Eblenya 12:1 - Nouveau Testament bété de Gagnoa

¹ 'Nyakpa 'na -zakpɛ "yitɛ -ye 'dlekukɛleɛ -ko "me -wɛ -bli -anye. Zaa, -anye -bhele ne, -a "pɔ -li 'klekle -ɛ gbɔ "ne -a "ne 'nyiɔ 'yuku -wɛ 'kwlɛ "me, -a "pɔ 'nyinyonoli -ɛ -bubɔ -anye -fa -wɛ 'kwlɛ "me. -A 'pa- 'sokwɛ -se -a "kɛ -dee 'wa ga -ce ylɛ-.

Eblenya 12:1 Iomraidhean Croise

Matie 10:22

"Ne 'neɛ 'tɔ "me 'nyakpa 'klekle yi 'ce 'anye 'gble, -mɔ, -ɔ kɛ 'ce 'dleku "tamale- -kaa "ne 'ɛ kɛ 'ce -bhiɛ, Lagɔ yu 'ce 'fuɔ.

Matie 24:13

-Mɔ, -ɔ kɛ 'ce 'dleku "tamale- -kaa "ne lɔbhɔ kɛ 'ple- ne, Lagɔ yu 'ce 'fuɔ.

Malke 10:50

"Ɛ -kpelɔbhɔnyɔ -sɔ "ku -vaa, "ne 'ɔ yi -lɔ 'ɔnɛɛ "koti 'kwlɛme 'pɔ-. "Ne 'ɔ yi -lɔ Zezu lo mele-.

Luke 12:15

"Ne 'ɔ yi -lɔ 'wayi 'klekle bhulɛle- nɛɛ: «'A 'luɔ- -kɛ! 'A te -kɛ -li 'momale- kpɛnyee, "naa- 'nyɔkpɔ 'na zikpɛ, 'ɔ yi nɛ 'se -klɔgbɔnyɔ "zo -cɛ, 'ɔnɛɛ lɛ za 'ɛ "ne -kɛ lɔbhɔ -ko.»

Luke 16:28

"Naa-, 'e -kɛ "nowlia 'umgbu, zaa, 'ɔ me -se 'ɔ "koa bhulɛle- 'kle, -se 'wa te -kɛ mɛne -mee 'gbapeɛ -ko ne yi -me.

Luke 21:34

Zezu nɛɛ: «'A 'luɔle- -kɛ 'ayi "ku, 'a te -kɛ 'ayi 'dle nuɔ 'yiɛ, no -nɛmɛ -mɔ, "ne zikpɛ ne "ku 'na -li za. -Ɛ "kɛ yi -wɛ te kɛ 'anye vu zɛ.»

Zezu Kli 'na 'Denaade ‑ye Zaa kɛle‑ ne lɛ 3:32

-Ye 'ɔ 'ye- 'ylime "ne -ye 'ɔ 'no- -wɛ 'na "ku 'na weli 'ye 'ɔ bhulɛ -lɔ. -Mɔ, 'nyɔkpɔ "ne 'ŋunu -ye 'ɔ bhulɛ -wɛ "ku.

Zezu Kli 'na 'Denaade ‑ye Zaa kɛle‑ ne lɛ 4:39

Samaliglɔ "me 'na 'du -wɛ "ku 'na 'nyakpa -kwleyia 'wa -kɛle Zezu 'dleku "ɛ 'ŋɔnɔ -wɛ 'na 'desɛweli kɔ. "Naa- sɛnɛ 'ɔ lɛ 'awɔ -lɔ nɛɛ: «'ɔ -bhulɛle -ame -ye 'e -no 'klekle -wɛ.»

Zezu Kli 'na 'Denaade ‑ye Zaa kɛle‑ ne lɛ 4:44

'Ɔyi 'nabhɛ, 'ɔ la- 'awɔ sɛne nɛɛ: «"Guɔkwɔmenyɔ "ne -la 'ɔ 'luku 'plome -ko.»

Wlomɛnya 12:12

'Ŋwɛnɛ 'lɔbhɔ 'anye, -see 'a "tɛle- 'dle -wɛ za. "Nyɛnye "kɛ 'anye -yle ne, 'a 'piɛ- "bhle 'dle -vlee, -se 'a bhubhɔ 'yiɛ.

Wlomɛnya 2:7

-Wa 'tɛle -godogodo 'nɛne 'na nonoɛ 'siɛ -gbɔ 'wa "kɛ 'ŋlu me, 'wa "koa -bhlegbi "me "zo, -se 'wa "kɛ zikpɛ 'na -ɛ -ka "kubhiɛ -wɛ yle, "ɛ 'wayi -wɛ, Lagɔ "bhaa, 'wa yi 'ce "ku 'glile- -godogodo.

