Eblenya 1:1 - Nouveau Testament bété de Gagnoa

¹ -Watɔ -ce, "guɔkwɔmenya "me 'ye Lagɔ -bhulɛle 'awɔ -lɔ -a 'to 'wa 'to 'wɔ, "ne 'ɔ 'titliloa 'awɔ -lɔ 'yukwli "me -godogodo.

Eblenya 1:1 Iomraidhean Croise

Luke 1:55

-see 'ɔ -plele 'awɔ -a 'to 'wɔ weli kɔ yɛ -lɔ. Ablame, "ne 'ɔ yowlia 'wɔ za, -godogodo 'na dɛ.»

Luke 1:72

'Ɔ -tua 'ɔnɛɛ -see 'ɔ -ko "nɛne -wɛ -a 'to 'wɔ 'ylime, "ne 'ɔnɛɛ 'dle yi -lɔ 'ɔnɛɛ mɛneloɛ 'wlewle "ku sibhɔ.

Luke 24:27

"Ne 'ɔ yi -lɔ Moyize "ku cile-, "ne "guɔkwɔmenya 'klekle 'wɔ. "Ne 'ɔ yua -lɔ -ɛ kɛleɔ- Lagɔbɔgo "me 'ɔnɛɛ za -wɛ zɔ sibhalea- 'tee.

Luke 24:44

"Ne Zezu yua -lɔ bhulɛle- nɛɛ: «-sɔɔdɛku 'e -ko -na nɛ 'anye 'glɛme -wɛ 'na weli -ye 'e -bhulɛle nɛ 'anye ne lɛ: -Ye 'wa kɛle- 'klekle 'neɛ za Moyize 'na gbagbɛ "me, "guɔkwɔmenyɔ "ne bhubhɔweli "me "kɛ 'yli 'wlole za yɛ -lɔ.»

Zezu Kli 'na 'Denaade ‑ye Zaa kɛle‑ ne lɛ 16:13

Gbaabhulɛ Zuzu kɛ -yi, gbɛklɛklɛ "me 'ye 'ɔ "kɛ -lɔ 'anye slule-. "Naa-, 'ɔ -ka -ɛ 'bhalo "me -wɛ bhulɛ-. -Mɔ, -ye 'ɔ 'no- -wɛ 'na weli 'ye 'ɔ "kɛ -lɔ bhulɛ-. "Ne 'ɔ yi 'anye -ɛ "kɛ yi -wɛ 'na 'de -sɛle.

Zezu Kli 'na 'Denaade ‑ye Zaa kɛle‑ ne lɛ 7:22

Moyize -no 'se -la -gbɔ 'a 'di 'widia "Ku za, -gbajɛ -gwlɛle -zle -wɛ 'klekle, no 'a no -lɔ. -Mɔ "ɛ -ɛwɛ, Moyize 'ye 'ɛ -na "me 'bhale- -tiaa -mɔ bhlɛ -gɔgɔnya 'ye 'ɛ 'bhale -lɔ "me.

Zezu Kli 'na 'Denaade ‑ye Zaa kɛle‑ ne lɛ 9:29

-Anye, -a -yi sɛ -gbɔ Lagɔ -bhulɛle Moyize, -mɔ, -ɔne, -a "ne -dee 'ɔ 'bhale -yi!»

Nonoli 13:32

"Ne -anye 'lelee, -a -sɛle -lɔ 'anye "ɛ 'Denaade ne, soɔ Lagɔ -bhulɛle 'awɔ -lɔ -a 'to 'wɔ.

Nonoli 2:30

-Mɔ, Davide, "guɔkwɔmenyɔ yɔ 'awɔ -lɔ, "ne 'ɔ -yi 'awɔ sɛ -gbɔ Lagɔ -plolo 'awɔ weli kɔ nɛɛ: 'E yi 'ce -neɛ' yu 'na yu -neɛ' 'leyli- -gbɔglo "ku 'jilɛ.

Nonoli 28:23

Zufonya -nyɛ Pɔle "bhaa -sɛ lɔbhɔ 'yli -bholo -se 'wa "kɛ "ku 'sibhɔle. "Ɛ -zle -wɛ, 'wa -zimale Pɔle 'na sueme kpɛnyee. 'Zegbakpɔme -kaa kugbedɛku, Pɔle -bhulɛ Lagɔ 'na 'Kamalezikpɛ 'na "kukoweli. Pɔle -bhulɛ Zezu 'na "kukoweli -se 'wa 'cɛ "me 'no -wɛ. Moyize 'na -Lɔ -nyɛ "guɔkwɔmenya 'na "bɔgo -wɛ 'klekle, sɔbhɔ 'ye 'ɔ bhulɛ nɛ -lɔ 'ɛnɛɛ weli.

