Tito 2:2 - Biblia Tetun Dili

² Hatete ba katuas sira atu domina aan, i hatene aan, para ema bele respeita. Sira tenki hatene lia no fiar metin ba Maromak, hadomi ema seluk ho laran tomak, i pasiensia iha terus nia laran.

Tito 2:2 Iomraidhean Croise

Marcos 5:15

Bainhira sira hetan Jesus, sira mos haree mane nebee uluk espiritu aat tama nee, tuur hakmatek hela. Ninia hanoin hanesan fali bai-bain i hatais fali hena ona. Haree nunee, ema sira tauk, tanba sira hatene ona, ema nebee duni sai espiritu aat barak nee, Nia iha kbiit boot teb-tebes.

Lucas 8:35

Rona nunee, ema barak sai baa atu haree rasik ho matan. Too iha nebaa, sira haree ema nebee uluk espiritu aat domina nee, diak tiha ona. Nia tuur hakmatek hela iha Jesus nia ain, hatais tiha ona hena, i nia hanoin normal fali ona. Haree nunee, sira hotu tauk.

Apostolu sira nia Istoria 24:25

Nia mos foo hanoin, halo oinsaa ema bele moris loos, ho domina aan para la bele halo sala. I nia mos koalia kona ba Maromak halo justisa iha loron ikus. Bainhira Félix rona buat sira nee, nia tauk teb-tebes hodi dehan, “Paulo, too iha nee deit ona! Bainhira iha tempu, mak hau sei bolu fali o.”

Roma 12:3

Tanba Maromak hatudu Nia grasa mai hau too Nia hili hau sai apostolu, hau hatete ba imi ida-idak: la bele hanoin buat nebee aas liu dukee loloos nian. Diak liu imi hatene kbiit nebee Maromak foo tiha ona ba imi ida-idak tanba imi nia fiar, atu nunee imi bele hatene imi nia aan.

1 Korintu 15:34

Imi tenki hanoin fila fali ba buat nebee loos, i la bele halo sala tan! Tuir loloos imi tenki moe, tanba imi balu matan tomak hela kona ba Maromak.

1 Korintu 9:25

Ema hotu nebee tama iha kompetisaun, sira tenki treinu sira nia aan ho disiplina. Sira halo nunee atu bele manaan premiu ida nebee la dura. Maibee ita sira nee treinu ita nia aan atu hetan premiu ida nebee dura tinan ba tinan.

2 Korintu 5:13

Karik imi hanoin ami nee hanesan ema bulak, husik baa. Afinal ida nee hodi foo gloria ba Maromak. Dala ruma imi konsidera ami ema nebee domina aan. Ami halo hanesan nee hodi serbii imi.

Galasia 5:23

laran maus i domina aan. La iha lei ida mak kontra hahalok sira nee.

Filipi 4:8

Entaun, maun-alin sira, imi tenki kuidadu didiak imi nia hanoin. Hanoin bebeik kona ba buat nebee loos, ho buat nebee iha valór. Hanoin kona ba buat diak nebee halo haksolok Maromak nia laran ho buat furak nebee foo ksolok ba ema. Saida deit mak diak loos i saida deit mak ita bele gaba, nee mak imi tenki hanoin.

1 Tesalonika 5:6

Nunee, ita la bele hanesan ema seluk nebee toba dukur hela. Maibee ita tenki matan moris neon nain i kuidadu aan didiak.

1 Tesalonika 5:8

Maibee ita la bele nunee. Ita moris iha naroman laran, nee duni, ita tenki matan moris neon nain, fiar nafatin ba Jesus i hadomi malu. Fiar ho domin nee hanesan besi belar nebee tropas sira uza hodi taka sira nia hirus matan iha funu laran. Ita mos tenki laran metin nafatin katak Nai Jesus salva ona ita. Nee hanesan kapaseti nebee tropas sira taka ba ulun.

1 Timóteo 1:10

Lei nee foo ba ema nebee la iha moral seksual, ba ema nebee halo hahalok homo-seksual, ba sira nebee naok ema ba faan, ba bosok-teen sira, ba ema nebee jura falsu, ho sira nebee halo saida deit mak kontra hanorin nebee loos.

1 Timóteo 1:14

Maibee ita nia Kristu Jesus hatudu Nia grasa res-resin mai hau. Nia enxe hau ho fiar metin ba Nia, no hadomi Nia i hadomi mos ema seluk.

1 Timóteo 1:2

Timóteo, o hanesan hau nia oan rasik, tanba hau hatudu dalan para o fiar ba Kristu Jesus. Hau harohan atu ita nia Aman Maromak ho Kristu Jesus ita nia Nai, hatudu Sira nia grasa ba o, hadomi o, i foo paz ba o.

1 Timóteo 1:5

Hau foo hanoin ba o hanesan nee, atu sarani sira bele moris hadomi malu, laran moos, hatene saida mak diak ho saida mak aat, i fiar teb-tebes ba Nai Maromak.

1 Timóteo 3:11

Nunee mos ho nia feen. Nia feen tenki ema respeita, domina aan, i la bele konta ema nia vida. Ema bele fiar nia iha buat hotu-hotu.

1 Timóteo 3:2

Lideransa sarani nian tenki ema diak, povu respeita. Nia tenki moris loos no iha feen ida deit. Nia tenki hatene aan, domina aan, naran diak, simu bainaka iha uma ho laran tomak, i hatene hanorin.

1 Timóteo 3:4

Nia tenki hatene eduka nia familia, i nia oan sira tenki respeita i rona ba nia.

1 Timóteo 3:8

Nunee mos ho diakonu sira nebee ajuda Maromak nia povu. Nia tenki ema nebee ema respeita, la bele bosok-teen, la bele lanu teen, i la bele han-matak ema.

1 Timóteo 5:1

La bele hirus mane sira nebee idade liu o. Maibee foo hanoin ba sira ho respeitu, hanesan ba o nia aman rasik. I foo hanoin ba mane foin-sae sira hanesan o nia maun-alin rasik.

Tito 1:13

Ema Kreta sira nee hahalok nunee duni! Tanba nee, o tenki koalia makaas ba sira katak sira sala, para sira bele soe tiha liafuan falsu hodi fiar metin ba lia loos.

Tito 1:8

Nia hakarak simu bainaka iha uma ho laran tomak, i gosta halo buat nebee diak. Tenki ema hatene lia, sempre halo loos ka justu, laran moos i domina aan.

Tito 2:7

Tito, o tenki halo diak ba ema iha buat hotu-hotu, hodi sai ezemplu diak ba foin-sae sira. Hanorin ho laran; la bele hanorin oin ida, halo oin seluk.

1 Pedro 1:13

Tanba nee, matan moris neon nain hodi komprende didiak buat sira nee hotu. I hein ho laran metin nafatin atu Maromak hatudu Nia laran diak ba imi bainhira Jesus Kristu fila fali mai.

1 Pedro 4:7

Mundu nee besik remata ona. Tanba nee imi tenki hanoin klean i domina aan para bele halo orasaun.

1 Pedro 5:8

Matan moris neon nain, tanba imi nia inimigu diabu hakarak estraga imi, hanesan leaun nebee mak lao baa-mai ho lian makaas hodi buka ema atu haan.

2 Pedro 1:6

Imi mos tenki domina aan i hatene aguenta nafatin, i moris halo tuir Maromak nia hakarak.