2 Kolɛtenya 7:1

'Titoa -awale 'wanye, Lagɔ -plele 'se -anye weli kɔ, za, -a 'gwegwele kɔ -se -anyɛɛ ku -nyɛ 'dle "bhaa "kɛ 'wlele plɛ. -A -ya 'gu Lagɔ -gɛ, -se -a "kɛ -anyɛɛ 'wleleplɛɛ kɔ bhiɛ.

Galatenya 2:2

'E -sɔbhɔle 'awɔ 'bhle 'wli, "naa-, Lagɔ no 'awɔ -lɔ -gbɔ 'e no. Zeluzalɛme -du "me, 'e -tua 'awɔ "bhle 'na 'klecɛnya 'Denaade -ye 'e -sɛle 'nyakpa 'na 'wa "ne Zufonya 'waa -wɛ 'ylime. 'E 'tuɛ -me 'lelee Lagɔgligbɛ 'na 'yuku gɛlenya 'ylime, 'e -nyɛ 'wanɛɛ -zakpɛ -wɛ "bhaa. Naa, 'e "ne nɛ 'yɔbhɔ -gbɔ 'neɛ -zeka 'na libhɔ, "ne 'zegbɛ -nɛ "bhaa bhli -kɛ "kwlɛ zɛ.

Galatenya 5:7

'A 'ci- nɛ 'se "ku 'tee ne, 'ɔ -kakla bhɔ 'anyɛɛ -gwe, "ne -ɔ -sɛ bhɔ 'anye gbɛklɛklɛ 'na 'plomezoɛ 'na -gwe "ku 'a?

Efɛzenya 4:25

Zaa, 'a te -ka -la 'yo 'wlɛ. -Ɔ 'kɔkokɔko bhulɛle -kɛ -la 'ɔluyu gbɛklɛklɛ, sɛko -wɛ, ku -bholo -ye 'a -glɛ -lɔ 'glɛ 'klekle.

Filiponya 1:30

'Anye 'wɔ "bhaa 'gɔme 'ye -a 'kplɛle -lɔ. 'Anye 'yliku 'ye 'e 'kplɛle- 'awɔ -lɔ 'watɔ, "ne 'a -yi sɛ -gbɔ 'e 'kplɛ -nazɛ 'yiɛ.

Filiponya 2:16

"Naa-, 'a bhulɛ Lagɔ 'na weli -ɛ 'nyɛ zikpɛ 'glɔnya zɛ. 'A 'cɛ soɔ 'sa ne, 'ɛ yi -gbɔ "ne Zezu Kli 'na yizle, 'anyɛɛ za 'e yi 'ce keyi "me 'lɛle, "naa-, 'e "ne "fu libhɔ -no, "ne 'e "ne "fu 'kpɛlɛ- zɛ.

2 Timote 2:4

"Slojayu 'na -ɔ no -gbɔ 'ɔ "kɛ 'ɔnɛɛ "cifi 'ŋwɛnɛ labha -wɛ, 'ɔ "ne "zo -la 'ɔyi dodo ne "ku 'na libhɔ 'na weli 'wlime.

2 Timote 4:7

'E -gwe 'gɔle 'na "namanɔ, 'e -bhiɛ 'neɛ sokwɛ pa- -kɔ "ne 'neɛ 'dlekukɛleɛ 'e "ne 'yi 'tale-.

Eblenya 6:15

Ablame 'piɛ- "bhle 'dle, "ne -nyɔ 'na weli Lagɔ -plelo kɔ -wɛ 'ɔ 'ye- 'ylime.

Zake 1:3

"Naa-, 'a -yi sɛ -gbɔ 'a kɛ 'kplɛkplɛɛ "me -ko, "ne 'anyɛɛ 'dlekukɛleɛ kɛ "me 'tɛ-, 'ɛɛ "kɛ -lɔ -gbɔ "ne 'a "kɛ -lɔ "me "tamale-.

1 Piɛle 2:1

'A 'tale -ɛ -noɔ -konyinɛ yɛ 'klekle -wɛ 'yi, 'a te 'nyɔkpɔ ylo no, 'a te -jijigbɛlɛ "zo, -se 'a te lɔbhɔzo no, -se 'a te 'alua 'na weli -nyɛnye bhulɛ.

