Tito 3:8 - Biblia Tetun Dili

⁸ Liafuan sira nee loos duni. Buat nebee hau hanorin nee diak, i iha folin boot ba ema hotu. Nee duni hau husu atu o foo sai fila-fila buat sira nee ba ema sira nebee fiar ba Maromak, atu sira hotu-hotu hakaas aan halo diak ba ema.

Tito 3:8 Iomraidhean Croise

Mateus 20:4

Nia hatete ba sira, ‘Imi baa serbisu iha hau nia toos uvas, hau sei selu imi ho loloos.’ I sira mos baa.

João 12:44

Jesus koalia ho lian makaas dehan, “Ema nebee mak fiar mai Hau, nia laos fiar deit ba Hau, maibee nia fiar mos ba Ida nebee haruka Hau mai.

João 5:24

Tebes duni! Hau foo hatene ba imi. Ema nebee rona Hau nia liafuan no fiar ba Nai Maromak, nebee haruka Hau mai, hetan moris rohan laek. Maromak la kastigu mate tan ema nee ona, tanba ema nee husik ona mate hodi tama ba moris hamutuk ho Maromak tinan ba tinan.

Apostolu sira nia Istoria 12:15

Sira hataan, “O bulak karik!” Maibee Rode hatete nafatin, “Tebes! Nia iha liur nebaa.” I sira hataan fali, “Karik Pedro nia anju.”

Roma 4:5

Maibee ita ho Maromak laos nunee. Ema nebee la serbisu maibee fiar ba Nia, nia fiar sai lia loos. Tanba Maromak mak deklara ema aat sai moris loos.

2 Korintu 4:13

Iha Livru Sagradu hakerek dehan, “Hau fiar ba Maromak, nee mak hau koalia.” Ami mos nunee. Ami fiar, nee mak ami koalia.

Efezu 4:28

Ema nebee naok-teen, la bele naok tan ona. Maibee nia tenki serbisu makaas ho nia liman rasik hodi sustenta nia aan ho mos hodi foo tulun ba ema sira nebee presiza.

1 Timóteo 1:15

Ita rona ona dehan, “Kristu Jesus mai iha mundu nee hodi salva ema sala nain.” Liafuan nee loos duni; ita tenki simu ho laran tomak. Hosi ema sala nain hotu-hotu, hau mak aat liu.

1 Timóteo 2:8

Bainhira sarani sira halibur malu hodi halo orasaun iha nebee-nebee deit, hau foo atensaun ba mane sira tenki diak malu. La bele hirus malu, la bele istori malu. Bainhira imi halo orasaun, imi nia laran tenki moos.

1 Timóteo 5:10

Ema rekonhese nia hanesan ema ida ke sempre halo diak ba ema seluk. Nia tau matan ba nia oan sira ho diak, simu bainaka iha nia uma ho laran tomak, serbii sarani sira ho haraik aan, fasi sira nia ain, ajuda ema nebee iha susar laran, i sempre prontu halo buat didiak deit.

2 Timóteo 1:12

Tanba nee mak hau terus iha kadeia. Maibee hau la moe, tanba hau konhese Kristu i fiar ba Nia. I hau hatene loloos katak Nia sei kuidadu Nia Novidade Diak nebee Nia tau ona iha hau nia kabaas, too Nia fila fali mai hosi lalehan.

Tito 1:9

Nia tenki kaer metin Nai Maromak nia liafuan nebee loos, tuir uluk ita hanorin ona ba nia. Nunee nia bele hanorin tutan lia loos ba ema seluk i tulun ema hodi halo tuir Maromak nia hakarak, i koriji ema nebee hanorin kontra lia loos.

Tito 2:14

Nia foo aan ba mate hodi hasai ita hosi buat aat hotu-hotu, i halo ita laran moos, para sai Nia povu rasik, nebee sempre hakarak halo buat diak.

Tito 2:7

Tito, o tenki halo diak ba ema iha buat hotu-hotu, hodi sai ezemplu diak ba foin-sae sira. Hanorin ho laran; la bele hanorin oin ida, halo oin seluk.

Tito 3:1

Foo hanoin fali ba sarani sira para halo tuir estadu nia lei sira no ema nebee kaer ukun, i sempre prontu atu halo serbisu ho diak.

Tito 3:14

Ita nia maluk sarani sira tenki aprende hakaas aan halo diak ba ema, hodi ajuda ema nebee presiza duni. Ho nunee sarani sira nia moris sei hetan fuan.

Filemon 1:11

Uluk Onésimu nee la iha folin ba ita, maibee agora nia iha folin, laos ba ita deit, maibee iha folin mos mai hau.

Ebreu 10:24

Mai ita foo hanoin ba malu ho dalan oi-oin atu ita hotu hatudu domin ba ita nia maluk hodi halo diak ba sira.

1 Pedro 1:21

Liu hosi Kristu mak imi fiar ba Nai Maromak. Tanba Maromak halo moris fali ona Kristu hosi mate hodi foti aas Nia, atu ita fiar ba Nia, i laran metin ba Nia promesa.