Eblenya 1:3 - Nouveau Testament bété de Gagnoa

³ Lagɔ 'na 'ŋlu lelo "ku. "Ɛ yu ne -noɔ -lɔ -diɛnadiɛ -ye Lagɔ -noɔ yɔ, "ne 'ɔnɛɛ bhulɛweli 'na 'bhɛloɛ -su -lɔ zikpɛ. 'Ɔ bhudua- lɛ 'nyakpa 'wanɛɛ 'nyinyonoli za "bhuɔ ne, "ne ɔ yi -lɔ "nɔgɔ "me Lagɔ -ɔ -kɛ 'bhɛloɛ 'na lilikwlɛ -gbɔsɔ "me 'gli.

Eblenya 1:3 Iomraidhean Croise

Matie 22:24

«Slonyɔ, Moyize nɛɛ: 'Nyɔkpɔ "mɔ yu -gwɛle "ne 'ɔ kɛ "ku-, 'ɔ "nɔwli 'libhi- 'ɔnɛɛ 'kwiziŋɔnɔ "ku -se 'ɔ "kɔ 'beme "zo.

Malke 16:19

Anyinɛnyɔ Zezu "kɛ bhulɛ "bhuɔ ne, 'ɔ 'gblɛ- "nɔgɔ "me. 'Ɔ 'gli- "bhle Lagɔ yɔko, lilikwlɛ -gbɔsɔ "ku.

Zezu Kli 'na 'Denaade ‑ye Zaa kɛle‑ ne lɛ 1:14

"Ne "ɛ weli yi -lɔ 'nyɔkpɔ "me yili-, "ne 'ɔ -nyɔ "bhaa -a yi -lɔ "ku kole-, "ne -a yi -lɔ 'ɔnɛɛ 'ŋlu 'ylime 'ye. "Ɛ 'ŋlu -wɛ, To 'jo- -lɔ kɔ. Lagɔ Yowli -bholo -kpee, -ɔ yiɛ- -jɔlo "ku, "ne -ɔ bhulɛ gbɛklɛklɛ 'na 'ŋlu yɛ -lɔ.

Zezu Kli 'na 'Denaade ‑ye Zaa kɛle‑ ne lɛ 1:29

-Zle "kɛ ze ne, Zaa 'na wolo, Zezu yilu lo; "ne 'ɔ yi -lɔ no- nɛɛ: «Lagɔ 'na Zɛbhlɛbhlɛyu, -ɔ "titli 'nyakpa 'klekle 'na "nyinyɔnɔli "ku ne lɛ.»

Zezu Kli 'na 'Denaade ‑ye Zaa kɛle‑ ne lɛ 1:4

Weli "me 'ye zikpɛ -ko -lɔ, "ne weli -noɔ -lɔ 'nyakpa 'na zle yɛ.

Nonoli 2:33

Lagɔ -kɔmo "nɔgɔ "me 'ɔyi yɔko, lilikwɛlɛ -gbɔsɔ "ku. "Ne 'ɔ 'nyɔ- Zuzu Wlewle -nyɔ 'na weli -ye 'ɔ -bhulɛ 'awɔ -wɛ. "Ne "ɛ Zezu 'nabhɛ yi 'lelee -lɔ -anye "ɛ Zuzu Wlewle -wɛ "nyɛ -me. Sɛgbɛɛ -ye 'a -gɛ 'yli, "ne -ye 'a 'no "me -wɛ.

Nonoli 7:56

'Ɔ nɛɛ: «"Nɔgɔ -vuluɔ "ku, "ne 'e -gɛ 'Nyɔkpɔ Yowli 'yli. 'Ɔ 'nyegbe- Lagɔ 'na lilikwlɛ -gbɔsɔ "ku.»

Wlomɛnya 1:16

'E kɛ 'Denaade sɛ, -zu "ne lɔbhɔ -ame. 'Ɛɛ -noɔ -lɔ Lagɔ 'na 'bhɛloɛ -ɛ "kɛ -wa -kɛ 'dleku 'klekle fuɔ -wɛ yɛ, zufonya "bhuɔ, "ne -wa "ne zufonya 'waa -wɛ -ko -da -lɔ lɔbhɔ.

Wlomɛnya 8:34

-Ɔ "koa bhɔ gbo 'lua-? 'Nyɔkpɔ "ne 'bhɛle! "Naa-, Zezu Kli "ku- "ne 'ɔ 'wlo- 'lelee gluzɔ, 'ɔ -ko Lagɔ 'na lilikwlɛ -gbɔsɔ "ku, "ne 'ɔ bhubhɔ -anyɛɛ za.