1 Piɛle 4:2

"Tɛnye -ɛ -to "bhle "ne 'a "kɛ -mlɛ zikpɛ ne "ku ko, 'a te 'nyakpasɛ 'na 'dlepɔsɛ -nyɛnye gɛlele-, -mɔ, 'a gɛlele- Lagɔ 'na -ye 'ɔ 'yɔbhɔ -wɛ.

1 Piɛle 5:1

-Dɛmeda, 'e bhulɛle "yitia -wa -ko 'anye 'glɛme -wɛ. -Ame "yitɔ 'ye 'e -noɔ -me -lɔ 'anyɛɛ sɛ. 'E 'ye- Klise 'na 'gbapesɛ 'na dɛ, "ne 'e yi 'ɔnɛɛ 'ŋlu -ɛ "kɛ yi -wɛ 'na dɛ 'ye me.

1 Piɛle 5:12

'Anye 'ye 'e 'kɛle lɛ "bɔgo -ye 'e -slua Silase ne "ku. -Ame 'neɛ dɛku, "nɔwli 'na -ɔ "tɛle -ame 'dle yɔ -lɔ. 'Anye 'ye 'e 'pɔ lɛ "bɔgo ne "ku, -se 'e "kɛ 'anye 'kwɛme "tamalea-, -se 'e "kɛ 'lelee 'anye bhulɛle nɛɛ: Lagɔ 'na -diɛɛ 'na diɛɛ 'na -jɔlo ne lɛ, 'a 'kɛle- -kɛ "ɛ -jɔlo -wɛ kɔ klekle!

2 Piɛle 1:6

"Ɛ Lagɔ 'na yibhleleɛ -wɛ 'a 'cɛ 'ayi 'na "kupiɛleɛ klo 'piɛ; 'Ayi 'na "kupiɛleɛ 'a 'cɛ 'dlekupiɛleɛ klo 'piɛ, "ɛ 'dlekupiɛleɛ 'a 'cɛ Lagɔ 'na 'dletɛleɛ klo 'piɛ

'Ylikloylɛleweli 1:9

-Ame, 'a "nɔwli Zaa, 'anye 'wɔ "bhaa -a 'gbapele 'gɔme. 'Anye 'wɔ "bhaa Lagɔ 'na 'Kamalezikpɛ "me -noa 'ye -a -noɔ -lɔ, 'e 'piɛ- "bhle 'dle "ne 'anye -nyɛ -ame "bhaa -a -kole "ku 'gɔme Zezu "me. 'Wa sa- -ame "ne 'wa -kɔme -ame 'ŋusuɛledu Patemɔse, sɛko -wɛ, 'e bhulɛ Lagɔ 'na weli "ne 'e "zo- Zezu 'na -ɔyeɛdɛ.

'Ylikloylɛleweli 13:10

'Nyɔkpɔ kɛ lɔbhɔ -sɔ -jiɛnyɔ "ku ne, -jiɛnyɔ 'ye 'ɔ "kɛ -lɔ "zo. 'Nyɔkpɔ kɛ lɔbhɔ -sɔ -se 'ɔ "kɛ -jijigbɛlɛ 'yli "kule ne, -jijigbɛlɛ 'yli 'ɔ "kule -lɔ. -Wa -noɔ Lagɔ -noa 'wa -wɛ -dee 'wa "kɛ "bhle 'dle 'piɛle- "ne 'wa "kɛ 'dleku kɛle- -ylɛ -lɔ.

'Ylikloylɛleweli 22:16

-Ame Zezu, 'e -lebhe 'na "nɔgɔzilɔ -se 'ɔ "kɛ Lagɔgligbɛ "me 'na 'nyakpa bhulɛle- -gbɔ "ɛ weli -wɛ 'klekle 'diɛɛ yɛ -lɔ. -Klɔgbɔnyɔ Davide 'na ŋeyi "me 'ye 'ɛ 'bhale -lɔ "ne 'e -noɔ -lɔ 'ɔnɛɛ -gligbɛ "ku 'na yu yɔ, -mɔɔ -noɔ -lɔ 'zegbakpɔme 'na -zeli -ɛ 'le -wɛ yɔ.

'Ylikloylɛleweli 3:10

-E -slule 'se 'na weli 'dlebhlepiɛ "me ne, 'ɛnɛɛ za, -ame 'nabhɛ 'lelee, 'e yi -eyi kwɛle- 'gbapegbapeɛ kɛ lɔbhɔ -ylɛ ne. 'Diɛɛ, 'gbapegbapeɛ yi 'ce -glɔ ŋwɛne- "ne dodo ne "ku 'na 'nyakpa 'klekle 'na -see 'wa -ko -wɛ yi 'ce yibhleleɔ-.