛɛ: Yu -ɔ -ko dɛne -wɛ, 'wa yu 'ce gbelia -zejilɛ la, "ne 'ɔ yi 'ce Izlayɛleyua 'be 'na "yitɛ 'ylime 'tuɔ.

Luke 5:21

-Lɔsloanya -nyɛ Faliziɛnya "bhaa 'wa lɛ -lɔ sɛne nɛɛ: 'Nyɔkpɔ 'na -ɔ ziɛ bhɔ doɔ Lagɔ 'dii 'a? 'Nyɔkpɔ 'na -ɔ 'bhɛle- bhɔ -se 'ɔ "kɛ 'ɔluyu -nyɔkpɔ 'na 'nyinyonoli "ku "titli 'a? 'Ɛ "mɔ Lagɔ -bholo -kpee yɔ.

Zezu Kli 'na 'Denaade ‑ye Zaa kɛle‑ ne lɛ 10:20

'Wanɛɛ 'glɛme 'na "kwleyia nɛɛ: «Zuzu -nyɛnye -ko -lɔ keyi, "ne "kukwɛ sɔ- -lɔ. Sɔɔbɛɛza 'a -fo bhɔ 'yukwli 'a?»

Zezu Kli 'na 'Denaade ‑ye Zaa kɛle‑ ne lɛ 18:22

"Ɛ weli -wɛ kɔ 'ye "slojayu -bholo -ɔ -kome nɛ lɔbhɔ -wɛ 'pɔ- -lɔ Zezu 'kwlɛ 'yukwli "me, "ne 'ɔ yu -lɔ bhulɛle- nɛɛ: «Soɔ- 'ye -e bhulɛle -lɔ "ɛ bɔbɔnyɔ "yitɔ?»

Zezu Kli 'na 'Denaade ‑ye Zaa kɛle‑ ne lɛ 5:16

-Ɛwɛza Zufonya 'yɔbhɔ -lɔ -gbɔ 'wa "kɛ Zezu "nyɛnye 'wli no, "naa-, 'ɔ -yamalea 'nyɔkpɔ -gbajɛzle zɛ.

Zezu Kli 'na 'Denaade ‑ye Zaa kɛle‑ ne lɛ 7:12

"Ne "ɛ -zakpɛ "yitɛ -wɛ "me ne, 'nyakpa 'kpɛle nɛ -lɔ. -Bedia nɛɛ: «'Nyɔkpɔ 'na 'tee -nɔ yɔ -lɔ.» -Wawɛ nɛɛ: «'Bhɔ, 'nyakpa 'ye 'ɔ no -lɔ ylo.»

Zezu Kli 'na 'Denaade ‑ye Zaa kɛle‑ ne lɛ 8:13

"Ne Faliziɛnya yu -lɔ bhulɛle- nɛɛ: «-Eyigɛsɛ 'na "ku 'na 'de 'ye -e sɛ -lɔ doɔ. Za -neɛ' 'desɛweli "ne -bɛɛ' "me -ko.»

Zezu Kli 'na 'Denaade ‑ye Zaa kɛle‑ ne lɛ 8:52

"Ne Zufonya yi -lɔ Zezu bhulɛle- nɛɛ: «-A -yi -la -dɛme sɛ -gbɔ zuzu -nyɛnye -ko -lɔ -eyi keyi. Ablame "ku-, "ne "guɔkwɔmenya "ku -me 'lelee, "ne -eyi, -e no -lɔ nɛɛ 'nyɔkpɔ kɛ -neɛ' bhulɛweli 'plome "zo- ne, "ɔ -ka 'ce "ku.

Zezu Kli 'na 'Denaade ‑ye Zaa kɛle‑ ne lɛ 8:59

"Ne 'wa yi -lɔ 'tiyi 'libhi -se 'wa "kɔ 'nu 'lɔbhɔ, "ne 'ɔ yi -lɔ zizɔ-, "ne 'ɔ yi -lɔ "ɛ "Mebɔbɔlebhudu "me zɔ 'wlo.

