Eblenya 1:6 - Nouveau Testament bété de Gagnoa

⁶ -Mɔ -dee 'ɔ -nɛme 'ɔnɛɛ tɛtɛ yu zikpɛ ne "ku -wɛ, "ne 'ɔ yi -lɔ no- nɛɛ: "Nɔgɔzilia 'klekle yu "zo.

Eblenya 1:6 Iomraidhean Croise

Matie 24:14

"Ɛ Lagɔ 'na 'Kamalezikpɛ "me 'na 'Denaade -wɛ 'wa 'yi 'ce -glɔ 'klekle zɔ -sɛle. "Ne -wa "ne Lagɔ -yi 'klekle -wɛ 'yi 'ce "me no. "Ɛ doɔ 'ye zikpɛ 'na "kubhiɛ dɛku "kɛ -lɔ ylɛ.»

Zezu Kli 'na 'Denaade ‑ye Zaa kɛle‑ ne lɛ 1:14

"Ne "ɛ weli yi -lɔ 'nyɔkpɔ "me yili-, "ne 'ɔ -nyɔ "bhaa -a yi -lɔ "ku kole-, "ne -a yi -lɔ 'ɔnɛɛ 'ŋlu 'ylime 'ye. "Ɛ 'ŋlu -wɛ, To 'jo- -lɔ kɔ. Lagɔ Yowli -bholo -kpee, -ɔ yiɛ- -jɔlo "ku, "ne -ɔ bhulɛ gbɛklɛklɛ 'na 'ŋlu yɛ -lɔ.

Zezu Kli 'na 'Denaade ‑ye Zaa kɛle‑ ne lɛ 1:18

'Nyɔkpɔ -na 'ce -zɛ Lagɔ 'ylime 'ye, -mɔ, Yu -bholo -kpee, -ɔ -noɔ Lagɔ yɔ, "ne 'ɔ -ko To yɔko -wɛ, 'ɔɔ -slo -lɔ -anye.

Zezu Kli 'na 'Denaade ‑ye Zaa kɛle‑ ne lɛ 3:16

'A -gɛyli, Lagɔ -wamale 'nyɔkpa kpɛnyee, 'ɛza 'ɔ -sɛ -lɔ 'ɔnɛɛ yu -bholo -kpee. -Se 'nyɔkpɔ 'na -ɔ "kɔ 'dleku kɛle- -wɛ te -kɛ 'kwlɛ bhli, -mɔ 'ɔ "kɛ zikpɛ 'na -ɛ -ka "kubhiɛ -wɛ yle.

Wlomɛnya 8:29

"Naa-, -ye Lagɔ -tɔ "kle "kucidɛku -wɛ, 'ɔ 'yɔbhɔ- "ɛ "kucidɛ 'ce "ku -gbɔ 'wa 'wlole 'ɔ Yowli, -se 'ɔ Yowli "kɛ -gligbɛ "yitɛ "ku 'na tɛtɛyu "zo.

Kolɔsenya 1:15

Klise -noɔ -lɔ Lagɔ -ye 'wa "ne 'ye 'ylime -wɛ 'na 'wlole yɔ. 'Ɔ -noɔ -lɔ -ye 'wa -gwɛle- tɛɛ yɔ, -ɔ 'zi -lɔ -li 'klekle -ɛ 'wlɔ- -wɛ "ku.

Kolɔsenya 1:18

'Ɔ -noɔ 'lelee -lɔ 'ɔnɛɛ ku 'na 'wli yɔ, 'ɛ sɛ zɔ nɛɛ: Lagɔgbibgɛ. 'Ɔ -noɔ -lɔ "kucileɛ yɔ, 'ɔ -noɔ -lɔ tɛtɛ 'nyɔkpɔ -ɔ 'wlo- gluzɔ yɔ. -Se 'ɔ "kɛ 'wayi 'klekle 'yuku 'gɛle-, -moɔ 'klekle, "ne -godogodo.

Eblenya 1:5

Sɛko -wɛ, 'ɔ -na 'ce -zɛ "nɔgɔzilɔ bhulɛle- nɛɛ: -Ame Yowli 'ye -e -noɔ -lɔ, -Zeka, -ame, 'e "zo- -e 'to. "Ne 'ɔ -na 'ce -zɛ 'lelee "nɔgɔzilɔ bhulɛle- nɛɛ: -Ame, 'e yi 'ce 'ɔ 'to "zo, "ne 'ɔyi, 'ɔ yi 'ce 'neɛ yu "zo.

Eblenya 10:5

-Ɛwɛza, -sɔɔdɛku Klise "kɛ zikpɛ ne "ku yi -wɛ, 'ɔ -bhulɛle -lɔ Lagɔ nɛɛ: «-E "ne 'yɔbhɔ -gbɔ 'wa 'wlɛ bɔbɔli "ne "nyɛnyɛ -bɛɛ', -mɔ, -e "zoa- -ame 'nyɔkpɔ.

1 Piɛle 3:22

'Ɔ 'gblɛ- "nɔgɔ "me, 'ɔ 'gli- Lagɔ 'na lilikwlɛ -gbɔsɔ "ku. -Dɛmeda, 'ɔ -kɛ 'bhɛloɛ "ne 'ɔ zi "nɔgɔzilia 'klekle -nyɛ zuzu 'klekle -wa 'kamalea "ne -wa -kɛ 'bhɛloɛ -wɛ "bhaa "ku.

1 Zaa 4:9

-See Lagɔ -tua -anye 'ɔnɛɛ -waleɛ 'ylime ne lɛ: 'Ɔ -nɛme 'ɔnɛɛ -bholo -yle -yu zikpɛ ne "ku, -see 'ɔyi "me -a "kɛ 'lele-.

'Ylikloylɛleweli 1:5

Zezu Kli -ɔ -noɔ -ɔyeɛdɛ 'na 'dletɛlenyɔ yɔ, 'ɔ "nyɛ 'anye -jɔlo -nyɛ "kuwɛtɛ "bhaa. 'Ɔɔ -noɔ tɛtɛnyɔ 'na -ɔ 'wlo- -glukonya 'glɛme zɔ yɔ. 'Ɔɔ -noɔ -me 'lelee dodo ne "ku 'na -klɔgbɔnya 'na "cifi yɔ. Zezu Kli -wamale -anye "ne 'ɔ -sɛ -anye -anyɛɛ 'nyinyonoli 'na gbo 'wlime, 'ɔnɛɛ dlu 'na suɛsluɛ "me.