Tito 1:4 - Biblia Tetun Dili

⁴ Tito, o hanesan hau nia oan rasik, tanba ita nain rua fiar ba Jesus Kristu. Hau hatoo hau nia kumprimentos ba o hodi grasa no paz hosi Aman Maromak no Jesus Kristu ita nia salvador hamutuk ho o.

Tito 1:4 Iomraidhean Croise

Lucas 2:11

Ohin imi nia Salvador moris ona iha liurai David nia moris fatin Belém. Nia mak Kristu, imi nia Nai, Ema nebee Maromak promete ona hori uluk atu haruka mai.

João 4:42

I sira foo hatene ba feto nee dehan, “Horiseik, ami rona o koalia deit. Maibee agora ami fiar ba Nia, tanba ami rasik rona hosi Nia. Ami hatene duni dehan, Ema nee mak salva ita ema sala nain hotu iha mundu nee.”

Roma 1:12

Hau hakarak atu hau nia fiar bele haforsa imi, i imi nia fiar mos bele haforsa hau.

Roma 1:7

Hau haruka surat nee ba imi. Maromak hadomi imi, i hili ona imi sai Nia povu santu. Hau harohan para ita nia Aman Maromak ho mos ita nia Nai Jesus Kristu hatudu Sira nia grasa ba imi, no foo paz ho hakmatek ba imi.

2 Korintu 12:18

Uluk hau husu ba Tito atu baa vizita imi, i haruka mos ita nia maluk sarani ida tan hodi akompanha nia. Durante Tito iha nebaa, nia manobra tiha imi nia osan balu ka? Lae! Ami nain rua nia hanoin ho ami nia hahalok hanesan.

2 Korintu 2:13

Maibee hau nia laran la hakmatek tanba hau la hasoru hau nia maluk sarani Tito iha nebaa. Entaun hau sai hosi Troas hodi baa iha provinsia Masedónia.

2 Korintu 4:13

Iha Livru Sagradu hakerek dehan, “Hau fiar ba Maromak, nee mak hau koalia.” Ami mos nunee. Ami fiar, nee mak ami koalia.

2 Korintu 7:6

Maibee Maromak sempre foo ksolok ba ema nebee laran susar. Nia mos foo ksolok mai ami bainhira Nia haruka Tito mai iha ami.

2 Korintu 8:16

Hau agradese ba Maromak, tanba Nia mak halo Tito hakarak ajuda imi hanesan mos hau hakarak ajuda.

2 Korintu 8:23

Se iha ema ruma husu kona ba Tito, foo hatene katak Tito nee hau nia kolega nebee serbisu hamutuk ho hau hodi ajuda imi. Kona ba maluk nain rua nee, sarani sira iha nee mak haruka, i sira nain rua nia hahalok foti aas Kristu nia naran.

2 Korintu 8:6

Tanba nee ami husu atu Tito baa fali iha Korintu hodi ajuda imi atu imi prepara hotu osan nebee imi atu foo nee. Tanba uluk nia mak foo dalan ba imi atu halao karidade ida nee.

Galasia 2:3

Lideransa sira simu hau nia liafuan ho diak. Sira simu mos Tito. Maski nia ema Gregu, laos ema Judeu, maibee sira la obriga nia sunat.

Galasia 3:26

Agora imi hotu-hotu sai ona Nai Maromak nia oan, tanba imi fiar ba Kristu Jesus.

Galasia 3:28

Imi hotu-hotu nebee fiar ba Kristu Jesus sai ona ida ho Nia. Nunee, atu imi ema Judeu ka laos ema Judeu, atan ka ema livre, mane ka feto, imi hotu ida deit iha Kristu Jesus.

Efezu 1:2

Hau harohan ba ita nia Aman Maromak ho Nai Jesus Kristu, para hatudu Sira nia grasa ba imi, i foo paz ho hakmatek ba imi.

Kolose 1:2

haruka surat nee ba maluk sarani sira iha sidade Kolose. Imi Maromak nia povu santu, i tuir Kristu ho laran tomak. Ami harohan ba ita nia Aman Maromak para hatudu Nia grasa ba imi, i foo paz ho hakmatek ba imi.

1 Timóteo 1:12

Hau agradese ba Kristu Jesus ita nia Nai, tanba Nia foo fiar ho forsa mai hau i foti hau hodi halao Nia serbisu.

2 Timóteo 1:1

Timóteo nebee diak. Kumprimentus hosi hau, Paulo. Nai Maromak hili ona hau sai Kristu Jesus nia apostolu, i haruka hau baa foo sai kona ba moris rohan laek. Nia promete atu foo moris nee ba ema nebee fiar ba Kristu Jesus.

2 Timóteo 1:2

Timóteo, o hanesan hau nia oan rasik, nebee hau hadomi. Grasa no domin hosi Aman Maromak no Kristu Jesus ita nia Nai, foo paz ba o.

2 Timóteo 4:10

Tan Demas husik tiha ona hau hodi baa iha sidade Tesalónika, tanba hadomi liu buat mundu nian. Kresente baa tiha ona provinsia Galasia, i Tito mos baa tiha ona rai Dalmásia.

Tito 1:3

Too ona tempu nebee Nai Maromak desidi, Nia foo sai dehan, Nia hakarak salva ema sala nain sira para moris hamutuk ho Nia. Nunee Nia mos foo orden mai hau atu baa foo sai Novidade Diak nee.

Tito 2:13

Agora ita hein hela ho laran metin Jesus Kristu atu fila fali mai ho naroman nabilan. Jesus mak ita nia Maromak Forsa teb-tebes, nebee salva ita.

2 Pedro 1:1

Surat nee hosi hau, Simão Pedro, nudar Jesus Kristu nia atan ho mos Nia apostolu. Hau hakerek surat nee ba imi nebee simu tiha ona fiar ida ke folin boot, hanesan mos ami. Imi simu fiar nee tanba Jesus Kristu sempre halo buat nebee mak loos. Nia mak ita nia Maromak ho ita nia Salvador.

2 Pedro 1:11

i aban-bainrua Nai Maromak sei simu imi ho laran tomak hodi tama iha Jesus Kristu nia reinu. Jesus Kristu mak ita nia Nai no ita nia Salvador, i Nia ukun la hotu la remata.

2 Pedro 2:20

Ema nebee konhese ona Nai Jesus Kristu ita nia Salvador, nia husik tiha ona buat aat iha mundu nee. Maibee se nia monu fali ba hahalok aat too hahalok nee ukun fali nia, entaun too ikus nia moris aat liu fali uluk nian.

2 Pedro 3:18

Hakaas aan para loron ba loron konhese diak liu Nai Jesus Kristu ita nia Salvador, i hatene liu tan Nia laran diak. Mai ita foti aas Nia naran agora i too tinan ba tinan. Amen.

2 Pedro 3:2

Hau hakarak atu imi hanoin nafatin Maromak nia liafuan sira nebee profeta sira uluk hatoo ona ba imi. Imi tenki hanoin mos hanorin nebee ita nia Salvador Nai Jesus foo ba imi liu hosi Nia apostolu sira.

1 João 5:14

Tanba nee mak ita iha korajen atu harohan ba Nai Maromak, tanba ita laran metin katak ita husu buat ruma tuir Nia hakarak, Nia sempre rona.

Judas 1:3

Maluk doben sira, tuir loloos hau hakarak teb-tebes hakerek ba imi kona ba salvasaun nebee ita hotu simu ona. Maibee agora hau senti katak, hau tenki hakerek fali buat seluk hodi foo hanoin ba imi para imi bele defende fiar hotu nebee Nai Maromak foo dala ida ona ba Nia povu.