Tito 3:5 - Biblia Tetun Dili

⁵ Nia salva ita, laos tanba ita nia hahalok diak, maibee tanba Nia hadomi ita. Nia hamoos tiha ona ita nia sala i halo ita moris foun fali, liu hosi nia Espiritu Santu.

Tito 3:5 Iomraidhean Croise

Mateus 3:11

Hau foo sarani imi ho bee deit para hatudu katak imi husik ona imi nia sala. Maibee la kleur tan, Ema ida boot liu hau sei mai. Atu kore deit Nia sandalias talin mos, hau la serve. Nia nee sei sarani imi ho Espiritu Santu no ho ahi.

Lucas 1:50

Nai Maromak hadomi ema hotu nebee respeita i adora Nia, hosi jerasaun ba jerasaun.

Lucas 1:54

Nia tulun Nia atan ema Israel sira, i sempre hatudu Nia domin ba sira.

Lucas 1:72

Maromak halo nunee para hatudu Nia domin ba ita nia bei-ala sira hodi hanoin Nia aliansa ho sira.

Lucas 1:78

tanba ita nia Maromak nee laran diak teb-tebes. Nee mak loro matan sae dadauk, lori naroman hosi lalehan tuun mai ita,

Roma 11:14

Hau hein katak hau nia serbisu nee bele halo hau nia maluk Judeu sira laran moras hodi hakarak atu sira mos bele hetan bensaun nebee ema laos Judeu simu nee. Nunee sira balu bele hetan salvasaun.

Roma 11:6

Nia hili sira tanba deit Nia grasa, laos tanba sira hahalok diak. Se Maromak hili ema bazeia ba sira nia hahalok diak, entaun bele dehan nee laos ona grasa.

Roma 12:2

La bele halo tuir ema iha mundu nee nia hahalok. Maibee husik Maromak halo foun imi nia hanoin hodi muda imi nia laran. Nunee imi bele hatene loloos Maromak nia hakarak ba imi. Maromak nia hakarak nee buat nebee diak, loos i halo Nia laran haksolok.

Roma 3:20

La iha ema ida mak Maromak dehan, nia moris loos, tanba nia halo tuir Maromak nia lei. Maibee hosi lei nee ita bele hatene momoos katak ita ema sala nain.

Roma 3:28

Tanba ita hatene katak, ema nebee Maromak deklara nia moris loos ona laos tanba nia halo tuir Maromak nia lei, maibee tanba nia fiar ba Jesus Kristu.

Roma 4:5

Maibee ita ho Maromak laos nunee. Ema nebee la serbisu maibee fiar ba Nia, nia fiar sai lia loos. Tanba Maromak mak deklara ema aat sai moris loos.

Roma 9:11

Molok labarik sira nee moris, sira seidauk halo buat diak ka buat aat, maibee Maromak hatete ona ba Rebeca, “Maun sei serbii ba nia alin.” Nee hatudu katak, bainhira Maromak hili ema ida, Nia la haree ba ema nee nia hahalok, maibee Nia hili tuir Nia planu rasik.

Roma 9:16

Nunee, Maromak nia domin la depende ba ita ema nia hakarak ka ita nia esforsu rasik, maibee Maromak hadomi tanba deit Nia laran diak.

Roma 9:30

Se nunee, ita atu dehan saida? Ema nebee laos Judeu, sira uluk la hakaas aan atu hetan lia loos. Too ikus Maromak simu sira tanba sira fiar ba Jesus Kristu.

1 Korintu 6:11

Afinal uluk imi balu mos hahalok hanesan nee. Maibee agora Maromak hamoos tiha ona imi nia sala, Nia halo imi moris ho laran moos, i Nia simu ona imi. Ita nia Maromak halo buat sira nee hotu liu hosi Nai Jesus Kristu hodi Maromak nia Espiritu nia kbiit.

Galasia 2:16

Maibee agora ami hatene katak, la iha ema ida mak Maromak deklara moris loos ona tanba nia tuir lei relijiaun. Nai Maromak deklara ema ida moris loos ona tanba nia fiar ba Kristu Jesus, laos tanba halo tuir lei nee. Nee mak ami mos fiar ba Kristu, para Maromak bele deklara ami moris loos ona.

Efezu 2:4

Maibee Maromak laran diak loos no hadomi teb-tebes ita.

Efezu 4:23

i foo fatin ba Nai Maromak para Nia halo foun imi nia neon no laran.

Efezu 5:26

para halo sira moris ho laran moos. Kristu halo nunee para sira sai moos iha Maromak nia futar oin, tanba sira rona Nia liafuan, nebee hanesan bee hodi fasi halo moos.

2 Timóteo 1:9

Nai Maromak mak salva ona ita, i bolu ona ita sai Nia ema para ita moris ho laran moos. Nia halo hanesan nee, laos tanba ita hatudu hahalok diak ruma. Maibee, Nia salva i bolu ita tuir Nia planu rasik, tanba Nia hakarak hatudu Nia grasa mai ita. Molok Nai Maromak halo mundu nee, Nia desidi ona atu haruka Kristu Jesus mai, para hatudu Nia grasa mai ita.

Tito 3:4

Maski ita nia hahalok aat nunee mos, Maromak ita nia Salvador hatudu Nia laran diak ho domin mai ita.

Ebreu 10:22

Tanba nee mai ita hakbesik aan ba Nai Maromak ho laran moos i fiar metin ba Nia. Tanba Jesus hamoos tiha ona ita nia laran, too ita la hanoin tan sala nebee uluk ita halo. Nee hanesan Nia fasi ita nia isin lolon hodi bee nebee moos.

Ebreu 4:16

Entaun mai ita brani hakbesik aan ba Nai Maromak. Nia mak ukun buat hotu-hotu, i Nia sempre hatudu Nia grasa mai ita. Se ita hakbesik aan ba Nia, Nia sei hatudu domin mai ita hodi tulun ita iha tempu susar nia laran.

Ebreu 6:6

Se karik too ikus sira fila kotuk ba Kristu, entaun ita atu halo sira husik sira nia sala hodi fila fali ba Maromak, la bele ona. Tanba sira hanesan prega fila fali Nai Maromak nia Oan iha krus, i halo ema hatete aat Nia iha ema barak nia oin. Sira nia hahalok nee mos lori terus ba sira nia aan rasik.

1 Pedro 1:3

Mai ita hahii Nai Maromak! Nia mak ita nia Nai Jesus Kristu nia Aman. Nai Maromak hadomi teb-tebes ita, too Nia foo moris foun mai ita. Ita bele simu moris foun nee tanba Nia halo moris fali ona Jesus Kristu hosi mate. Nunee agora ita moris nakonu ho esperansa

1 Pedro 2:10

Uluk imi laos Nai Maromak nia povu, maibee agora imi sai ona Nia povu. Uluk imi seidauk simu Maromak nia domin, maibee agora imi simu ona.

1 Pedro 3:21

Bee boot nee hanesan figura kona ba batizmu, nebee salva imi. Bainhira imi simu batizmu, laos atu hasai foer iha imi nia isin, maibee signifika katak, imi husu para Nai Maromak foo laran diak iha imi nia fuan. Tanba Jesus Kristu moris fali ona hosi mate.