Tito 3:2 - Biblia Tetun Dili

² La bele hatete aat ema i la bele istori malu. Hatudu laran maus ho laran diak ba ema hotu.

Tito 3:2 Iomraidhean Croise

Mateus 11:29

Mai aprende hosi Hau i moris tuir Hau nia hanorin, tanba Hau nee laran maus ho haraik Aan. Nunee imi nia fuan-laran bele hakmatek.

Apostolu sira nia Istoria 23:5

Paulo hataan, “Deskulpa, maun-alin sira, hau la hatene dehan, nia mak nai-lulik boot. Tanba ita lee iha Maromak nia Liafuan dehan, ‘Imi la bele hatete aat imi nia nai ulun sira.’ ”

1 Korintu 6:10

naok-teen, matan naklosu ba osan, lanu-teen, hatete aat ema, ka han-matak ema nia sasaan. See mak moris hanesan nee sei la tama iha Maromak nia reinu.

1 Korintu 9:19

Tuir loloos, hau laos ema ida nia atan. Maski nunee, hau halo hau nia aan sai atan ba ema hotu, atu nunee hau bele manaan ema barak hodi tuir Kristu.

2 Korintu 10:1

Hau, Paulo, mak hakerek iha nee. Imi balu hanoin dehan, iha imi nia oin, hau la brani koriji imi, hosi dook mak foin hau brani. Agora ho Kristu nia laran maus ho haraik aan, hau, Paulo husu

2 Korintu 12:20

Hau tauk, bainhira hau baa iha nebaa, imi nia hahalok la monu ba hau nia laran, i hau nia hahalok mos la monu ba imi nia laran. Hau tauk imi istori malu hela, laran moras malu, hirusdor, hanoin imi nia aan deit, hatete aat ema, konta aat ema nia vida, foti aan i halo rungu-ranga.

Galasia 5:22

Maibee se ita moris tuir Espiritu Santu nia hakarak mak ita nia hahalok hanesan tuir mai nee: iha domin, laran haksolok, paz ho dame, pasiensia, laran diak, halo diak, foo laran,

Galasia 6:1

Maun-alin sira, se ema sarani ida monu ona ba sala, entaun imi nebee moris tuir Espiritu Santu nia hakarak, tenki baa koalia didiak ho nia ho laran maus no haraik aan hodi lori nia fila fali ba dalan loos. Maibee kuidadu imi nia aan, para la bele monu ba sala.

Galasia 6:10

Tanba nee, bainhira ita hetan oportunidade hodi ajuda ema seluk, ajuda deit baa. Liu-liu sarani sira nebee fiar ba Kristu.

Efezu 4:2

Imi tenki moris haraik aan, laran maus, pasiensia ba malu, i hadomi malu. Se ema ruma halo sala hasoru imi, lalika tau moruk nee iha fuan-laran.

Efezu 4:31

La bele ona rai odi ba ema. La bele hirus. La bele tolok no hakilar ema. La bele istori malu. La bele hatete aat ema. I la bele halo buat aat saida deit.

Filipi 4:5

Hatudu imi nia laran diak ba ema hotu-hotu, tanba Nai Jesus besik fila mai ona.

1 Tesalonika 2:7

Tuir loloos ami, nudar Kristu nia apostolu, iha direitu hodi eziji. Maibee ami hatudu ami nia laran maus iha imi nia leet, hanesan inan ida tau matan ba nia oan nurak.

1 Timóteo 3:11

Nunee mos ho nia feen. Nia feen tenki ema respeita, domina aan, i la bele konta ema nia vida. Ema bele fiar nia iha buat hotu-hotu.

1 Timóteo 3:3

Lideransa sarani nian la bele lanu-teen, i la bele baku ema, maibee tenki laran maus i gosta dame. Nia la bele hadomi liu osan.

Tiago 3:17

Maibee matenek nebee mai hosi Maromak mak nee: moos, lori dame, laran maus, konsidera ema seluk, laran diak, foo fuan diak, gosta ajuda ema, la haree ba ema boot ka kiik, i la finjidu.

Tiago 4:11

Maun-alin sira, la bele hatete aat ema. Se o hatete aat o nia maluk sarani ida, i foo sala bebeik ba nia, entaun o hatete aat Nai Maromak nia lei nebee haruka ita hadomi malu, hodi dehan lei nee la diak. Se o foo sala ba Nai Maromak nia lei nunee, entaun o laos ona ema nebee tuir Nia lei, maibee o foti aan hanesan fali juis hodi tesi lia ba lei nee.

1 Pedro 2:1

Tanba nee, soe tiha hahalok aat hotu-hotu! La bele bosok, la bele koalia oin ida hahalok oin seluk, la bele laran moras ema, i la bele hatete aat ema seluk.

1 Pedro 3:10

Iha Livru Sagradu hakerek dehan, “Ema nebee hadomi nia moris, i hakarak haree loron nebee diak, nia tenki kuidadu nia ibun para la bele koalia aat, i la bele bosok.

1 Pedro 3:8

Agora hau husu para imi hotu neon ida laran ida, hadomi imi nia maluk sira nebee fiar ba Kristu, hatudu laran maus ba malu i haraik aan.

1 Pedro 4:4

Agora ema nebee la konhese Maromak, sira admira nusaa mak imi la halo tuir ona sira nia hahalok aat oi-oin nee, i sira hatete aat imi.

2 Pedro 2:10

Kastigu nebee todan liu sei monu ba ema nebee toman halo buat foer tuir sira nia hakarak aat i hatete aat ema hotu nebee kaer ukun.

Judas 1:10

Maibee ema sira nee hatete aat buat nebee mak sira la komprende. Sira so hatene sira nia hakarak deit, hanesan fali animal nebee la iha neon. I hahalok nee mak harahun sira.

Judas 1:8

Nunee mos ho ema aat sira nebee tama iha imi nia leet nee. Sira halo sala hodi hafoer sira nia aan rasik, i dehan mehi mak foo sai ba sira para halo nunee. Sira lakohi rona see-see deit mak kaer ukun iha lalehan ka iha rai, too hatete aat forsa sira iha lalehan.