Tito 1:2 - Biblia Tetun Dili

² Nunee, sira bele laran metin ba moris rohan laek nebee Nai Maromak promete nanis ona, molok Nia halo mundu nee, i Nia nunka bosok.

Tito 1:2 Iomraidhean Croise

Mateus 25:34

Nudar Liurai, Hau sei hatete ba ema sira nebee iha Hau nia sorin loos nee dehan, ‘Imi sira nebee mak Hau nia Aman foo bensaun, mai tama ona ba imi nia fatin iha reinu lalehan. Fatin nee prepara nanis tiha ona ba imi bainhira Maromak halo mundu nee.

Mateus 25:46

I ema sira nee sei tama ba iha fatin terus rohan laek. Maibee ema nebee moris loos sei hetan moris rohan-laek.”

Marcos 10:17

Bainhira Jesus atu sai ona, ema riku ida halai mai hasoru Jesus. Nia hakneak iha Jesus nia oin, hodi husu, “Mestri mak hau respeita, Ita Boot mak diak. Hau atu husu buat ida nunee: Hau tenki halo saida, para hau bele hatene loloos katak hau bele tama lalehan i moris hamutuk ho Nai Maromak?”

João 10:28

Hau foo moris rohan laek ba sira, no Maromak la soe lakon sira. La iha ema ida bele hadau sira hosi Hau nia liman.

João 17:24

Aman, Hau hakarak para ema hotu nebee Aman foo ona mai Hau, hamutuk ho Hau. Tan Hau hakarak atu sira haree Hau nia Aman foti aas Hau. Aman hadomi ona Hau, molok Ita halo mundu nee.

João 5:39

Imi gosta estuda didiak Eskritura Sagrada, tanba imi hanoin hosi nebaa imi sei hetan moris rohan laek. Afinal Liafuan sira nee foo hatene kona ba Hau.

João 6:54

Tanba ema nebee haan Hau nia isin, no hemu Hau nia raan simu ona moris loloos nebee rohan laek. I bainhira mundu nee remata, Hau sei halo moris fali nia.

João 6:68

Maibee Simão Pedro hataan, “Senhor! Ami atu baa tan iha see? La iha ema seluk mak bele foo hatene mai ami oinsaa ami bele hetan moris rohan laek nee. So Ita Boot mesak deit!

Roma 1:2

Novidade Diak nee hori uluk kedas Maromak promete tiha ona liu hosi Nia profeta sira, i sira hakerek iha Livru Sagradu.

Roma 16:25

Hahii ba Nai Maromak! Nia mak iha kbiit hodi halo ita sai forti, liu hosi Novidade Diak nebee hau foo sai ona kona ba Jesus Kristu. Hori uluk liu, ema la hatene Maromak nia planu kona ba Kristu, tanba sei segredu hela.

Roma 2:7

Maromak sei foo moris rohan-laek ba ema nebee badinas halo buat diak bebeik, atu nunee, Maromak respeita i foti aas sira nia naran.

Roma 5:2

Kristu mos halo ita hatene Maromak nia grasa iha ita nia moris agora, tanba ita fiar. Ita nia laran mos haksolok, tanba ita laran metin katak, aban-banrua Maromak sei foti ita hodi senti Nia naroman nabilan.

Roma 5:21

Bainhira sala domina ema hotu-hotu, konsekuensia mak lori sira ba mate. Maibee agora Maromak nia grasa domina ita, too Maromak mos simu fali ita, i lori ita ba moris rohan-laek liu hosi ita nia Nai Jesus Kristu.

Roma 5:4

Se ita aguenta iha terus laran, nee halo ita nia laran metin liu tan. Ita nia laran metin nee halo ita fiar nafatin ba Maromak nia promesa.

Roma 6:23

Tanba konsekuensia ba ema nebee moris iha sala mak mate. Maibee moris rohan laek, Maromak foo gratis deit ba ema nebee fiar iha Kristu Jesus, ita nia Nai.

Kolose 1:27

Nia desidi atu hatudu ba sira katak, Nia planu ba imi nebee laos Judeu mos kapaas i boot teb-tebes. Nia planu mak nee: Kristu hela iha imi nia laran. Tanba nee mak imi laran metin katak, aban-bainrua imi sei haksolok ho Maromak nia naroman nabilan iha lalehan.

1 Tesalonika 2:15

Ema Judeu balu uluk oho tiha Nai Maromak nia profeta balu nebee foo tutan Nia Lia Tatoli. Sira mos oho Nai Jesus. Agora sira buka dalan atu duni sai tan ami. Sira inimigu ba ema hotu, i Nai Maromak la gosta liu sira.

