Eblenya 1:2 - Nouveau Testament bété de Gagnoa

² -Dɛmeda, 'bebhiɛle- -yli ne "me, Lagɔ -bhulɛle -anye 'ɔ Yowli "me. 'Ɔ yowli "me 'ye 'ɔ wlɛle- -lɔ zikpɛ, "ne 'ɔyi 'ye Lagɔ -tɔ -lɔ -se 'ɔ "kɛ -li 'klekle slu.

Eblenya 1:2 Iomraidhean Croise

Matie 13:39

"Ne -gblenyɔ, -ɔ -glo "zeezu -wɛ, Sata yɔ -lɔ, -ye 'wa 'di -wɛ, zikpɛ 'na "kubhiɛɛ yɛ -lɔ, 'didinya -wɛ, "nɔgɔzilia 'waa -lɔ.

Matie 17:5

-Mɔ, 'ɔ -le bhulɛ dɛku, "ne "nɔgɔjatlɛ yua -lɔ 'wli mlɔa-, "ne "ɛ "nɔgɔjatlɛ -wɛ "me weli yi -lɔ "bhle 'bhale-, 'ɛ nɛɛ: «-Ɔne 'neɛ -wawayu -ye 'e -sɛ lɔbhɔ 'ŋwɛnɛ -sɛku yɔ -lɔ, 'a 'fo 'yukwli!»

Matie 21:38

-Mɔ, 'wa 'ye- lɛ 'ɔ yowli 'ylime ne 'wa yi -lɔ no nɛɛ: -Ɔ "kɛ 'ɔnɛɛ 'gugbɛ "ku 'libhi ne lɛ, -a 'lɔbhɔ -se 'ɔ "ku -se 'ɔnɛɛ 'gugbɛ -wɛ "kɛ -anye nɛ "zo.

Matie 26:63

-Mɔ, Zezu -tli "ku. "Ne bɔbɔnyɔ "yitɔ yi -lɔ no- nɛɛ: «Anyinɛnyɔ Lagɔ, -ɔ -yɛ lɛ 'na 'tɔ "me 'ye 'e bhulɛle lɛ -eyi, plele- -anye weli kɔ! Klise, Lagɔ 'na Yu 'ye -e -noɔ bha?»

Matie 28:18

Zezu 'nyua- yɔko, 'ɔ nɛɛ: «'E -yle 'bhɛloɛ 'klekle "nɔgɔ "me "ne dodo ne "ku.

Matie 3:17

"Ne weli yi -lɔ "nɔgɔ "me 'bhale- nɛɛ: «-Ɔne 'neɛ -wawayu yɔ -lɔ, 'ɔyi 'ye 'e -sɛ -lɔ 'ŋwɛnɛsɛ "ku lɔbhɔ.»

Malke 1:1

Dɛne Lagɔ Yowli Zezu Kli 'na 'Denaade 'cile lɛ "ku.

Malke 12:6

-Lɛɛbhenyɔ 'na -wawayu -bholo kpee -to nɛ -lɔ lɔbhɔ. 'Ɔ -lebho 'bebhiɛle dɛku "ɛ 'lɛɛslunya "ku "naa-, 'ɔ 'pɔ- 'dle nɛɛ: 'Wa yi 'neɛ yu 'plome "zo.

Malke 12:7

-Mɔ, sɛne "ɛ 'lɛɛslunya -wɛ bhulɛlebhulɛle -lɔ nɛɛ: -Ɔ "kɛ 'ɔnɛɛ 'gugbɛ "ku 'libhi ne lɛ! -A me! -A 'lɔbhɔ 'se, -se "ɛ 'gugbɛ -wɛ "kɛ -anye nɛ "zo

Zezu Kli 'na 'Denaade ‑ye Zaa kɛle‑ ne lɛ 1:10

"Ɛ weli -wɛ -ko 'awɔ 'nyakpa 'glɛme, "ne 'ɛyi "me 'ye Lagɔ -nole -lɔ zikpɛ, -mɔ, zikpɛ "ne -yibhlele.

Zezu Kli 'na 'Denaade ‑ye Zaa kɛle‑ ne lɛ 1:14

"Ne "ɛ weli yi -lɔ 'nyɔkpɔ "me yili-, "ne 'ɔ -nyɔ "bhaa -a yi -lɔ "ku kole-, "ne -a yi -lɔ 'ɔnɛɛ 'ŋlu 'ylime 'ye. "Ɛ 'ŋlu -wɛ, To 'jo- -lɔ kɔ. Lagɔ Yowli -bholo -kpee, -ɔ yiɛ- -jɔlo "ku, "ne -ɔ bhulɛ gbɛklɛklɛ 'na 'ŋlu yɛ -lɔ.

