Tito 2:12 - Biblia Tetun Dili

¹² Nai Maromak nia grasa hanorin ita para soe tiha hahalok aat ho mundu nia hakarak aat sira nee hotu. Durante ita sei moris iha mundu, ita tenki hatene aan, onestu, i halo tuir Nai Maromak nia hakarak.

Tito 2:12 Iomraidhean Croise

Mateus 12:32

Nunee mos ema nebee mak koalia kontra Hau, Ema Oan, nia sei hetan perdaun. Maibee see mak koalia kontra Espiritu Santu, Maromak la foo perdaun ba nia too tinan ba tinan.”

Mateus 16:24

Depois Jesus dehan ba Nia eskolanti sira, “See mak hakarak tuir Hau, nia tenki nega nia aan, lori nia krus i tuir Hau. Nee hanesan husik tiha nia hakarak rasik, tenki prontu simu terus, hanesan ema nebee loro-loron lori nia krus too mate. I nia tenki tuir Hau nafatin.

Mateus 28:20

I hanorin sira atu halo tuir buat hotu-hotu nebee mak Hau hatete ona ba imi. Keta haluha, Hau sempre hamutuk ho imi too mundu nee remata.”

Lucas 1:6

Sira nain rua nee ema nebee moris loos iha Maromak nai futar oin, i halo tuir Maromak nia lei no Nia ukun fuan sira.

Lucas 1:75

i bele moris loos no laran moos iha Nia oin durante ita nia moris tomak.”

João 14:30

La kleur tan, Hau la koalia tan ho imi ona, tanba diabu mai ona. Nia mak kaer ukun iha mundu nee, maibee nia la iha kbiit hodi domina Hau.

João 6:25

Depois sira hetan Jesus iha tasi nia sorin. Sira husu ba Nia, “Mestri! Ita Boot too iha nee hori bainhira?”

Apostolu sira nia Istoria 24:16

Nee mak hau sempre hakaas aan atu bele moris ho laran moos iha Nai Maromak nia oin ho mos iha ema nia oin.

Apostolu sira nia Istoria 24:25

Nia mos foo hanoin, halo oinsaa ema bele moris loos, ho domina aan para la bele halo sala. I nia mos koalia kona ba Maromak halo justisa iha loron ikus. Bainhira Félix rona buat sira nee, nia tauk teb-tebes hodi dehan, “Paulo, too iha nee deit ona! Bainhira iha tempu, mak hau sei bolu fali o.”

Roma 12:2

La bele halo tuir ema iha mundu nee nia hahalok. Maibee husik Maromak halo foun imi nia hanoin hodi muda imi nia laran. Nunee imi bele hatene loloos Maromak nia hakarak ba imi. Maromak nia hakarak nee buat nebee diak, loos i halo Nia laran haksolok.

Roma 6:12

Nee duni, la bele husik sala domina imi nia aan nebee too loron ida sei mate. La bele tuir fali buat aat sira nebee mak imi nia aan hakarak halo.

Roma 6:19

Hau foo ezemplu loro-loron nian hosi patraun ho atan tanba se lae susar ba imi atu komprende. Uluk imi foo imi nia isin lolon sai atan ba sala, nebee halo imi sai ema moris iha sala, too imi nia hahalok aat aumenta ba bebeik. Agora nee imi tenki foo imi nia isin lolon sai atan ba moris loos nian, too imi sai ema nebee moris ho laran moos.

Roma 8:13

Tanba se imi moris tuir imi nia hakarak, imi sei mate tinan ba tinan. Maibee se imi hamate hahalok aat hodi Espiritu Santu nia kbiit, imi sei hetan moris.

2 Korintu 1:12

Ami orgulhu, tanba ami hatene katak buat nebee ami halo iha mundu nee, liu-liu iha imi nia leet, ami halo ho loloos ho laran moos, tanba Maromak tulun ami halo nunee. Ami la uza ema nia matenek, maibee Maromak nia grasa mak serbisu iha ami.

2 Korintu 7:1

Maluk doben sira, Maromak promete tiha ona buat sira nee ba ita. Tanba nee, mai ita hamoos ita nia aan hosi buat nebee hafoer ita nia isin no klamar. Ita tenki hamoos tutuir nafatin halo ita nia laran moos liu, tanba ita hamtauk Maromak.

Galasia 1:4

Kristu foo-Aan ba mate hodi hamoos ita nia sala i hasai ita hosi buat aat iha mundu nee. Nia halo nunee tuir ita nia Aman Maromak nia hakarak.

Galasia 5:24

See mak sai ona Kristu Jesus nia ema, nia la moris tan tuir isin nia hakarak. Tanba hakarak aat ho hanoin aat hotu-hotu, nia prega tiha ona iha krus.

Efezu 1:4

Molok Nai Maromak halo mundu, Nia hili tiha ona ita sai Kristu nia ema no Nia hadomi ita. Nia hakarak atu ita moris santu no laran moos iha Nia futar oin, i la iha sala.

