Eblenya 12:2 - Nouveau Testament bété de Gagnoa

² -A wolo- Zezu "ku 'yiɛ. 'Ɔɔ gbɔ "ne -a kɛle -lɔ 'dleku, 'ɔɔ "kɛ -lɔ gbɔ "ne -anyɛɛ 'dlekukɛleɛ "kɛ -lɔ "me "tamale-. Zezu 'ŋunu- "ku -gbɔ 'ɔ yi klowa "klo kule, zu "no lɔbhɔ-. "Naa-, 'ɔ -gɛ nɛ "kle 'ŋwɛnɛ -ɛ "kɔ 'lɔbhɔ -wɛ 'yli, "ne -dɛmeda, 'ɔ gli- Lagɔ 'na lilikwlɛ -gbɔsɔ "ku.

Eblenya 12:2 Iomraidhean Croise

Matie 16:21

Lɔbhɔ 'ye Zezu Kli -bhulɛle -lɔ 'ɔnɛɛ gɛlenya gbɛklɛklɛ nɛɛ: 'Ɔ yi Zeluzalɛme me, "ne -Gligbɛyitia, bɔbɔnya "yitia "ne -Lɔsloanya yu 'gbapea- kpɛnyee, "ne 'wa yu 'lɔbhɔ "ne 'ɔ yi "ku, -mɔ 'yli ta kɛ ple-, 'ɔ yi gluzɔ 'wlo.

Matie 20:28

'Wa "kɛ 'Nyɔkpɔ Yowli "ku lɔbhɔ- za 'ɔ "ne zikpoku -yi, -mɔ, 'ɔ "kɛ 'lɔbhɔ- za 'ɔ -yi -lɔ, -se 'ɔ "kɛ 'ɔnɛɛ zikpɛ "me 'bhale-, 'nyakpa -kwleyia 'na zeti -za.»

Malke 14:36

Zezu nɛɛ: «Abba, To, -e 'bhɛle- -li 'klekle. 'Yliale- -ame "ɛ 'gbapegbapeɛ 'na 'leylislɔ ne "guɔ. -Mɔ te -kɛ -ye 'e 'yɔbhɔ -wɛ no, -mɔ, -neɛ' -ye 'e 'yɔbhɔ -wɛ, 'ɛɛ -na 'tole- -kɛ sɔbhɔ.»

Malke 15:28

[Soɔ 'ye Lagɔ-bɔgo "me 'na welicibhɛ 'wlole- -lɔ 'yli, sɛne 'ye 'ɛ lɛ -lɔ nɛɛ: 'Wa -zɛle -mo 'nyakpalɔbhɔnya 'glɛme.]

Malke 16:19

Anyinɛnyɔ Zezu "kɛ bhulɛ "bhuɔ ne, 'ɔ 'gblɛ- "nɔgɔ "me. 'Ɔ 'gli- "bhle Lagɔ yɔko, lilikwlɛ -gbɔsɔ "ku.

Malke 9:12

Zezu -bhulɛloa nɛɛ: «-Tiasɛku Eli "kɛ -lɔ yi tɛɛ -se 'ɔ "kɛ -li 'wli jijalea-. -Mɔ sɔɔbɛɛza Lagɔbɔgo no me bhɔ 'lelee nɛɛ 'Nyɔkpɔ Yowli yi 'gbape kpɛnyee, "ne 'wa yu 'ce 'nyɛze ziɛ- 'a?

Malke 9:24

"Ɛ doɔ cuu, "ɛ yu 'ɔ 'to yi -lɔ "me "kpa, 'ɔ nɛɛ: 'E -kɛ 'dleku! Kwɛle- -ame, 'neɛ 'dlekukɛleɛ "ne -tia "me 'tɛ-.»

Luke 17:5

"Kɔlepɔnya -bhulɛle -lɔ Zezu nɛɛ: Zimalea- 'anyɛɛ 'dleku 'kɛleɛ "ku.

