Eblenya 11:4 - Nouveau Testament bété de Gagnoa

⁴ Abɛle -kɛle 'awɔ Lagɔ 'dleku, 'ɛza, 'ɔnɛɛ bɔbɔli 'nɛne- 'awɔ "ne 'ɛ -zi Kayɛ -nɛ "ku. Sɛko -wɛ, Abɛle -kɛ 'awɔ Lagɔ 'dleku za, Lagɔ 'ɔyi-gɛsɛ 'sa- 'ɔnɛɛ bɔbɔli kɔ, "ne 'ɔ yi -lɔ no nɛɛ 'ɔ ŋwinɛle- "me. Abɛle "ku-, "ne 'ɛ -ko sɔbhɔ, "ne 'wa bhulɛ 'ce 'ɔnɛɛ weli yiɛ.

Eblenya 11:4 Iomraidhean Croise

Eblenya 12:24

'A nyiɔ- -me 'lelee Zezu yɔko, 'ɔɔ slu- -lɔ 'ɔnɛɛ dlu siɛ -se -a "kɛ 'wlele ko. 'Ɔɔ -ko -lɔ Lagɔ "bhaa -anyɛɛ mɛnenoɛ -lele 'na jijɛku. "Ne 'ɔnɛɛ dlu -ɛ -slu -siɛ -wɛ kpa "me "ne 'ɛ zi Abɛle -nɛ "ku.

Zude 1:11

'Kpilɛkpilɛ 'sibhɔloa-! 'Wa -bhli Kayɛ 'na -gwe, 'wa -wlɛ yo Balaame 'nasɛ 'dlasi za, 'wa yi Kole 'nasɛ "ku, sɛko -wɛ 'wa "pɔle- Lagɔ 'kɛle yɔko -see Kole "pɔle- Moyize 'kɛle yɔko -wɛ.

Matie 23:35

Zaa, "meŋwinɛlenya 'na dlu -ye 'a 'slu- dodo ne "ku 'siɛ -wɛ, 'ɛ yi 'ce 'anye "ku 'ylile-. 'Ɛ 'cile- "meŋwinɛlenyɔ Abɛle 'na 'kwiɛ "ku -kaa "ne 'ɛ 'sibhɔ Zakali "ku, Balaci yowli -ye 'a 'lɔbhɔle- bɔbɔledɛme -nyɛ bhuducibhɛ 'wlewle "bhaa 'na jijɛku.

Eblenya 9:22

-Lɔ "me 'na dɛku, 'ɛyi 'klekle, dlu -wɛ zoɛ- -lɔ 'wlele. -Mɔ, dlu "mɔ 'siɛ 'mɛneɔ- ne, 'nyinyonoli "ne "ku 'titliɔ-.

Eblenya 12:1

'Nyakpa 'na -zakpɛ "yitɛ -ye 'dlekukɛleɛ -ko "me -wɛ -bli -anye. Zaa, -anye -bhele ne, -a "pɔ -li 'klekle -ɛ gbɔ "ne -a "ne 'nyiɔ 'yuku -wɛ 'kwlɛ "me, -a "pɔ 'nyinyonoli -ɛ -bubɔ -anye -fa -wɛ 'kwlɛ "me. -A 'pa- 'sokwɛ -se -a "kɛ -dee 'wa ga -ce ylɛ-.

Luke 11:51

'Ɛ 'cile Abɛle 'na 'kwiɛ "ku -kaa "ne 'ɛ 'sibhɔ Zakali -ye 'wa 'lɔbhɔle- bɔbɔledɛme -nyɛ bhuducibhɛ 'wlewle "bhaa 'na jijɛku -wɛ nɛ "ku, 'e bhulɛle 'anye nɛɛ -dɛme 'na 'nyakpa yi 'ce 'ɛnɛɛ 'gbo 'bhleleɔ-.

Tite 1:16

'Wa no -lɔ -gbɔ 'wa -yi Lagɔ, -mɔ, 'wanɛɛ nonoli "me, 'wa "ne lagɔnya 'wlole-. 'Wa "ne "klo wolo -sɛ -kɛ, 'wa "ne "zo 'plome "ne 'wa "ne no -li 'na -li.

Eblenya 5:1

"Naa-, bɔbɔnyɔ "yitɔ 'nyakpa 'glɛme 'wa 'sɔ -lɔ, 'ɔ "kɛ Lagɔ "ku lɔbhɔ 'wanɛɛ za. -Li 'ye 'wa "nyɛ -wɛ 'ɔ tuɛ Lagɔ, "ne 'ɔ -sɛ bɔbɔli 'nyinyonoli za.

Eblenya 11:2

'Wa kɛ -a 'to 'wa 'to 'wɔ 'ji "ku pɛle ne, 'wanɛɛ 'dlekukɛle 'ylime yɛ -lɔ.

2 Piɛle 2:8

"Naa- 'ɔ -ko 'awɔ 'nyakpa -wa -su 'wayi -gbeyi "ku -wɛ 'glɛme, -mɔ, 'ɔyi 'nabhɛ 'nyɔkpɔ 'na -ɔ ŋwinɛle- "me yɔ 'awɔ -lɔ. 'Wanɛɛ kosɛ -nyɛnye 'gbapeɔ 'awɔ kpɛnyee. "Naa-, 'ɔ -goa 'awɔ 'yli, "ne 'ɔ 'no 'awɔ "me, "ne -se -zle 'ple nɛ 'yiɛ -wɛ, 'ɔnɛɛ 'dle -ɛ ŋwinɛle- "me -wɛ 'yiɔ 'awɔ nuɔ kpɛnyee 'wanɛɛ nonoli -gbeyi -wɛ 'wɔ za. -Mɔ, Lagɔ fuɔ- 'awɔ "ɛ 'nyakpa -wɛ 'glɛme.