Tito 1:3 - Biblia Tetun Dili

³ Too ona tempu nebee Nai Maromak desidi, Nia foo sai dehan, Nia hakarak salva ema sala nain sira para moris hamutuk ho Nia. Nunee Nia mos foo orden mai hau atu baa foo sai Novidade Diak nee.

Tito 1:3 Iomraidhean Croise

Marcos 1:15

Iha nebaa Nia hatete dehan, “Rona mai! Agora tempu too ona. Ema hotu-hotu bele hatene katak Maromak nia reinu mai ona. Tanba nee, imi tenki husik ona imi nia sala, no fiar ba Nia Novidade Diak.”

Marcos 13:10

Tanba Maromak Nia ema sira tenki baa foo sai uluk Hau nia Novidade Diak ba iha suku hotu-hotu iha mundu nee, foin mundu nee remata.

Marcos 16:15

Nee duni, imi tenki baa iha mundu tomak, i foo sai Hau nia Novidade Diak nee ba ema hotu-hotu.

Lucas 1:47

Hau nia laran haksolok, tanba Maromak hau nia Salvador.

Apostolu sira nia Istoria 10:36

Imi hatene novidade nebee mak Nai Maromak foo sai ona ba ami ema Israel. Novidade Diak nee katak Nia haruka ona Jesus Kristu mai, hodi halo dame ema ho Nai Maromak. I Nia mak ema hotu-hotu nia Nai.

Apostolu sira nia Istoria 17:26

Hosi ema ida, Nia halo nasaun hotu-hotu iha mundu tomak. Nia haketak nasaun sira, ida-idak ho nia rain. Nia desidi antes tiha ona, tempu nebee mak nasaun ida-idak atu sai boot, ka atu monu.

Roma 15:19

ho sinal ho milagre bo-boot nebee mak hau halo ho Maromak nia Espiritu nia kbiit. Hau foo sai tiha ona Novidade Diak kona ba Kristu hosi Jerusalém too iha provinsia Ilíriku, hau nia serbisu iha rai nee hotu ona.

Roma 16:25

Hahii ba Nai Maromak! Nia mak iha kbiit hodi halo ita sai forti, liu hosi Novidade Diak nebee hau foo sai ona kona ba Jesus Kristu. Hori uluk liu, ema la hatene Maromak nia planu kona ba Kristu, tanba sei segredu hela.

Roma 16:26

Maibee agora Maromak Rohan-Laek hatudu sai ona planu nee ba ita ema. Fofoun Nia haruka Nia profeta sira hakerek Nia planu segredu nee iha Livru Sagradu. Agora Nia haruka ami foo sai iha nebee-nebee deit, atu ema hosi nasaun hotu-hotu bele fiar ba Nia i halo tuir Nia hakarak.

Roma 5:6

Iha tempu nebee mak ita nia fiar sei fraku i la iha kbiit atu salva aan, iha tempu nee mak Kristu mate iha ita nia fatin tuir tempu nebee Maromak desidi.

1 Korintu 9:17

Se hau rasik mak hakarak foo sai Novidade Diak nee, entaun hau bele hein atu simu hau nia direitu. Maibee Maromak mak foo fiar mai hau atu halao serbisu nee. Nunee hau la hein atu simu buat ida, tanba hau halo tuir deit buat nebee mak Nia foo mai hau.

Galasia 4:4

Maibee too nia tempu, Nai Maromak haruka Nia Oan mai. Iha feto ida mak tuur ahi Maromak nia Oan nee, i nia Oan moris tuir lei relijiaun Judeu nian.

Efezu 1:10

Nia planu mak nee: bainhira too ona nia tempu, Maromak sei halo buat hotu-hotu iha lalehan ho iha rai hamutuk ida deit, i Kristu mak sei ukun hotu-hotu.

Efezu 2:17

Kristu mai iha mundu hodi foo sai kona ba dame. Nia foo sai nunee ba imi nebee uluk dook hosi Maromak, ho mos ba ami ema Judeu nebee besik Nia.

Filipi 1:13

Seguransa sira iha palasiu sira nian ho ema sira seluk iha nee mos hatene dehan, hau dadur hela tanba serbii Jesus Kristu.

Kolose 1:23

Naran katak imi hamriik metin hodi fiar nafatin. Keta nakdoko, maibee laran metin nafatin katak Maromak halo tuir duni buat nebee Nia promete ona iha Nia Novidade Diak. Novidade Diak nee, ema foo sai ona iha fatin-fatin deit iha mundu nee. I hau, Paulo, mos simu knaar para foo sai Novidade nee.

Kolose 1:6

i buras ba bebeik hodi muda ema nia moris iha fatin bara-barak. Nunee mos muda imi nia moris, komesa hosi loron primeiru imi rona Novidade Diak nee hodi komprende loloos Nai Maromak nia grasa.

1 Tesalonika 2:4

Nai Maromak konsidera ami serve hodi hatoo Novidade Diak ba imi. Ami laos atu halo kontenti ema nia laran, maibee atu halo kontenti Nai Maromak, tan Nia mak hatene ami nia laran.

1 Timóteo 1:1

Timóteo nebee diak. Kumprimentus hosi hau, Paulo, Kristu Jesus nia apostolu. Nai Maromak ho Kristu Jesus mak foti hau. I Kristu Jesus halo ita laran metin katak Nai Maromak salva ona ita.

1 Timóteo 1:11

Hanorin loos nee mai hosi Nai Maromak nia Novidade Diak, nebee Nia entrega mai hau. Nai Maromak nee diak no boot teb-tebes.

1 Timóteo 2:3

Orasaun hanesan nee diak. Nee halo haksolok Nai Maromak, nebee salva ita.

1 Timóteo 4:10

Ita serbisu makaas i hakaas aan liu tan, tanba ita laran metin ba Nai Maromak nebee moris. Nia mak salvador ba ema hotu-hotu, liu-liu ba ita nebee fiar ba Jesus.

2 Timóteo 4:17

Bele nunee mos, Nai Jesus hamriik iha hau nia sorin hodi foo forsa mai hau, para hau bele foo sai Novidade Diak hotu. Nunee sira nebee laos ema Judeu mos bele rona. I Maromak mos hasai hau hosi liaun nia ibun.

Tito 2:10

i la bele naok nia sasaan. Maibee sira tenki onestu no foo laran ba sira nia patraun. Ho nunee ema seluk nebee haree atan sira nia moris nee, sei foo valor ba ita nia hanorin kona ba Nai Maromak, ita nia Salvador.

Tito 2:13

Agora ita hein hela ho laran metin Jesus Kristu atu fila fali mai ho naroman nabilan. Jesus mak ita nia Maromak Forsa teb-tebes, nebee salva ita.

Apokalipse 14:16

Entaun Ema nebee tuur iha kalohan leten nee, ho Nia tudik kroat koa hare hotu-hotu iha mundu.