Luke 23:11

Elode -nyɛ 'ɔnɛɛ "slojanya "bhaa 'wa ziɛ Zezu 'dii, 'wa silo, 'wa -plɔ -klɔbgɔnyɔ 'na 'koti "me, "ne 'wa yu -lɔ Pilate 'na dɛce kɔme-.

Luke 24:26

Zaa, Klise te nɛ bhɔ 'gbape, -se 'ɔ "kɛ nɛ 'ŋlu me?»

Zezu Kli 'na 'Denaade ‑ye Zaa kɛle‑ ne lɛ 1:29

-Zle "kɛ ze ne, Zaa 'na wolo, Zezu yilu lo; "ne 'ɔ yi -lɔ no- nɛɛ: «Lagɔ 'na Zɛbhlɛbhlɛyu, -ɔ "titli 'nyakpa 'klekle 'na "nyinyɔnɔli "ku ne lɛ.»

Zezu Kli 'na 'Denaade ‑ye Zaa kɛle‑ ne lɛ 12:24

-Ɛɛ, gbɛklɛklɛ 'ye 'e bhulɛle lɛ 'anye: 'Ble 'na yɛ -ɛ bhli dodo "me -wɛ, 'ɛ "mɔ "ku- ne, 'ɛyikɔ 'ye 'ɛ ko -lɔ. -Mɔ, 'ɛ kɛ "ku- 'ye 'ɛ tlo -lɔ yɛ 'na 'gbagbo.

Zezu Kli 'na 'Denaade ‑ye Zaa kɛle‑ ne lɛ 12:32

"Ne -ame, 'wa kɛ -ame "nɔgɔ "ku -bizɛ, 'e yi 'ce 'nyakpa 'klekle -ame lo lale-.»

Zezu Kli 'na 'Denaade ‑ye Zaa kɛle‑ ne lɛ 13:3

Zezu -yi 'awɔ sɛ -gbɔ 'ɔ To Lagɔ 'jo- -lɔ -li 'klekle kɔ, "ne Lagɔ "me 'ye 'ɔ 'bhale -lɔ, "ne "ɛ Lagɔ yɔko 'ye 'ɔ me 'awɔ -lɔ.

Zezu Kli 'na 'Denaade ‑ye Zaa kɛle‑ ne lɛ 6:40

-A To 'na -ye 'ɔ 'yɔbhɔ- ne lɛ: 'Nyakpa 'na -wa 'ye Lagɔ Yowli 'ylime, "ne 'wa kɔlo 'dleku -wɛ yi 'ce Lagɔ zikpɛ 'na -ɛ -ka "kubhiɛ -wɛ yle. "Ne -ame, 'e yua 'ce glu -sɛ zikpɛ 'na "kubhiɛ -zle.»

Zezu Kli 'na 'Denaade ‑ye Zaa kɛle‑ ne lɛ 8:56

'A To Ablame 'ŋwɛnɛ 'lɔbho- 'awɔ. 'Ɔ 'yɔbhɔ nɛ -gbɔ 'ɔ "kɛ 'neɛ gwɛleyili 'ylime 'ye. 'Ɔ 'ye- 'ylime "ne 'ŋwɛnɛ yu 'awɔ -lɔ "ku 'yiɛ.»

Nonoli 2:36

Izlayɛledu "me 'na 'nyakpa, 'a kɛle- 'ce 'dleku nɛɛ: "Ɛ Zezu -ye 'a 'lɔbhɔle- 'awɔ klowa "klo -wɛ, Lagɔ "zoɔ- "Bhenyɔ "ne 'Fuɔnyɔ.»

Nonoli 3:15

"Ɛ sɛbhele -wɛ, 'a 'lɔbhɔ- zikpɛ -Bhenyɔ. -Mɔ, Lagɔ -goliɔ. -A "zo 'ɛnɛɛ -wayeɛdɛ.

Nonoli 5:31

"Ne 'ɔ yu -lɔ 'ɔyi lilikwlɛ -gbɔsɔ "ku -jilɛ. "Ne 'ɔ yu -lɔ Kamalenyɔ "ne 'Fuɔnyɔ "zoa-. -Se Izlayɛleyua "kɛ kɔ 'bheliɔ-, -se Lagɔ "kɛ 'wanɛɛ 'nyinyonoli 'na gbo 'yi 'tale-.