Zezu Kli 'na 'Denaade ‑ye Zaa kɛle‑ ne lɛ 1:3

"Ne weli "me, 'ye Lagɔ -nole -lɔ li 'klekle, -bɛɛ' 'na -ye 'ɔ "ne weli "me -nole "ne -le.

Zezu Kli 'na 'Denaade ‑ye Zaa kɛle‑ ne lɛ 13:3

Zezu -yi 'awɔ sɛ -gbɔ 'ɔ To Lagɔ 'jo- -lɔ -li 'klekle kɔ, "ne Lagɔ "me 'ye 'ɔ 'bhale -lɔ, "ne "ɛ Lagɔ yɔko 'ye 'ɔ me 'awɔ -lɔ.

Zezu Kli 'na 'Denaade ‑ye Zaa kɛle‑ ne lɛ 13:32

Lagɔ yu 'ce 'ɔyigɛsɛ 'ŋlu kwa-, -mɔ, 'ɔ "kɔ 'ŋlu kwa- 'na dɛ "ne -la dɛtlo.

Zezu Kli 'na 'Denaade ‑ye Zaa kɛle‑ ne lɛ 15:15

'E -ka -da 'anye "kulɔbhɔnya la. "Naa-, "kulɔbhɔnyɔ "ne -ye 'ɔnɛɛ "bhenyɔ no -wɛ -yi zɛ. 'Neɛ 'titoa 'ye 'e la -lɔ 'anye, "naa-, 'e -sloa 'anye -li 'klekle -ye -ame To -sloa -ame -wɛ zɛ.

Zezu Kli 'na 'Denaade ‑ye Zaa kɛle‑ ne lɛ 16:15

-Ame To 'na -ye 'ɔ -kɛ 'klekle -wɛ, 'neɛ yɛ -me -lɔ. 'Ɛza 'e no -lɔ nɛɛ: -Ame "me 'ye 'ɔ 'cɛ -lɔ -sɛ "ne 'ɔ 'cɛ -lɔ 'anye 'de -sɛle.

Zezu Kli 'na 'Denaade ‑ye Zaa kɛle‑ ne lɛ 17:2

-E 'jo- 'bhɛloɛ kɔ -se 'ɔ "kɛ 'nyakpa 'klekle "kamalea- -se 'ɔ "kɛ 'nyakpa 'klekle -ye -e 'jo- kɔ -wɛ, zikpɛ 'na -ɛ -ka "kubhiɛ -wɛ kɔ 'je.

Zezu Kli 'na 'Denaade ‑ye Zaa kɛle‑ ne lɛ 3:16

'A -gɛyli, Lagɔ -wamale 'nyɔkpa kpɛnyee, 'ɛza 'ɔ -sɛ -lɔ 'ɔnɛɛ yu -bholo -kpee. -Se 'nyɔkpɔ 'na -ɔ "kɔ 'dleku kɛle- -wɛ te -kɛ 'kwlɛ bhli, -mɔ 'ɔ "kɛ zikpɛ 'na -ɛ -ka "kubhiɛ -wɛ yle.

Zezu Kli 'na 'Denaade ‑ye Zaa kɛle‑ ne lɛ 3:25

"Ne Zaa 'na gɛlenya 'na yɛ -nyɛ Zufonyɔ -bholo "bhaa 'wa yi -lɔ 'kpɛle- -ku 'ci, 'wanɛɛ -Lɔ "me 'na 'wlele -ko weli za.

Zezu Kli 'na 'Denaade ‑ye Zaa kɛle‑ ne lɛ 5:26

"Naa-, -see To -kɛ zikpɛ 'ɔyi "me -wɛ, sɔbhɔ 'ye 'ɔ 'je- -me -lɔ Yu "ɛ zikpɛ 'na 'ɔyi "me kɛleɛ kɔ.

Zezu Kli 'na 'Denaade ‑ye Zaa kɛle‑ ne lɛ 5:27

'Ɔ 'jo- 'bhɛloɛ kɔ, -se 'ɔ "kɛ 'nyakpa gbobhlele-, "naa-, 'Nyɔkpɔ Yowli yɔ -lɔ zɛ.

Zezu Kli 'na 'Denaade ‑ye Zaa kɛle‑ ne lɛ 9:29

-Anye, -a -yi sɛ -gbɔ Lagɔ -bhulɛle Moyize, -mɔ, -ɔne, -a "ne -dee 'ɔ 'bhale -yi!»

Nonoli 10:36

"Naa-, Zezu Kli "me 'ye Lagɔ -ylɛle -lɔ, "ne 'ɔ yi -lɔ Izlayɛleyua "kuwɛtɛ 'na 'Denaade -sɛle, 'ɔyi, -ɔ -noɔ 'nyakpa 'klekle 'na Anyinɛnyɔ yɔ -wɛ.