Zezu Kli 'na 'Denaade ‑ye Zaa kɛle‑ ne lɛ 9:40

"Ɛ Faliziɛnya 'na -bedia 'no- lɛ "ɛ weli -wɛ "me ne, lo 'wa 'yɔbhɔ- -lɔ nɛɛ: «-Anye 'lelee, -kpelɔbhɔnya 'ye -a -noɔ -me bha?»

1 Kolɛtenya 15:58

-Nyɔsɔ -a -wale 'wanye, 'a -tamale "me, -se 'anyɛɛ 'dlekukɛleɛ 'te "kɛ "me yɔle-! 'A no libhɔ -godogodo, -se 'a lɔbhɔ Anyinɛnyɔ "ku 'tee. 'A yibhlele- sɛ -gbɔ, 'a "kɔ "ku lɔbhɔ ne, 'a -na "fu lɔbhɔ.

2 Kolɛtenya 4:1

Lagɔ 'na 'nyɛzedle -kɛle -za za 'ɔ no -lɔ -gbɔ -a no "ɛ libhɔ ne, zaa 'kwɛme te -kɛ -anye yɔle-.

2 Kolɛtenya 4:16

'Ɛnɛɛ za 'kwɛme "ne -lɔ -anye yɔle-. -Anyɛɛ ku kɛ se zlo- -ce, -ɛ -ko -anye "me -wɛ "zo 'lele -se zle ze 'yiɛ -wɛ.

Galatenya 6:9

-A no -li 'na -li, 'kwɛme te -kɛ -anye yɔle-. 'A 'cɛ no yiɛ ne, lɔbhɔ kɛ 'ce -ylɛ, -a yi 'ce -bɛɛ' 'na -bɛɛ' "me ylele-.

2 Tesalonikenya 3:13

-Nyɔsɔwanye, 'ɛ kɛ 'anye 'waa, 'a te -li 'na -li 'na nono -za 'diɔle-.

Eblenya 12:2

-A wolo- Zezu "ku 'yiɛ. 'Ɔɔ gbɔ "ne -a kɛle -lɔ 'dleku, 'ɔɔ "kɛ -lɔ gbɔ "ne -anyɛɛ 'dlekukɛleɛ "kɛ -lɔ "me "tamale-. Zezu 'ŋunu- "ku -gbɔ 'ɔ yi klowa "klo kule, zu "no lɔbhɔ-. "Naa-, 'ɔ -gɛ nɛ "kle 'ŋwɛnɛ -ɛ "kɔ 'lɔbhɔ -wɛ 'yli, "ne -dɛmeda, 'ɔ gli- Lagɔ 'na lilikwlɛ -gbɔsɔ "ku.

Eblenya 12:5

'De -ye Lagɔ "zo- 'anye "me sɛgbɛɛ 'ɔnɛɛ yua -wɛ ne, "ku 'ye 'a -dlu bha? «'Na yu, Anyinɛnyɔ kɛ -eyi "ku 'gbɔtɔle- ne, -ɛ te -eyi 'kɛle "ku lele-! 'Ɔ kɛ -eyi nuɔ sɔbhɔ, 'kwɛme te -eyi yɔle-!

Eblenya 3:1

-Nyɔsɔwanye, Lagɔ la- 'anye, zaa, 'a wolo- Zezu "ku 'tee. Lagɔ -lobho -lɔ, 'ɔ -noɔ -lɔ bɔbɔnyɔ "yitɔ nyɔ 'na Denaade -a -sɛle -glɔnya yɔ.

1 Piɛle 2:23

'Ɔyi, 'wa 'ylu lɛ ne, 'ɔ "ne 'ɛ 'yliweli -wɛ 'wlizɔ -zia. -Sɔɔdɛku 'wa 'gbapeɔ nɛ -wɛ, 'ɔ "ne 'ce 'nyɔkpɔ "gua-, -mɔ, 'ɔ 'je- 'ɔyi Lagɔ -ɔ 'bhle gbo "me ŋwinɛlesɛ -wɛ kɔ.

'Ylikloylɛleweli 2:3

-E 'piɛ- "bhle 'dle, -e 'kplɛ- 'neɛ za, "ne 'kwɛme "ne -eyi yɔle-.