Nonoli 5:41

"Ɛ "kɔlepɔnya, 'ŋwɛnɛ 'lɔbhoa "ne 'wa yi -lɔ "ɛ gbobhle-zejilɛ "ku 'bha- "naa-, -see 'wa -zua nɛ 'nyɛze Zezu 'na 'tɔ "me -wɛ "kpɔmaloa- nɛ "ku.

1 Kolɛtenya 1:18

"Naa-, klowa 'na weli, 'nyakpa 'na -wa -bhli 'kwlɛ -wɛ 'na dɛku "kukwɛ yɛ -lɔ. -Mɔ, -anye -ye Lagɔ 'fuɔ- -wɛ 'na dɛku, Lagɔ 'na 'bhɛloɛ yɛ -lɔ.

1 Kolɛtenya 1:23

-Mɔ, -anye, Klise -ye 'wa -kole klowa "klo 'na 'de 'ye -a 'sɛ -lɔ -gbɔ 'ɔ -noɔ -lɔ 'Fuɔnyɔ yɔ. "Ɛ weli -wɛ 'ye zufonya "ne -lɔ "ku 'ŋunu-, "ne -wa "ne zufonya 'wa -wɛ -no -lɔ -gbɔ "kukwɛ weli yɛ.

Efɛzenya 2:16

-Ye 'ɔ "kule- klowa "klo -wɛ, Zufonya "ne -wa "ne Zufonya 'waa -wɛ 'ye 'ɔ "zo- -lɔ 'wli, ku -bholo -kpee "me, "ne 'ɔ yua -lɔ Lagɔ "bhaa gbo 'selia-. -Ye 'ɔ "kule- klowa "klo -wɛ 'ye 'ɔ -bhiale -lɔ gbo -ɛ -gbɔ nɛ "ne 'wa 'gblegblele nɛ -wɛ "ku.

Efɛzenya 5:2

'A -kɛle 'ŋwɛnɛ "me, Klise 'nasɛ: 'Ɔ -wamale -anye, "ne -ɔ 'bhale- 'ɔnɛɛ zikpɛ "me 'anyɛɛ za, sɛgbɛɛ 'nyɛnyɛ -bɛɛ' "ne bɔbɔle -bɛɛ' -ɛnɛɛ 'ŋoni -le lɛ Lagɔ 'ŋwɛnɛ "ku ne.

Filiponya 1:6

'E -kɛ -bɛɛ' -bholo 'dleku, 'ɛɛ -noɔ -lɔ nɛɛ: Lagɔ -ɔ 'ci- "ɛ libhɔ "namanɔ 'anye 'glɛme "ku ne, 'ɔ 'yi no -kaa, "ne 'ɛ "kɛ 'ce -lɔ Zezu Kli 'na yizle 'wlizɔ bhiɛle-.

Filiponya 3:20

-Mɔ, -anye, -anyɛɛ 'du "nɔgɔ "me yɛ -lɔ. -Anyɛɛ Fuɔnyɔ Anyinɛnyɔ Zezu Kli -ye -a -wo, "bhle 'ye 'ɔ "kɛ 'ce -lɔ 'bhale-.

2 Timote 4:8

-Dɛmeda 'neɛ 'peɛleɛ -ye Anyinɛnyɔ "kɛ -ame kɔ 'je -wɛ 'ye 'e -wo -da -lɔ. "Ɛ -zle -wɛ, 'ɔyi gbobhlenyɔ -ɔ ŋwinɛle- "me, gbobhlezle kɛ -yi ne, 'ɔ yi -ame 'neɛ kɔ 'je. "Ɛ "ne -kɛ 'ayikɔ yɔ, -mɔ, 'nyakpa 'klekle -wa -wo -me 'ŋwɛnɛsɛ "ku 'ɔnɛɛ yi -zle -wɛ, 'ɔ yua 'ce "nyɛ me.