Nonoli 2:17

Lagɔ nɛɛ: 'Bebhiɛle -yli "me, 'e yi 'neɛ Zuzu Wlewle 'nyakpa 'klekle "ku 'kwlialea-. 'Anyɛɛ 'widiayua "ne 'anyɛɛ 'ŋuyua yi "guɔkwɔmenya 'nasɛ bhulɛ-. "Ne 'anyɛɛ 'teyigba 'wɔ -li yua 'yli "klo -ylɛle "ne 'anyɛɛ 'nyɛbhlegɔgoa yi 'ce yla ylɛ.

Wlomɛnya 1:4

Zuzu Wlewle "me, Lagɔ 'jilɛ- 'ɔnɛɛ 'bhɛloɛ 'ɔ Yowli "me. -Sɔɔdɛku, 'ɔ -sɔ -glukonya 'glɛme -wɛ. Anyinɛnyɔ Zezu Kli yɔ -lɔ.

Wlomɛnya 8:17

Zaa, -a "kɛ Lagɔ 'na yua 'waa ne, -a yi 'ce Lagɔ 'na -li -nyɔ za 'ɔ -plele 'ɔnɛɛ lokoyua weli kɔ -wɛ 'na 'dlidɛ -ko -me, "ɛ -li -wɛ Klise "bhaa -a 'yi 'gɔme -ylele. 'Diɛɛ, -a "kɛ 'ɔnɛɛ 'kplɛkplɛɛ 'na -didi "me ko -me ne, -a yi 'ce 'lelee 'ɔnɛɛ 'ŋlu 'na -didi "me -ko -me.

1 Kolɛtenya 2:7

-Anye, -a -sloa Lagɔ 'na 'ylimeyamaleɛ -ɛ zizɔ- 'awɔ "ku -wɛ. -Mɔ, zikpɛ "ne 'awɔ -le, "ne Lagɔ 'sɛa -lɔ lɔbhɔ 'ɛ 'ylimeyamaleɛ ne -se 'ɛ -kɛ -anye 'ŋlu 'kwa.

1 Kolɛtenya 8:6

-Anye, -anyɛɛ dɛku, Lagɔ yle -bholo -kpee. 'Ɔ -noɔ -lɔ To yɔ. 'Ɔyi -li 'bhale -lɔ "me, 'Ɔnɛɛ za -a -yɛ -lɔ. "Ne Anyinɛnyɔ yle -bholo, 'ɔ -noɔ -lɔ Zezu Kli yɔ. 'Ɔyi "me 'ye -li -le -lɔ. "Ne 'ɔyi "me 'ye -a -yɛ -lɔ.

Galatenya 4:4

-Sɔɔdɛku, "tɛnye -ylɛ lɛ ne, Lagɔ -lebhe 'ɔ Yowli. 'Ŋɔnɔ -gwɛlo -lɔ "ne 'ɔ "zo me nɛ Moyize 'na -Lɔ 'plome.

Efɛzenya 1:10

-Ɛ "kɛ -noɔ -wɛ, Lagɔ 'yɔbhɔ nɛ -gbɔ 'ɔ 'cɛ yli -ye 'ɔ -sɛ lɔbhɔ -wɛ "me nole. 'Ɔ "kɛ -ɛ -ko "nɔgɔ "me 'klekle, "ne dodo ne "ku 'wli 'yabha-, "cifi -bholo -kpee, Klise zɔ.

Efɛzenya 3:9

'E -yle -me 'lelee -jɔlo -se 'e "kɛ -gbɛklɛklɛ 'nyakpa 'klekle 'sloa, -se Lagɔ 'wlolea 'ɔnɛɛ 'diɛɛ weli 'yli -wɛ. 'Ɔyi, Lagɔ, -ɔ noɔ -li 'klekle 'na 'wlɛnyɔ yɔ -wɛ zizi- 'awɔ 'ɔnɛɛ 'diɛɛ weli 'ɔyi "me -godogodo 'ce.

Eblenya 1:5

Sɛko -wɛ, 'ɔ -na 'ce -zɛ "nɔgɔzilɔ bhulɛle- nɛɛ: -Ame Yowli 'ye -e -noɔ -lɔ, -Zeka, -ame, 'e "zo- -e 'to. "Ne 'ɔ -na 'ce -zɛ 'lelee "nɔgɔzilɔ bhulɛle- nɛɛ: -Ame, 'e yi 'ce 'ɔ 'to "zo, "ne 'ɔyi, 'ɔ yi 'ce 'neɛ yu "zo.

Eblenya 1:8

-Mɔ, Lagɔ -bhulɛle 'ɔ Yowli nɛɛ: E -noɔ Lagɔ yɔ, "ne -neɛ' 'kamaleɛ -ka 'ce "ku bhiɛ godogodo 'na dɛ. "Ne -e yi -neɛ' -gligbɛnya slu "meŋwinɛlesɛ.

