Tito 1:9 - Biblia Tetun Dili

⁹ Nia tenki kaer metin Nai Maromak nia liafuan nebee loos, tuir uluk ita hanorin ona ba nia. Nunee nia bele hanorin tutan lia loos ba ema seluk i tulun ema hodi halo tuir Maromak nia hakarak, i koriji ema nebee hanorin kontra lia loos.

Tito 1:9 Iomraidhean Croise

Apostolu sira nia Istoria 18:28

Apolo debate ho ema Judeu sira, iha ema barak nia oin, maibee la iha ema ida manaan nia. I liu hosi Sagrada Eskritura nia hatudu ba sira katak, Ema ida nebee Maromak hili ona nee, mak Jesus.

1 Korintu 14:24

Maibee se imi foo tutan Maromak nia lia menon i ema ruma nebee la fiar tama iha imi nia klaran, buat nebee imi koalia nee kona loos nia hahalok, nia sei hatene aan katak nia nee ema sala nain i sei hetan justisa.

1 Tesalonika 5:21

Imi tenki tetu didiak liafuan nee hotu hodi hatene, mai hosi Nai Maromak ka lae. Se loos duni, tenki simu.

2 Tesalonika 2:15

Maun-alin sira, hamriik metin baa, i kaer metin nafatin liafuan sira nebee ami hatoo ona ba imi ka hakerek ona liu hosi surat nee.

1 Timóteo 1:10

Lei nee foo ba ema nebee la iha moral seksual, ba ema nebee halo hahalok homo-seksual, ba sira nebee naok ema ba faan, ba bosok-teen sira, ba ema nebee jura falsu, ho sira nebee halo saida deit mak kontra hanorin nebee loos.

1 Timóteo 1:15

Ita rona ona dehan, “Kristu Jesus mai iha mundu nee hodi salva ema sala nain.” Liafuan nee loos duni; ita tenki simu ho laran tomak. Hosi ema sala nain hotu-hotu, hau mak aat liu.

1 Timóteo 1:19

Fiar metin ba Kristu, i kuidadu o nia aan para sempre halo buat nebee loos. Tanba iha ema balu hatene saida mak loos, maibee lakohi halo tuir. Too ikus, sira fila kotuk ba Maromak.

1 Timóteo 4:9

Liafuan nee loos duni, ita tenki simu ho laran tomak.

1 Timóteo 6:3

Ema balu hanorin buat nebee sala, la haan malu ho Nai Jesus Kristu nia Liafuan nebee loos. Sira nia hanorin la ajuda ema moris tuir Maromak nia hakarak.

2 Timóteo 1:13

Kaer metin hanorin loos nebee o simu ona hosi hau. Fiar ba Jesus nafatin i hadomi ema seluk, tanba o laran ida ona ho Kristu Jesus.

2 Timóteo 2:2

Uluk hau hanorin iha ema barak nia oin, o mos iha. Buat nebee o rona hosi hau nee, o tenki foo tutan ba ema nebee o fiar, para sira mos bele hanorin fali ba ema seluk.

2 Timóteo 2:25

Ema nebee kontra nia, nia tenki koriji ho laran maus, tanba dala ruma Maromak bele halo sira husik sira nia sala, i bele ajuda sira simu lia loos.

2 Timóteo 3:14

Maibee o tenki kaer metin lia loos nebee o aprende tiha ona. O laran metin ona katak buat sira nee loos, i keta haluha ema nebee hanorin lia loos ba o nee.

2 Timóteo 4:3

Tanba sei too iha tempu ida, ema lakoi rona ona hanorin nebee loos. Maibee sira sei tuir deit sira nia hakarak rasik, hodi rona mestri bara-barak nebee hanorin tuir sira nia hakarak.

Tito 1:11

Ema sira hanesan nee, bandu tiha para la bele hanorin tan. Tanba sira halo uma kain barak dook hosi lia loos, i sira so buka manaan osan deit, nebee halo moe deit.

Tito 2:1

Maibee Tito, o la bele hanesan mestri falsu sira. O tenki foo sai lia loos.

Judas 1:3

Maluk doben sira, tuir loloos hau hakarak teb-tebes hakerek ba imi kona ba salvasaun nebee ita hotu simu ona. Maibee agora hau senti katak, hau tenki hakerek fali buat seluk hodi foo hanoin ba imi para imi bele defende fiar hotu nebee Nai Maromak foo dala ida ona ba Nia povu.

Apokalipse 2:25

naran katak imi kaer metin nafatin imi nia fiar too Hau fila fali mai.

Apokalipse 3:11

Hau besik atu mai ona. Nee duni kaer metin imi nia fiar para ema seluk la bele hadau prémiu nebee prepara tiha ona ba imi.

Apokalipse 3:3

Tanba nee hanoin fila fali hanorin nebee mak uluk imi rona no simu ona nee. Imi tenki halo tuir hanorin nee, i hakribit imi nia sala. Se imi dukur nafatin, Hau sei mai derepenti deit hanesan naok-teen, imi sei la hatene bainhira loos mak Hau mai.