Nonoli 3:21

Zezu yi -na "nɔgɔ "me -ko -kaa -se -li 'klekle "kɛ 'lele "zo "bhuɔ. -Sɔbhɔ 'ye 'ɔ -gbɔ 'awɔ -lɔ, 'ɔnɛɛ -watɔ 'na "guɔkwɔmenya 'wlewle 'na nuɛ "me.

Eblenya 11:18

"Naa-, Lagɔ -bhulɛlo 'awɔ nɛɛ: «Izake "me, -e yi 'ce yua -wa "kɛ -neɛ' 'tɔ "pɔ -wɛ yle.»

Eblenya 11:2

'Wa kɛ -a 'to 'wa 'to 'wɔ 'ji "ku pɛle ne, 'wanɛɛ 'dlekukɛle 'ylime yɛ -lɔ.

Eblenya 12:25

'A luɔ- -kɛ! -Ɔ bhulɛle 'anye -wɛ, 'a 'fo 'yukwli! Dodo ne "ku, Moyize -sɛ 'awɔ -kɛ Izlayɛleyua 'yukwli fete, -mɔ, 'wa "no 'awɔ -kɛ 'yukwli -fo "ne -ɛ "kɛ 'awɔ lɔbhɔ ylɛ -wɛ -ylɛle 'awɔ lɔbhɔ. -Anye, "nɔgɔ "me, Lagɔ -ɔ bhulɛle -anye -wɛ -ko -lɔ. -A kɔ keyi -glɛ ne, -a -cɛ nu "po, -a kɛle- 'dleku!

Eblenya 2:2

Sɛko -wɛ, weli -ye Lagɔ -ylalea "nɔgɔzilia "me -wɛ 'diɛɛ yɛ -lɔ. -Bedia "ne 'yliku "zolea-, 'wa "ne 'plome "zo-, "ne 'wayi 'klekle 'wa yi -lɔ 'wanɛɛ 'ɛ -ŋwa "ku -wɛ yle.

Eblenya 2:3

"Ne -anye "na? -See -a "kɛ bhɔ "zo "ne 'ɛ -ka -anye yle-, -a kɛ "ɛ 'popoweli "yitɛ -wɛ yɔko ylɛle? "Ɛ 'popoweli ne, Anyinɛnyɔ 'ci- -lɔ 'ɛnɛɛ -sɛ -ku. "Ne 'wa 'no- "ɛ 'popoweli ne "me -wɛ yi 'lelee -lɔ -anye bhulɛle- -se 'ɛ -noɔ 'diɛɛ yɛ.

Eblenya 3:5

'Ɛ kɛ Moyize yɔ, Lagɔ 'na "kulɔbhɔnyɔ -ɔ "tɛle- 'ɔnɛɛ libhɔ 'klekle 'dle -bhudu "me yɔ 'awɔ -lɔ. "Ne 'ɔ "kɛ 'awɔ -lɔ -ye Lagɔ "kɛ bhulɛ -wɛ 'na -ɔyeɛdɛ "zo.

Eblenya 4:8

Zozue kɛ 'awɔ -gbɔ "ne 'nyakpa kɛ 'awɔ nyɔpɔ- ne, Lagɔ -ka nɛ 'yli 'na -vinɛ 'na weli -bhulɛ.

Eblenya 5:5

Klise 'na dɛku, "ɛ sɛbhele -wɛ yɛ -lɔ, 'ɔ "ne 'ɔyigɛsɛ, 'ɔyi bɔbɔnyɔ "yitɔ la-. Lagɔ "me 'ye 'ɛ 'bhale- -lɔ. Lagɔ -no -lɔ nɛɛ: -Ame Yowli 'ye -e -noɔ -lɔ, -Zeka, -ame, 'e "zo- -e 'to.

Eblenya 9:19

-Glɔnya 'klekle 'yliku, Moyize -zɛle -lɔ gbagbɛ 'klekle "me, sɛko -Lɔbɔgo "me -wɛ. "Ne 'ɔ yi -da -lɔ -bhilia -nyɛ 'vɔkoa "bhaa 'na dlu "ne 'ŋu "ku 'libhi. "Ne 'ɔ yi -lɔ dlu -nyɛ 'ŋu "bhaa -ɛ -bhlebhlele lo -wɛ 'sidɔ -klɛ -nyɛ lokwi -pɛ -zɛle "bhaa "me 'ŋwa, "ne 'ɔ 'yi -lɔ -Lɔbɔgo "ne -glɔnya 'klekle "bhaa "ku 'wale-.