Tito 1:8 - Biblia Tetun Dili

⁸ Nia hakarak simu bainaka iha uma ho laran tomak, i gosta halo buat nebee diak. Tenki ema hatene lia, sempre halo loos ka justu, laran moos i domina aan.

Tito 1:8 Iomraidhean Croise

Lucas 2:25

Tempu nee, iha katuas ida naran Simeão hela iha sidade Jerusalém. Nia ema ida ke moris loos i badinas halo tuir Nai Maromak nia hakarak. Nia hein hela Nai Maromak atu salva ema Israel. Nia nakonu ho Maromak nia Espiritu Santu,

Apostolu sira nia Istoria 24:25

Nia mos foo hanoin, halo oinsaa ema bele moris loos, ho domina aan para la bele halo sala. I nia mos koalia kona ba Maromak halo justisa iha loron ikus. Bainhira Félix rona buat sira nee, nia tauk teb-tebes hodi dehan, “Paulo, too iha nee deit ona! Bainhira iha tempu, mak hau sei bolu fali o.”

1 Tesalonika 2:10

Imi hotu sai sasin, nunee mos Nai Maromak, katak bainhira ami sei hamutuk ho imi nebee fiar ba Jesus, ami moris loos, la halo sala, i la iha ema ida bele foo sala mai ami.

1 Timóteo 3:2

Lideransa sarani nian tenki ema diak, povu respeita. Nia tenki moris loos no iha feen ida deit. Nia tenki hatene aan, domina aan, naran diak, simu bainaka iha uma ho laran tomak, i hatene hanorin.

1 Timóteo 4:12

Keta husik ema ida la konsidera o tan deit o foin-sae. O tenki hatudu ezemplu diak ba ema sarani sira, liu hosi o nia koalia, o nia hahalok, o nia domin, o nia fiar ba Jesus Kristu, ho o nia moris loos.

1 Timóteo 6:11

Timóteo, o Nai Maromak nia ema. Nunee, hadook aan hosi buat aat sira nee hotu, i hakaas aan atu moris iha lia loos, tuir Maromak nia hakarak. Hakaas aan hodi fiar nafatin ba Jesus Kristu, hadomi ema seluk, aguenta iha terus laran, i laran maus.

2 Timóteo 2:22

Timóteo, halai sees hosi buat aat nebee foin-sae sira balu gosta halo. Hakaas aan atu moris loos. Fiar nafatin ba Maromak, hadomi sarani sira i haree malu didiak. Ema sira nebee adora Maromak ho laran moos, sempre halo hanesan nee.

2 Timóteo 3:3

Sira la hadomi sira nia família, i lakohi foo perdaun no dame malu. Sira hatete aat ema, la domina aan, gosta halo violensia, i la gosta buat nebee diak.

Tito 2:7

Tito, o tenki halo diak ba ema iha buat hotu-hotu, hodi sai ezemplu diak ba foin-sae sira. Hanorin ho laran; la bele hanorin oin ida, halo oin seluk.

1 João 3:14

Ita hatene katak, uluk ita hanesan mate tiha ona tanba ita haketak aan hosi Maromak, maibee agora ita simu ona moris rohan-laek. Oinsaa ita bele hatene katak ita hetan ona moris rohan-laek? Tanba ita hadomi ita nia maluk nebee iha Kristu. Maibee see mak la hadomi ema seluk, nia hanesan ema mate nafatin.

1 João 5:1

Ema see deit mak fiar katak Jesus mak Kristu, ema nee Nai Maromak nia oan. Se ita hadomi ema ida nebee sai hanesan aman, ita mos hadomi ema nee nia oan.