Efezu 2:2

Iha tempu nebaa imi moris tuir mundu nia hakarak, i tuir mos diabu nia hakarak. Diabu mak ukun espiritu aat sira, i nia mak agora serbisu hela iha ema sira nebee lakohi tuir Nai Maromak.

Kolose 1:22

Maibee, tanba Kristu sai ema hodi foo aan ba mate, agora Maromak halo imi dame malu ona ho Nia. Kristu mate para bele lori imi baa hamriik iha Nai Maromak nia futar oin, ho laran moos, la iha noda ida, i la iha ema ida bele hatudu liman ba imi.

1 Tesalonika 4:7

Tan Nai Maromak bolu ona ita, laos atu moris tuir hahalok foer sira nee, maibee atu moris ho laran moos.

1 Tesalonika 4:9

Ami la presiza hakerek tan ba imi kona ba oinsaa hadomi maluk sarani sira, tan Nai Maromak rasik hanorin ona imi atu hadomi malu.

1 Timóteo 4:12

Keta husik ema ida la konsidera o tan deit o foin-sae. O tenki hatudu ezemplu diak ba ema sarani sira, liu hosi o nia koalia, o nia hahalok, o nia domin, o nia fiar ba Jesus Kristu, ho o nia moris loos.

1 Timóteo 6:17

Hatete ba ema riku sira iha mundu nee para sira la bele foti aan, i la bele laran metin ba sira nia rikusoin. Tan rikusoin sira nee hotu loron ida sei mohu. Hatete ba sira para laran metin ba Nai Maromak. Tan Nia mak foo buat hotu-hotu mai ita too res-resin, atu ita bele moris haksolok.

1 Timóteo 6:9

Maibee ema nebee loron-kalan hanoin deit atu sai riku, monu ba tentasaun i monu ba lasu. Sira hakarak buat oi-oin nebee sala ho buat barak nebee bele estraga sira. Nee sei halo susar sira.

2 Timóteo 3:12

Loos duni, ema hotu nebee fiar ba Kristu Jesus i hakarak moris loos tuir Maromak nia hakarak, sei hetan terus.

2 Timóteo 4:10

Tan Demas husik tiha ona hau hodi baa iha sidade Tesalónika, tanba hadomi liu buat mundu nian. Kresente baa tiha ona provinsia Galasia, i Tito mos baa tiha ona rai Dalmásia.

Tito 3:3

Tanba uluk, bainhira ita seidauk konhese Nai Jesus, ita beik-teen hela no moris iha sala nia laran. Ita lakohi rona Nai Maromak, lao sala dalan i hakarak halo aat saida deit. Ita nia moris nakonu ho hanoin aat, laran moras ema, i odi malu.

Ebreu 8:11

Sira sei la presiza tan hanorin sira nia maluk ka sira nia maun-alin atu konhese Nai Maromak, tanba sira hotu-hotu, hosi kiik too boot, sei konhese Hau.

Tiago 1:27

Tuir Maromak nebee loos i la iha sala mak hanesan nee: ajuda feto faluk ho oan kiak sira nebee terus, i kuidadu aan atu la bele husik mundu nia hakarak dada ita ba hahalok aat.

2 Pedro 2:9

Ezemplu hirak nee hatudu katak, Nai Maromak salva ema nebee mak halo tuir Nia hakarak, bainhira sira hasoru tentasaun. Nia mos foo kastigu ba ema nebee mak moris la loos, hodi hein too tempu atu Nia tesi ema hotu-hotu nia lia.

2 Pedro 3:11

Se buat hotu-hotu sei rahun tiha nunee, entaun imi tenki moris oinsaa? Imi tenki moris ho laran moos hodi tuir Maromak nia hakarak,

1 João 2:27

Maibee imi simu ona Nai Maromak nia Espiritu, i Nia Espiritu hela nafatin ho imi. Nunee imi la presiza mestri seluk atu hanorin imi, tanba Nia Espiritu rasik mak hanorin imi kona ba buat hotu-hotu, i saida mak Nia hanorin nee loos hotu, ida mos la sala. Entaun imi tenki moris laran ida nafatin ho Jesus Kristu tuir Nia Espiritu hanorin ona ba imi.

1 João 2:6

Ema nebee dehan nia laran ida ho Kristu, nia tenki moris hanesan ho Kristu nia moris.

1 João 5:19

Ita hatene katak, ita sai ona Maromak nia ema, maski ema iha mundu nee aat nain mak domina.

Judas 1:18

Sira foo sai katak, bainhira mundu nee besik remata ona, sei iha ema nebee halo trosa Maromak nia povu, i moris tuir deit sira nia hakarak aat.

Apokalipse 14:12

Entaun imi nebee sai ona Nai Maromak nia povu, imi nebee halo tuir Nai Maromak nia ukun fuan i fiar metin ba Jesus too rohan, imi tenki aguenta ho pasiensia nafatin.