Eblenya 1:13

Lagɔ -na 'ce -zɛ "nɔgɔzilɔ bhulɛle- nɛɛ: Yi -se 'gli 'neɛ lilikwlɛ -gbɔsɔ "ku, -se 'e "kɛ -neɛ' -gblenya -eyi bhozɔ "zo.

Eblenya 1:3

Lagɔ 'na 'ŋlu lelo "ku. "Ɛ yu ne -noɔ -lɔ -diɛnadiɛ -ye Lagɔ -noɔ yɔ, "ne 'ɔnɛɛ bhulɛweli 'na 'bhɛloɛ -su -lɔ zikpɛ. 'Ɔ bhudua- lɛ 'nyakpa 'wanɛɛ 'nyinyonoli za "bhuɔ ne, "ne ɔ yi -lɔ "nɔgɔ "me Lagɔ -ɔ -kɛ 'bhɛloɛ 'na lilikwlɛ -gbɔsɔ "me 'gli.

Eblenya 10:14

"Ku -bholo 'na 'ye 'ɔ -bɔbɔ -wɛ -gbɔ "ne -wa -plɛ 'wlele -wɛ "ne 'nuɔsɔbhɔledɛ -kɛ -godogodo 'na dɛ.

Eblenya 10:33

'Wa 'yli- 'anye, "ne 'wa 'gbapea- 'anye 'nyakpa 'klekle 'yliku, "ne 'a -kwɛle -me 'lelee -ye 'wa 'gbapea- 'anyɛɛ sɛku -wɛ.

Eblenya 11:36

-Bedia 'ŋunu- 'yliyli gbo "ne 'sɛpesɛpe -gbo "ku. 'Wa -gwale -bedia 'gɔgɔ nu "ne 'wa 'poa- -jiɛ "me.

Eblenya 12:3

-Ɛɛ, 'a "pɔ Zezu "ku 'dle. 'Nyinyonolinonya -gblo nɛ, -mɔ, -ɛ "no -bɛɛ' -no. Zaa, 'kwɛme te 'anye yɔle-.

Eblenya 13:13

Zaa, -a 'wlo zɔ, -se -a "kɔ -pi keyi 'sibhɔle- -ka me, 'wa kɛ -anye 'yli ne, -a 'ŋunu "ku Zezu 'nasɛ.

Eblenya 5:9

Lagɔ -gbɔ "ne 'ɔnɛɛ libhɔ -sɛ 'wli. Zaa, -dɛmeda, -wa "zo Klise 'plome -wɛ, 'wa yle -lɔ 'ɔyi "me 'popoɛ -ɛ -gwlɛ -godogodo -wɛ.

Eblenya 7:19

"Naa- Moyize 'na -Lɔ "ne bhi 'na -bhi -tlo. -Mɔ, 'ɛ 'je- -anye 'dletɛleɛ 'na "namanɔ kɔ, "ne 'ɛ 'dletɛleɛ -wɛ "me -ye -a 'nyiɔ -lɔ Lagɔ yɔko.

Eblenya 8:1

'Ɛ weli -ye -a bhulɛle 'anye -wɛ 'na -ɛ "kɛ 'anye 'yukwli "me to- ne lɛ: -A -kɛ "ɛ -soɔ 'na bɔbɔnyɔ "yitɔ, 'ɔ 'gli- "nɔgɔ "me Lagɔ -ɔ 'bhɛle- 'klekle 'na 'leyli -gbɔglo 'na lili -kwlɛ "ku.

Eblenya 9:28

"Ɛ sɛbhele -wɛ, Klise 'bhale- 'ɔnɛɛ zikpɛ "me "ku -bholo 'na dɛ, -se 'ɔ "kɛ 'nyakpa -kwleyia 'na 'nyinyonoli lɔbhɔ -sɛ. 'Ɔ yi 'ce "kusɔ 'ɔyi 'tua-, 'nyinyonoli 'ye 'ɔ -na -kɛ lɔbhɔ -sɛ -ka yi, -mɔ 'ɔ "kɛ 'wa -wo -wɛ 'fuɔ.

