Tito 3:12 - Biblia Tetun Dili

¹² Hau atu haruka Artemas ka Tíkiku baa hasoru o iha rai Kreta. Bainhira nia too iha nebaa, hakaas aan baa lalais hasoru hau iha sidade Nikópolis. Tan hau desidi ona atu hela iha nebaa durante tempu rai malirin.

Tito 3:12 Iomraidhean Croise

Apostolu sira nia Istoria 20:4

Iha grupu kiik ida mak akompanha Paulo. Sira nee mak Sópatro hosi sidade Bereia, ema nain rua naran Aristarku ho Sekundu hosi sidade Tesalónika, ema ida naran Gaio hosi sidade Derbe, ho ema nain tolu hosi provinsia Ázia, sira nee mak Timóteo, Tíkiku ho Trófimu.

1 Korintu 16:6

Dala ruma hau hela ho imi kleur ituan, karik durante tempu malirin tomak. Depois imi bele ajuda hau baa iha fatin seluk tan.

Efezu 6:21

Hau haruka irmaun Tíkiku ba imi, para konta buat hotu-hotu kona ba hau, atu imi bele hatene kona ba hau nia situasaun ho hau nia serbisu. Tíkiku nee ita nia irmaun doben, i nia badinas halao Nai Jesus nia serbisu.

Kolose 4:7

Ita nia irmaun doben Tíkiku sei konta ba imi buat hotu-hotu kona ba hau. Nia badinas halao Nai Jesus nia serbisu hamutuk ho hau.

2 Timóteo 4:12

Hau haruka ona Tíkiku baa iha sidade Efezu.

2 Timóteo 4:21

Hakaas aan mai too iha nee molok tempu malirin. Eubulu, Pudente, Lino, Cláudia, ho sarani sira seluk haruka kumprimentus ba o.

2 Timóteo 4:9

Timóteo, hakaas aan mai lalais haree hau.