Eblenya 10:5 - Nouveau Testament bété de Gagnoa

⁵ -Ɛwɛza, -sɔɔdɛku Klise "kɛ zikpɛ ne "ku yi -wɛ, 'ɔ -bhulɛle -lɔ Lagɔ nɛɛ: «-E "ne 'yɔbhɔ -gbɔ 'wa 'wlɛ bɔbɔli "ne "nyɛnyɛ -bɛɛ', -mɔ, -e "zoa- -ame 'nyɔkpɔ.

Eblenya 10:5 Iomraidhean Croise

1 Piɛle 2:24

Klowa "klo, 'ɔnɛɛ ku "me 'ɔ 'libhi- 'ɔyigɛsɛ -anyɛɛ 'nyinyonoli "ku. 'Ɛza, -a "kɛ -lɔ 'nyinyonoli 'na nonoku 'nyɔkɔ-. "Ne -a "kɛ -lɔ zikpɛ 'na -ɛ 'nɛne Lagɔ -gɛ -wɛ "ku -ko. "Naa-, 'ɔnɛɛ 'gbapegbapeɛ "me 'ye -a -yamale -lɔ zɛ.

Eblenya 1:6

-Mɔ -dee 'ɔ -nɛme 'ɔnɛɛ tɛtɛ yu zikpɛ ne "ku -wɛ, "ne 'ɔ yi -lɔ no- nɛɛ: "Nɔgɔzilia 'klekle yu "zo.

Eblenya 10:7

Zaa, 'e -bhulɛle -eyi nɛɛ: 'Mɔɔ ne lɛ, 'e -yi -se 'e "kɛ -ye -e 'yɔbhɔ -wɛ no, -ɛ 'kɛleɔ- -Lɔ Lagɔ-bɔgo "me 'neɛ dɛku.»

Eblenya 2:14

"Ɛ yua ne -kɛ -bɛɛ' -ye 'wa -gbale "ku, nyakpa 'waa -lɔ. Zuzu -nyɛnye -kɛ nɛ 'bhɛloɛ se 'ɔ "koa 'kwiɛ "me 'piɛ. 'Ɛza, Zezu "zo- me 'lelee -lɔ 'nyɔkpɔ 'wanɛɛ -sɛ -se 'ɔ "kɛ Zuzu -nyɛnye -gla -sɛ 'kwiɛ "me ylɛleɛ -me.

Eblenya 10:10

Zezu Kli -no -ye Lagɔ 'yɔbhɔ nɛ -wɛ. 'Ɔ 'bhale- 'ɔyi "me "ku -bholo -li 'klekle "me, -soɔ 'ye -a -plɛ -lɔ 'wlele.

Galatenya 4:4

-Sɔɔdɛku, "tɛnye -ylɛ lɛ ne, Lagɔ -lebhe 'ɔ Yowli. 'Ŋɔnɔ -gwɛlo -lɔ "ne 'ɔ "zo me nɛ Moyize 'na -Lɔ 'plome.

2 Zaa 1:7

Yowlɛnya 'na 'kwleyia -ŋwɛne -glɔ 'klekle "ku. 'Wa "ne yibhlele- -gbɔ Zezu Kli -yili -diɛnadiɛ 'nyɔkpɔ "me. "Ɛ 'nyakpa -wɛ, yowlɛnya "ne Klise 'na -gblenya 'waa -lɔ.

Eblenya 8:3

Bɔbɔnyɔ "yitɔ, 'wa -sɔ lɔbhɔ -se 'ɔ "kɛ -li -ye 'wa "nyɛ -wɛ Lagɔ 'ylime tua -se 'ɔ "kɛ bɔbɔ-. Zezu, 'ɔyi 'lelee, 'ɔ yi Lagɔ 'na 'nyɛ "nyɛ -bɛɛ' slu-.

1 Timote 3:16

-Ɛɛ, -diɛɛ yɛ -lɔ. Lagɔ 'na -diɛweli -ɛ zizɔ- 'Denaade "me "ne -a yibhlele- 'dlekukɛleɛ "me -wɛ 'kpɔ kpɛnyee. Klise tua- -anye 'ɔyi 'ylime 'nyɔkpɔ sɛ; 'Ɔ ŋwinɛle- "me, Zuzu Wlewle 'ŋunu -me "ku, "nɔgɔzilia 'yo- 'ylime, "Ne 'wa -tuɔ -glɔ 'klekle 'ylime, 'Wa -kɛlo 'dleku dodo ne "ku, "Ne "nɔgɔ "me, 'ɔ -me 'ŋlu.

Zezu Kli 'na 'Denaade ‑ye Zaa kɛle‑ ne lɛ 1:14

"Ne "ɛ weli yi -lɔ 'nyɔkpɔ "me yili-, "ne 'ɔ -nyɔ "bhaa -a yi -lɔ "ku kole-, "ne -a yi -lɔ 'ɔnɛɛ 'ŋlu 'ylime 'ye. "Ɛ 'ŋlu -wɛ, To 'jo- -lɔ kɔ. Lagɔ Yowli -bholo -kpee, -ɔ yiɛ- -jɔlo "ku, "ne -ɔ bhulɛ gbɛklɛklɛ 'na 'ŋlu yɛ -lɔ.

Luke 1:35

"Ne "ɛ "nɔgɔzilɔ yi -lɔ Mali bhulɛle nɛɛ: «Zuzu Wlewle "kɛ -lɔ -eyi "ku 'kwlile-, "ne Lagɔ -ɔ zi "ku 'na 'bhɛloɛ "kɛ -lɔ -eyi "ku 'wale- sɛgbɛɛ zuzu: 'Ɛnɛɛ za, yu -ɔ "kɛ gwɛleɔ- -wɛ "kɛ 'ce -lɔ 'wlewle ko, "ne 'wa "kɔ 'ce -lɔ Lagɔ 'na Yu la.»

Matie 11:3

«'Mɔɔ -noɔ bhɔ -ɔ "kɛ yi -wɛ yɔ, -mɔ, -a yi -na bhɔ -vinɔ wo 'a?»

Luke 7:19

"Ne 'ɔ yua -lɔ Anyinɛnyɔ "ku 'lebhele- -gbɔ 'wa 'yɔbhɔ lo nɛɛ: -Mɔɔ -noɔ bhɔ -ɔ "kɛ yi -wɛ yɔ, -mɔ, -a yi 'na bhɔ -vinɔ wo 'a?

Eblenya 5:7

-Sɔɔdɛku Klise -ko dodo ne "ku -wɛ, 'ɔyi, 'ɔ -bhubhɔ Lagɔ, 'ɔ 'tulo- "me, 'ɔ "kpa- "me "yitɛ "ku "ne miɛ 'kwli- -lɔ. 'Ɔ bhubhɔ Lagɔ -ɔ -kɛ 'bhɛloɛ -se 'ɔ "kɔ nɛ 'kwiɛ 'yli -sɛ -wɛ. "Ne Lagɔ 'no- "me, sɛko -wɛ 'ɔ 'tɛlo- 'dle zɛ.

Eblenya 10:8

Sɛne Klise lɛ- -lɔ tɛɛ: «-E "ne 'yɔbhɔ bɔbɔli, "ne "nyɛnyɛ -bɛɛ', "ne 'nɛmea -ye 'wa -siɛ bɔbɔledɛ -wɛ, "ne 'nyinyonoli 'na bɔbɔli "ne -eyi -gɛ 'namale-.» "Ne Moyize 'na -Lɔ 'yɔbhɔ -gbɔ 'wa -sɛ "ɛ bɔbɔli -wɛ 'klekle.