Tito 3:7 - Biblia Tetun Dili

⁷ Tanba Jesus nia grasa, mak Nia deklara dehan, “Ema nee moris loos ona”. Nunee ita sai Nia oan no hetan direitu hodi simu moris rohan laek. Ida nee mak ita nia rikusoin.

Tito 3:7 Iomraidhean Croise

Mateus 25:34

Nudar Liurai, Hau sei hatete ba ema sira nebee iha Hau nia sorin loos nee dehan, ‘Imi sira nebee mak Hau nia Aman foo bensaun, mai tama ona ba imi nia fatin iha reinu lalehan. Fatin nee prepara nanis tiha ona ba imi bainhira Maromak halo mundu nee.

Marcos 10:17

Bainhira Jesus atu sai ona, ema riku ida halai mai hasoru Jesus. Nia hakneak iha Jesus nia oin, hodi husu, “Mestri mak hau respeita, Ita Boot mak diak. Hau atu husu buat ida nunee: Hau tenki halo saida, para hau bele hatene loloos katak hau bele tama lalehan i moris hamutuk ho Nai Maromak?”

Roma 11:6

Nia hili sira tanba deit Nia grasa, laos tanba sira hahalok diak. Se Maromak hili ema bazeia ba sira nia hahalok diak, entaun bele dehan nee laos ona grasa.

Roma 3:24

Maibee tanba deit Maromak nia laran diak mai ita mak Nia simu ita hodi deklara katak ita nia sala moos tiha ona. Nia simu ita nunee tanba Kristu Jesus selu kotu ona ita nia sala.

Roma 3:28

Tanba ita hatene katak, ema nebee Maromak deklara nia moris loos ona laos tanba nia halo tuir Maromak nia lei, maibee tanba nia fiar ba Jesus Kristu.

Roma 4:16

Nee mak ita tenki fiar ba Maromak mak foin bele simu buat nebee Nia promete atu foo. Nunee, nudar Abraão nia jerasaun, ita bele laran metin katak, Maromak sei foo ba ita liu hosi Nia grasa. Atu ita ema Judeu nebee moris tuir lei ka fiar ba Maromak hanesan Abraão, ita hotu sei simu Maromak nia promesa. Tanba Abraão mak sai aman ba ita hotu.

Roma 4:4

Ema nebee serbisu, bainhira patraun selu nia kolen, osan nee laos prezenti, nee nia direitu.

Roma 8:17

Se ita sai ona Maromak nia oan, nee dehan katak aban-bainrua ita sei simu eransa rikusoin nebee mak Maromak rai hela ba Nia oan sira, hanesan mos Kristu simu. Naran katak ita mos hola parte iha Kristu nia terus, para aban-bainrua Maromak bele foti aas ita hanesan mos Nia foti aas Kristu.

1 Korintu 6:11

Afinal uluk imi balu mos hahalok hanesan nee. Maibee agora Maromak hamoos tiha ona imi nia sala, Nia halo imi moris ho laran moos, i Nia simu ona imi. Ita nia Maromak halo buat sira nee hotu liu hosi Nai Jesus Kristu hodi Maromak nia Espiritu nia kbiit.

Galasia 2:16

Maibee agora ami hatene katak, la iha ema ida mak Maromak deklara moris loos ona tanba nia tuir lei relijiaun. Nai Maromak deklara ema ida moris loos ona tanba nia fiar ba Kristu Jesus, laos tanba halo tuir lei nee. Nee mak ami mos fiar ba Kristu, para Maromak bele deklara ami moris loos ona.

Galasia 3:29

Imi Kristu nia ema. Nunee imi mos sai ona Abraão nia jerasaun, i imi iha direitu hodi simu Nai Maromak nia promesa.

Galasia 4:7

Entaun agora imi laos atan ona, maibee imi sai ona Nai Maromak nia oan. Nunee imi iha direitu simu rikusoin hotu-hotu nebee Nia promete ona ba Nia oan sira.

2 Tesalonika 2:16

Nai Maromak hadomi teb-tebes ita. Tan Nia grasa, Nia sempre foo ksolok ho esperansa boot mai ita iha susar laran. Nunee, ami husu ba Jesus Kristu ita nia Nai, ho ita nia Aman Maromak, para hametin imi nia laran hodi tulun imi atu sempre halo buat nebee diak i koalia mos diak.

Tito 1:2

Nunee, sira bele laran metin ba moris rohan laek nebee Nai Maromak promete nanis ona, molok Nia halo mundu nee, i Nia nunka bosok.

Tito 2:11

Tanba Maromak hatudu ona Nia grasa ba ema hotu hodi hetan salvasaun.

Tito 2:13

Agora ita hein hela ho laran metin Jesus Kristu atu fila fali mai ho naroman nabilan. Jesus mak ita nia Maromak Forsa teb-tebes, nebee salva ita.

Ebreu 1:14

Entaun anju sira nee see? Sira nee espiritu nebee serbii Nai Maromak. I Nia haruka anju sira nee mai tulun ema nebee mak sei hetan salvasaun.

Ebreu 11:7

Noé fiar ba Nai Maromak. Nee mak bainhira Maromak foo hatene dehan, Nia atu halo rai nabeen, Noé mos rona. Maski Noé seidauk haree buat nee, maibee nia hakruuk ba Nai Maromak hodi halo roo para salva nia aan ho mos nia familia. Tanba nia fiar nee, Maromak konsidera nia ema ida nebee moris loos. Maibee ema sira seluk iha tempu nebaa hetan kastigu too mate mohu tanba sira la fiar ba Maromak hanesan Noé.

Ebreu 11:9

Too tiha rai nebee Maromak promete atu foo ba nia nee, nia fiar nafatin. Nee mak nia prontu moris hanesan ema lao rai hodi hela iha tenda okos deit. Maromak nia promesa nebee Abraão simu nee tuun mos ba nia oan Isac ho nia bei-oan Jacó, i sira mos moris hanesan ema lao rai nafatin.

Ebreu 6:17

Nunee mos ho Nai Maromak. Nia hakarak para ema nebee simu Nia promesa nee, hatene momoos katak buat nebee Nia promete ona sei la muda. Tanba nee, Nia hametin Nia promesa ho juramentu.

Tiago 2:5

Maun-alin doben sira, rona mai. Nai Maromak hili ona ema kiak tuir mundu nia haree, atu sai riku iha fiar. Maromak nudar Liurai hili ona sira hodi sai Maromak nia reinu nebee Nia promete ona atu foo ba Nia povu nebee hadomi Nia.

1 Pedro 3:7

Nunee mos imi laen sira. Imi tenki uza matenek oinsaa mak atu moris hamutuk ho imi nia feen. Hatudu imi nia respeitu ba sira tanba imi komprende katak sira nia forsa la hanesan imi nian, i imi hamutuk sei simu moris rohan-laek tanba Maromak nia laran diak ba imi. Halo nunee para bainhira imi halo orasaun Maromak rona.