Zake 2:1

-Nyɔsɔwanye, 'a -kɛ 'ŋlumenyɔ Anyinɛnyɔ Zezu Kli 'dleku za, 'a te 'nyakpa "me dlidlile-.

1 Piɛle 1:11

Klise 'na Zuzu -koa 'awɔ "me, "ne 'ɔ yu 'awɔ -lɔ Klise 'na 'gbapeɛ 'ylime -tua "kle, 'ɛ -nyɛ 'ɔnɛɛ 'ŋlumeɛ -ye 'ɔ "kɛ nɛ -yle -wɛ "bhaa. "Guɔkwɔmenya -tɛle -sɔɔdɛku "ne -see 'ɛ -li -wɛ 'wɔ "kɛ -ylɛle -wɛ 'siɛ.

1 Piɛle 3:18

"Naa-, Klise 'ɔyigɛsɛ "ku- "ku -bholo, 'nyakpa 'na 'nyinyonoli za. 'Ɔyi, -ɔ "ne 'nyinyonoli -no -wɛ "ku- -wa -no "nyɛnye -wɛ 'na 'ylime, -se 'ɔ "kɛ 'anye Lagɔ 'na -gwe "ku 'sibha-. Klise, 'wa 'lɔbhɔ- "ne 'ɔ "ku-, "ne Zuzu Wlewle yu -lɔ golia-.

1 Piɛle 3:22

'Ɔ 'gblɛ- "nɔgɔ "me, 'ɔ 'gli- Lagɔ 'na lilikwlɛ -gbɔsɔ "ku. -Dɛmeda, 'ɔ -kɛ 'bhɛloɛ "ne 'ɔ zi "nɔgɔzilia 'klekle -nyɛ zuzu 'klekle -wa 'kamalea "ne -wa -kɛ 'bhɛloɛ -wɛ "bhaa "ku.

Zude 1:21

'A ko Lagɔ 'na -waleɛ "me. 'A "zo Anyinɛnyɔ Zezu Kli 'anyɛɛ 'dlekukɛleɛ "me. 'Ɔnɛɛ 'nɛne -ko -ylime, 'ɔ yi 'ce 'anye zikpɛ -ɛ -ka lɛ "kubhiɛ ne 'nyɛ -godogodo.

'Ylikloylɛleweli 1:11

'Ɛ nɛɛ: -Ye 'e 'ye 'ylime -wɛ, 'kɛle "bɔgo "me, -se kɔme- Lagɔgligbɛ gbɔɔsɔ -wɛ "me: Efɛze, Similɛne, Pɛlegame, Tiatile, Saledɛse, Filadɛlefi "ne Laodise.

'Ylikloylɛleweli 1:17

'E kɔ 'ylime 'ye ne, 'ɔyi 'yli "ku 'ye 'e -bhli -lɔ sɛgbɛɛ "ku- 'ye 'e "ku-. 'Ɔ 'piɛ- -ame lilikwlɛsɔ "ku, "ne 'ɔ yi -lɔ no nɛɛ: Te 'se "gu! 'Mɔɔ -noɔ -lɔ tɛtɛnyɔ, "ne bebhiɛlenyɔ yɔ,

'Ylikloylɛleweli 1:8

Anyinɛnyɔ Lagɔ nɛɛ: «'Mɔɔ -noɔ -lɔ Alefa "ne Omega yɔ, tɛtɛnyɔ "ne bebhiɛlenyɔ, 'mɔɔ -noɔ -lɔ -ɔ -le, -ɔ -le 'awɔ, "ne -ɔ "kɛ yi, 'mɔɔ -noɔ -lɔ -ɔ 'bhɛle- -li 'klekle yɔ.»

'Ylikloylɛleweli 2:8

«"Kɛle "nɔgɔzilɔ -ɔ -ko Similenedu "me 'na Lagɔgligbɛ "me -wɛ "ku nɛɛ: 'Tɛtɛnyɔ, "ne 'bebhiɛlenyɔ, -ɔ "ku- 'awɔ, "ne -ɔ 'wlo- gluzɔ -wɛ 'na -ye 'ɔ bhulɛ ne lɛ.