Tito 2:8 - Biblia Tetun Dili

⁸ Bainhira o hanorin, o tenki uza lia loos, para ema la bele foo sala ba o. Nunee ema sira nebee kontra o, sei moe, tanba sira la iha razaun atu hatete aat ita.

Tito 2:8 Iomraidhean Croise

Marcos 12:17

Entaun Jesus dehan tan ba sira, “Se nunee, imi foo ba estadu buat nebee mak estadu nian. I foo ba Nai Maromak buat nebee mak Nai Maromak nian.” Rona Nia hataan nunee, sira hotu admira, tanba Nia koalia nee loos. Nunee sira koko Jesus, maibee la hetan.

Marcos 12:28

Iha loron nee, mestri relijiaun ida rona Jesus diskuti hela ho ema hosi grupu relijiaun Saduseu sira. Mestri relijiaun nee rona Jesus hataan ona sira nia pergunta ho diak. Nunee nia husu ba Jesus, “Nai, hau atu husu liafuan ida. Tuir ita nia relijiaun, iha orden barak teb-tebes. Hosi orden sira nee hotu nebee avoo Moisés rai hela mai ita, ida nebee mak boot liu?”

Marcos 12:32

Depois mestri relijiaun nee dehan tan ba Jesus, “Nai, nee loos! Nai Maromak nee ida deit. La iha tan Maromak seluk.

Marcos 12:34

Rona nia hataan nunee, Jesus hanoin katak, mestri relijiaun nee komprende duni Nai Maromak nia Liafuan. Nunee Nia dehan, “O besik ona atu sai Nai Maromak nia ema.” Hotu tiha, la iha ema mak brani atu diskuti tan ho Jesus. Tanba la iha ema ida mak bele manaan Nia.

Lucas 13:17

Rona nunee, Jesus nia inimigu sira moe loos. Maibee povu kontenti teb-tebes tanba Nia halo buat didiak deit.

2 Tesalonika 3:14

Se iha ema ruma mak lakohi halo tuir buat nebee ami hakerek iha surat nee, la bele ransu ho nia, para halo nia moe.

1 Timóteo 5:14

Tanba nee, hau hanoin diak liu feto faluk foin-sae sira kaben fali, iha oan, i tau matan ba sira nia uma kain. Nunee ema nebee la gosta ita, la iha razaun atu hatete aat ita.

1 Timóteo 6:3

Ema balu hanorin buat nebee sala, la haan malu ho Nai Jesus Kristu nia Liafuan nebee loos. Sira nia hanorin la ajuda ema moris tuir Maromak nia hakarak.

Tito 3:14

Ita nia maluk sarani sira tenki aprende hakaas aan halo diak ba ema, hodi ajuda ema nebee presiza duni. Ho nunee sarani sira nia moris sei hetan fuan.

1 Pedro 2:12

Imi tenki hakaas aan para moris loos iha ema nebee laos judeu sira nia leet. Nunee, se sira duun matak imi, sira bele haree deit imi nia hahalok diak, i bainhira Jesus fila fali mai hosi lalehan, ema sira nebee laos judeu sira sei foti aas Nai Maromak nia naran.

1 Pedro 2:15

Tanba Nai Maromak hakarak para imi halo buat nebee diak, atu ema beik-teen sira nebee mak la hatene buat ida, la iha liafuan ida atu koalia hasoru imi.

1 Pedro 3:16

Imi nia laran tenki moos. Karik ema balu koalia aat imi hodi kritika buat diak nebee mak imi halo tanba imi tuir Kristu. Maibee se imi halo diak nafatin, too ikus sira rasik moe ba sira nia liafuan nee.