Eblenya 11:3

-A -kɛ Lagɔ 'dleku, zaa, -a -yi sɛ -gbɔ 'ɔnɛɛ bhulɛweli 'wlɛ- -lɔ zikpɛ. -Li -ɛ -gɔ 'yli 'wa -nole -lɔ -li -ɛ "ne 'yli -gɔ -wɛ "me.

Eblenya 2:3

"Ne -anye "na? -See -a "kɛ bhɔ "zo "ne 'ɛ -ka -anye yle-, -a kɛ "ɛ 'popoweli "yitɛ -wɛ yɔko ylɛle? "Ɛ 'popoweli ne, Anyinɛnyɔ 'ci- -lɔ 'ɛnɛɛ -sɛ -ku. "Ne 'wa 'no- "ɛ 'popoweli ne "me -wɛ yi 'lelee -lɔ -anye bhulɛle- -se 'ɛ -noɔ 'diɛɛ yɛ.

Eblenya 3:6

-Mɔ, -dɛmeda, -ye Klise no -wɛ, -see 'ɔ -noɔ yu yɔ -wɛ za yɛ -lɔ, "ne 'ɔ -su Lagɔ 'na -bhudu 'na 'wli. 'Ɔnɛɛ -bhudu -wɛ, -anye 'waa -lɔ, -a kɛ -kɛ 'dlekutamaleɛ kɔ -kɛle "ne -a kɛ -kɛ -ye -a tɛle- 'dle -wɛ "me zligbɔle-.

Eblenya 4:14

-A -kɛ bɔbɔnyɔ "yitɔ, -ɔ zi "ne -ɔ -ylɛ Lagɔ yɔko: Zezu yɔ -lɔ, Lagɔ Yowli. Zaa, -anyɛɛ 'dlekukɛleɛ -a kɛle kɔ -se 'ɛ "tamale- -kɛ "me kpɛnyee.

Eblenya 5:8

Klise Lagɔ Yowli yɔ -lɔ, 'diɛɛ, -mɔ 'ɔ 'ciɛ- 'plomezoɛ 'ɔnɛɛ 'gbapeɛ "me.

Eblenya 7:28

Bɔbɔnya "yitia -ye Moyize 'na -Lɔ -sɛ lɔbhɔ -wɛ, 'nyakpa 'waa -lɔ, 'wa "ne "me 'tɛ-. -Mɔ 'ye Lagɔ -sɛ lɔbhɔ 'ɔnɛɛ weli-pleɛ -ɛ 'bhale -Lɔ 'beme -wɛ, 'ɔ Yowli -ɔ 'yiɛ- 'wli -godogodo 'na dɛ yɔ -lɔ.

Eblenya 7:3

'Ɔ "ne 'to -kɛ, 'ɔ "ne "nɔ -kɛ, 'ɔ "ne ŋeyi -kɛ, 'ɔ "ne gwɛle -yli -kɛ, "ne 'ɔ "ne "ku -yli -kɛ. 'Ɔ 'wlole- Lagɔ Yowli, bɔbɔnyɔ yɔ -lɔ -godogodo 'na dɛ.

Eblenya 9:26

'Ɛ "mɔ nɛ -soɔ yɛ ne, Klise yi nɛ 'gbape "ku -vu 'na dɛ, -se zikpɛ "mɔ 'awɔ 'wlo-. "Naa-, -dɛmeda, 'bebhiɛle -yli ne "me, Klise -tua 'ɔyi "ku -bholo -kpee 'na dɛ. 'Ɔ "zoa- 'ɔyi bɔbɔle -bɛɛ', -se 'ɔ "kɛ 'nyinyonoli "ku bhia-.

1 Piɛle 1:20

Lagɔ -namlɛ zikpɛ 'wlɛ "ne 'ɔ yu -lɔ -tɔ, "ne 'anyɛɛ 'nɛne 'na 'ylime, 'ɔ yu -la -lɔ -dɛme 'nyakpa sloa-, bebhiɛle "tɛnye ne "me.

2 Piɛle 3:3

-Mɔ, -tiaa sɛ, -ye 'a "kɛ yibhlele- ne lɛ: 'Bebhiɛle -yli "me, 'nyakpa yi 'ce -yi. 'Wa yi 'wanɛɛ 'ye 'wa "pɔ "ku 'dle "ne 'ɛ "ne 'nɛne -wɛ 'ɛyikɔ gɛlele-.

Zude 1:18

Ŋwɛnɛɛ: «Zikpɛ 'na "kubhiɛ dɛku, 'nyakpa yi 'ce 'anye sile-, "ne 'wa yi 'ce Lagɔ 'dɛtlomale-, 'wanɛɛ 'dlepɔsɛ -nyɛnye 'na -gɛleleɛ "me.»