2 Kolɛtenya 4:4

"ne -wa "ne Lagɔ 'na weli 'dleku -kɛ, Sata, dodo ne "ku 'na lagɔ gba- 'wanɛɛ "nɛnoɛ "ku. 'Ɛza, 'wa "ne zle -ɛ -ko 'Denaade "me, "ne 'ɛ -noɔ Klise 'na 'ŋlu 'na -ylo yɛ -wɛ 'yli -gɛ. 'Ɔyi, -ɔ -noɔ Lagɔ 'na 'wlole yɔ -wɛ.

Kolɔsenya 3:1

Klise "bhaa 'wa -goliale -lɔ 'anye -glukonya 'glɛme, 'a -yi sɛ. Zaa, 'a tɛle- "nɔgɔ "me 'na -li 'siɛ, -dee Klise -ko, "ne 'ɔ 'gli- Lagɔ 'na lilikwlɛ -gbɔsɔ "ku -wɛ.

Tite 2:14

'Ɔ -ple 'ɔnɛɛ zikpɛ -anyɛɛ za, -se -anyɛɛ 'nyinyonoli 'na gbo "kɛ bhiɛ. 'Ɔ 'yɔbhɔ nɛ -gbɔ 'ɔ "kɛ nɛ -anye -zakpɛ -bholo "me 'wlewle "zoa-. 'Nyakpa -wa "kɛ 'ɔnoa "zo- -wɛ, -wa -ko lɔbhɔ -godogodo -se -wa "kɛ -li 'na -li no.

Eblenya 1:13

Lagɔ -na 'ce -zɛ "nɔgɔzilɔ bhulɛle- nɛɛ: Yi -se 'gli 'neɛ lilikwlɛ -gbɔsɔ "ku, -se 'e "kɛ -neɛ' -gblenya -eyi bhozɔ "zo.

Eblenya 10:12

-Mɔ Klise 'ɔyi, 'ɔ -sɛ bɔbɔli -bholo -anyɛɛ 'nyinyonoli za "bhuɔ ne, 'ɔ yi -lɔ Lagɔ 'na lilikwlɛ -gbɔsɔ "ku 'gli -godogodo 'na dɛ.

Eblenya 12:2

-A wolo- Zezu "ku 'yiɛ. 'Ɔɔ gbɔ "ne -a kɛle -lɔ 'dleku, 'ɔɔ "kɛ -lɔ gbɔ "ne -anyɛɛ 'dlekukɛleɛ "kɛ -lɔ "me "tamale-. Zezu 'ŋunu- "ku -gbɔ 'ɔ yi klowa "klo kule, zu "no lɔbhɔ-. "Naa-, 'ɔ -gɛ nɛ "kle 'ŋwɛnɛ -ɛ "kɔ 'lɔbhɔ -wɛ 'yli, "ne -dɛmeda, 'ɔ gli- Lagɔ 'na lilikwlɛ -gbɔsɔ "ku.

Eblenya 4:14

-A -kɛ bɔbɔnyɔ "yitɔ, -ɔ zi "ne -ɔ -ylɛ Lagɔ yɔko: Zezu yɔ -lɔ, Lagɔ Yowli. Zaa, -anyɛɛ 'dlekukɛleɛ -a kɛle kɔ -se 'ɛ "tamale- -kɛ "me kpɛnyee.

Eblenya 7:27

Zezu "ne -ko sɛgbɛɛ bɔbɔnya "yitia -wɛ. 'Ɔ -ka -la bɔbɔ zle 'o -zle 'ɔnɛɛ 'nyinyonoli za, "ne 'nyakpa -nɛ za. 'Ɔ bɔbɔle- "ku -bholo 'na dɛ "ne 'ɔ 'bhale- 'ɔnɛɛ zikpɛ "me.

Eblenya 8:1

'Ɛ weli -ye -a bhulɛle 'anye -wɛ 'na -ɛ "kɛ 'anye 'yukwli "me to- ne lɛ: -A -kɛ "ɛ -soɔ 'na bɔbɔnyɔ "yitɔ, 'ɔ 'gli- "nɔgɔ "me Lagɔ -ɔ 'bhɛle- 'klekle 'na 'leyli -gbɔglo 'na lili -kwlɛ "ku.