1 Tesalonika 5:8

Maibee ita la bele nunee. Ita moris iha naroman laran, nee duni, ita tenki matan moris neon nain, fiar nafatin ba Jesus i hadomi malu. Fiar ho domin nee hanesan besi belar nebee tropas sira uza hodi taka sira nia hirus matan iha funu laran. Ita mos tenki laran metin nafatin katak Nai Jesus salva ona ita. Nee hanesan kapaseti nebee tropas sira taka ba ulun.

1 Timóteo 6:12

Luta para fiar metin ba Maromak i sempre halo tuir Nia Liafuan. Agora kaer metin o nia fiar no simu moris rohan laek, nebee Maromak hili o no o deklara iha ema barak nia oin ona.

1 Timóteo 6:19

Nunee sira nia hahalok diak nee sai hanesan rikusoin iha loron ikus, para sira bele hetan moris loloos, nebee rohan laek.

2 Timóteo 1:1

Timóteo nebee diak. Kumprimentus hosi hau, Paulo. Nai Maromak hili ona hau sai Kristu Jesus nia apostolu, i haruka hau baa foo sai kona ba moris rohan laek. Nia promete atu foo moris nee ba ema nebee fiar ba Kristu Jesus.

2 Timóteo 1:9

Nai Maromak mak salva ona ita, i bolu ona ita sai Nia ema para ita moris ho laran moos. Nia halo hanesan nee, laos tanba ita hatudu hahalok diak ruma. Maibee, Nia salva i bolu ita tuir Nia planu rasik, tanba Nia hakarak hatudu Nia grasa mai ita. Molok Nai Maromak halo mundu nee, Nia desidi ona atu haruka Kristu Jesus mai, para hatudu Nia grasa mai ita.

2 Timóteo 2:10

Tanba nee hau prontu simu terus hotu-hotu, para ema sira nebee Maromak hili ona bele fiar ba Kristu Jesus i hetan salvasaun. I Nai Maromak sei foti aas sira too tinan ba tinan.

2 Timóteo 2:13

Maski ita la foo laran ba Kristu, maibee Nia foo laran nafatin mai ita. Tanba Nia mak hanesan nee duni.”

2 Timóteo 2:15

Hakaas aan serbisu didiak, para Nai Maromak bele rekonhese o nudar Nia atan diak ida. I hatene hanorin loloos Nai Maromak nia liafuan nebee loos. Nunee o sei la moe, tanba o serbisu ho diak.

Tito 2:13

Agora ita hein hela ho laran metin Jesus Kristu atu fila fali mai ho naroman nabilan. Jesus mak ita nia Maromak Forsa teb-tebes, nebee salva ita.

Tito 2:7

Tito, o tenki halo diak ba ema iha buat hotu-hotu, hodi sai ezemplu diak ba foin-sae sira. Hanorin ho laran; la bele hanorin oin ida, halo oin seluk.

Tito 3:7

Tanba Jesus nia grasa, mak Nia deklara dehan, “Ema nee moris loos ona”. Nunee ita sai Nia oan no hetan direitu hodi simu moris rohan laek. Ida nee mak ita nia rikusoin.

1 João 2:25

I Maromak promete ba ita katak ita sei hetan moris rohan-laek.

1 João 5:20

Ita hatene katak Maromak nia Oan mai ona, i Nia loke ona ita nia neon para ita bele konhese Ida nebee mak loos. Ita laran ida ona ho Ida nebee mak loos, ita mos laran ida ho Nia Oan Jesus Kristu. Nia mak Maromak loloos, i Nia mak moris rohan-laek.

Judas 1:21

Imi hein hela ita nia Nai Jesus Kristu atu hatudu Nia laran diak ba imi hodi lori imi ba moris rohan-laek. Durante imi hein, keta husik Maromak nia domin.

Apokalipse 13:8

Ema hotu-hotu iha mundu nee sei adora animal siak nee. So ema nebee naran hakerek ona iha lista nebee hakerek iha Livru ema moris rohan-laek nian mak la adora animal nee. Livru nee Maromak hakerek nanis ona molok Nia halo mundu. Livru nee Bibi Oan nian, Ida nebee mak ema oho.

Apokalipse 17:8

Animal siak nee uluk moris iha mundu, maibee agora la iha tiha ona. Aban-bainrua nia sei mosu fali mai hosi rai kuak klean nakukun. Bainhira nia mosu fali mai, ema hotu-hotu iha mundu nebee naran la tau iha lista ema moris rohan-laek nian molok Maromak halo mundu nee, sira sei admira haree animal siak nee. Tanba animal siak nee uluk moris, depois la iha tiha ona, maibee too ikus mosu fali. Maski nunee Maromak sei halo rahun tiha nia.