Tito 2:11 - Biblia Tetun Dili

¹¹ Tanba Maromak hatudu ona Nia grasa ba ema hotu hodi hetan salvasaun.

Tito 2:11 Iomraidhean Croise

Mateus 28:19

Tanba nee, baa hanorin ema iha nasaun hotu-hotu atu sira sai Hau nia eskolanti. Foo sarani sira hodi Aman, Oan no Espiritu Santu sira nia naran.

Marcos 16:15

Nee duni, imi tenki baa iha mundu tomak, i foo sai Hau nia Novidade Diak nee ba ema hotu-hotu.

Lucas 24:47

I ema sei foo sai hodi Kristu nia naran katak, see mak husik nia sala, Maromak foo perdaun ba nia. Sira sei foo sai nunee iha nasaun hotu-hotu, hahuu hosi Jerusalém.

Lucas 3:6

para ema hotu-hotu bele haree, Ema nebee Maromak haruka mai hodi salva sira.’ ”

João 1:14

I ‘Maromak nia Liafuan’ nee, sai tiha ema. Nia moris iha ita nia leet. Ita haree Nia naroman-nabilan. Nia iha naroman-nabilan nunee, tanba Nia mak Nai Maromak nia Oan mane mesak. Nia hakarak hatudu Nia laran diak no grasa mai ita, tanba Nia hahalok nunee duni. I buat hotu nebee Nia hatoo kona ba Nai Maromak, loos duni.

João 1:9

Tan Ema nee mak Naroman loloos, nebee mai iha mundu nee. Naroman nee hatudu momoos buat nebee loos ba ema hotu.

Apostolu sira nia Istoria 13:43

Ema Judeu ho mos ema laos Judeu nebee hamtauk ba Nai Maromak, barak akompanha Paulo ho Barnabé. I sira nain rua foo konselhu dehan, “Imi tenki laran metin nafatin ba Nai Maromak, tanba Nia hatudu ona laran diak mai ita.”

Apostolu sira nia Istoria 13:47

Tan Nai Maromak foo ona orden mai ami dehan, ‘Hau foti ona o sai hanesan ahi oan hodi lori naroman ba ema nebee laos Judeu, atu o lori Maromak nia salvasaun ba iha mundu tomak.’ ”

Apostolu sira nia Istoria 17:30

Uluk ema halo buat sira nee tanba seidauk komprende. Nee mak Nai Maromak foo perdaun ba sira. Maibee agora, Nia lakohi atu ita moris tan nunee. Nee mak Nia foo orden dehan, ema hotu-hotu tenki husik ona lulik, i tuir deit Nai Maromak.

Apostolu sira nia Istoria 20:24

Nai Jesus mak tau serbisu nee iha hau nia kabaas, atu hau baa foo sai Nai Maromak nia Novidade Diak kona ba Nia grasa ho Nia domin mai ita. Se karik hau la tuir Nia hakarak, i la halo remata Nia serbisu nee, hau senti hau nia moris nee la iha folin ida.

Roma 10:18

Entaun hau hakarak husu, ema Israel nunka rona kona ba Kristu ka? Sira rona tiha ona! Hanesan hakerek iha Livru Sagradu dehan, “Sira nia liafuan foo sai tiha ona iha mundu tomak, hosi rai ulun too rai ikun.”

Roma 5:15

Maibee Maromak nia grasa la hanesan Adão nia sala. Adão nee ema ida deit, maibee tanba nia kontra Maromak nia orden, entaun ema hotu-hotu tenki mate. Jesus Kristu mos Ema ida deit. I liu hosi Nia, Maromak hatudu momoos nia grasa ba ema hotu.

Roma 5:2

Kristu mos halo ita hatene Maromak nia grasa iha ita nia moris agora, tanba ita fiar. Ita nia laran mos haksolok, tanba ita laran metin katak, aban-banrua Maromak sei foti ita hodi senti Nia naroman nabilan.

2 Korintu 6:1

Tanba ami serbisu hamutuk ho Maromak, nunee ami husu atu imi la bele fila kotuk ba Maromak nia grasa nebee imi simu ona.

Galasia 2:21

Nai Maromak simu hau tanba Nia grasa. Se karik Nai Maromak simu ita tanba ita halo tuir lei relijiaun, entaun Kristu nia mate la iha folin.

Efezu 2:5

Maski ita hanesan mate tiha ona tanba ita nia sala, maibee Nia halo moris fali ita hamutuk ho Kristu. Tanba Maromak salva ita liu hosi Nia grasa.

Efezu 2:8

Nai Maromak salva imi liu hosi Nia grasa deit, bainhira imi fiar ba Kristu. Nia halo nunee, laos tanba imi merese. Salvasaun nee, Maromak mak foo deit,

Kolose 1:23

Naran katak imi hamriik metin hodi fiar nafatin. Keta nakdoko, maibee laran metin nafatin katak Maromak halo tuir duni buat nebee Nia promete ona iha Nia Novidade Diak. Novidade Diak nee, ema foo sai ona iha fatin-fatin deit iha mundu nee. I hau, Paulo, mos simu knaar para foo sai Novidade nee.

Kolose 1:6

i buras ba bebeik hodi muda ema nia moris iha fatin bara-barak. Nunee mos muda imi nia moris, komesa hosi loron primeiru imi rona Novidade Diak nee hodi komprende loloos Nai Maromak nia grasa.

2 Tesalonika 2:16

Nai Maromak hadomi teb-tebes ita. Tan Nia grasa, Nia sempre foo ksolok ho esperansa boot mai ita iha susar laran. Nunee, ami husu ba Jesus Kristu ita nia Nai, ho ita nia Aman Maromak, para hametin imi nia laran hodi tulun imi atu sempre halo buat nebee diak i koalia mos diak.

1 Timóteo 1:14

Maibee ita nia Kristu Jesus hatudu Nia grasa res-resin mai hau. Nia enxe hau ho fiar metin ba Nia, no hadomi Nia i hadomi mos ema seluk.

1 Timóteo 2:4

Nia hakarak atu ema hotu-hotu hetan salvasaun, i komprende lia loos.

2 Timóteo 1:10

Agora, Kristu Jesus nebee salva ita, mai tiha ona, i ita haree ona Nia laran diak mai ita. Mate nia poder, Nia halo rahun tiha ona! I Nia foo sai liu hosi Nia Novidade Diak katak Nia loke dalan ba ita atu moris nafatin tinan ba tinan ho Nai Maromak.

2 Timóteo 4:17

Bele nunee mos, Nai Jesus hamriik iha hau nia sorin hodi foo forsa mai hau, para hau bele foo sai Novidade Diak hotu. Nunee sira nebee laos ema Judeu mos bele rona. I Maromak mos hasai hau hosi liaun nia ibun.

Ebreu 12:15

Foo korajen ba malu nafatin para la bele iha ema ida hosi imi nia leet dada aan hosi Maromak nia grasa. Kuidadu para imi ida la bele sai hanesan ai abut ida nebee moruk hodi estraga ema nia moris too dada sira tuir fali dalan nebee la loos.

Ebreu 2:9

Maibee iha Ida mak bele ukun buat hotu-hotu, Nia nee mak Jesus. Nia sai ema mai iha mundu nee ho pozisaun kiik liu anju sira. Nudar ema, Nia hetan terus too mate iha kruz. Nia halo nunee hodi hatudu Nai Maromak nia grasa ba ema. Depois Nai Maromak foti aas Nia, para Nia ukun buat hotu nebee Maromak halo ona.