Eblenya 9:16

'Nyɔkpɔ kɛ weli -tle, "ne 'ɛ kɛ 'kɛleɔ-, 'wa kɛ 'sɛ yibhlele- -gbɔ 'ɔ "ku- ne, 'ye "ɛ weli -wɛ -noɔ -lɔ weli yɛ.

Eblenya 9:26

'Ɛ "mɔ nɛ -soɔ yɛ ne, Klise yi nɛ 'gbape "ku -vu 'na dɛ, -se zikpɛ "mɔ 'awɔ 'wlo-. "Naa-, -dɛmeda, 'bebhiɛle -yli ne "me, Klise -tua 'ɔyi "ku -bholo -kpee 'na dɛ. 'Ɔ "zoa- 'ɔyi bɔbɔle -bɛɛ', -se 'ɔ "kɛ 'nyinyonoli "ku bhia-.

1 Piɛle 1:21

Klise "me 'ye 'a -kɛ -lɔ Lagɔ 'dleku, -ɔ 'goliɔ- 'kwiɛ "me, "ne 'ɔ 'nyɔ- -lɔ 'ŋlumeɛ. 'Ɛnɛɛ za 'a "zo -lɔ 'anyɛɛ 'dlekukɛleɛ "ne 'anyɛɛ 'dletɛleɛ Lagɔ "me.

1 Piɛle 3:22

'Ɔ 'gblɛ- "nɔgɔ "me, 'ɔ 'gli- Lagɔ 'na lilikwlɛ -gbɔsɔ "ku. -Dɛmeda, 'ɔ -kɛ 'bhɛloɛ "ne 'ɔ zi "nɔgɔzilia 'klekle -nyɛ zuzu 'klekle -wa 'kamalea "ne -wa -kɛ 'bhɛloɛ -wɛ "bhaa "ku.

2 Piɛle 1:16

"Naa-, Anyinɛnyɔ Zezu Kli 'na zɛzɛ sɛ 'na "kusɔ 'na yiyiɛ, nunɛ -ye -a sɛ -ayi 'wlime -wɛ "me 'ye 'ɛ -na -kɛ 'bhale-. -Mɔ, 'ɔyi, -a 'yo- 'ylime gbɛklɛklɛ 'ɔnɛɛ 'ŋlu 'klekle "me.

2 Piɛle 1:17

'Diɛɛ, 'ɔ -yle -bhlegbi "ne To Lagɔ 'na 'ŋlu, -sɔɔdɛku "me Tamale- Lagɔ 'na bhulɛ -weli -ɛ 'bhale- "nɔgo "me -no nɛɛ: «-Ɔne, 'neɛ yu -ye 'e -wa kpɛnyee yɔ -lɔ, 'ɔyi 'ye 'e -sɛ -lɔ lɔbhɔ 'ŋwɛnɛsɛ.»

1 Zaa 1:7

Lagɔ zle 'ye 'ɔ -noɔ -lɔ. Zaa, -anye 'lelee -a kɛ zle "ku 'nɔŋo-, -alua "bhaa -a -kole "ku, "ne 'ɔ yowli Zezu 'na 'dlu sɛ -anye 'nyinyonoli "me "ne 'ɛ "zoa -anye 'wlele.

1 Zaa 3:5

'A -yi sɛ, Zezu Kli -yi -se 'ɔ "kɛ 'nyinyonoli "ku 'titli, "ne 'ɔyi, 'nyinyonoli "no "me -ko.

'Ylikloylɛleweli 3:21

-See -ame, 'e 'to- 'wli "ku "ne 'e yi -a To yɔko 'gli -ka me 'ɔnɛɛ -klɔgbɔ-gbɔglo "ku -wɛ, sɔbhɔ 'ye -ɔ -to 'wli "ku -wɛ, 'e "kɔ 'ce 'lelee -lɔ -ayi yɔko 'jilɛ 'neɛ -klɔgbɔ-gbɔglo "ku.

'Ylikloylɛleweli 4:11

«Anyinɛnyɔ -anyɛɛ Lagɔ, -e -kɛ -bhlegbi "me -zosɛ, -e -kɛ 'ŋlumesɛ "ne 'bhɛloɛ. -Mɔɔ 'wlɛ -lɔ -li 'klekle, -e 'yɔbhɔ- -gbɔ 'ɛ 'lele-, "ne 'ɛ yi -lɔ 'wlɔ-.»