Tito 1:16 - Biblia Tetun Dili

¹⁶ Mestri falsu sira nee dehan sira konhese Maromak, maibee sira nia hahalok hatudu katak sira la konhese Nia. Sira koalia oin ida, hahalok oin seluk. Ema sira nee hahalok aat. Sira lakohi halo tuir Nai Maromak nia hakarak, i sira la iha kapasidade hodi halo buat diak ida.

Tito 1:16 Iomraidhean Croise

Roma 1:28

Ema sira nee despreza atu konhese kona ba Maromak. Nee mak Maromak husik tiha liman para sira hanoin mak buat aat deit, i halo buat nebee tuir loloos la bele halo.

Efezu 5:6

Karik ema ruma bosok imi dehan sala sira nee la iha buat ida, keta fiar. Tanba hahalok aat sira nee halo Maromak hirus teb-tebes hodi kastigu ema nebee la tuir Nia hakarak.

1 Timóteo 1:9

Lei nee laos hakerek foo ba ema nebee moris loos. Maibee foo ba ema sira nebee kontra lei, moris kontra Maromak, fila kotuk ba Maromak, moris iha sala laran, la tuir Maromak nia hakarak, la respeita Maromak, i oho-door ema too oho sira nia inan-aman rasik.

1 Timóteo 5:8

Maibee see mak la tau matan ba nia familia rasik, liu-liu nia familia uma laran, nee hatudu katak nia husik ona nia fiar ba Nai Maromak. Nia aat liu fali ema nebee la fiar ba Kristu.

2 Timóteo 3:17

Nunee Nai Maromak halo kompletu Nia ema hodi halo buat hotu-hotu nebee diak.

Tito 3:1

Foo hanoin fali ba sarani sira para halo tuir estadu nia lei sira no ema nebee kaer ukun, i sempre prontu atu halo serbisu ho diak.

Tito 3:3

Tanba uluk, bainhira ita seidauk konhese Nai Jesus, ita beik-teen hela no moris iha sala nia laran. Ita lakohi rona Nai Maromak, lao sala dalan i hakarak halo aat saida deit. Ita nia moris nakonu ho hanoin aat, laran moras ema, i odi malu.

1 João 2:4

Se karik ema ruma dehan, “Hau konhese Nai Maromak,” maibee la halo tuir Maromak ukun-fuan, ema nee bosok-teen, i lia loos la iha nia.

Judas 1:4

Tanba iha ona ema balu tama sub-subar iha imi nia leet. Sira nee uza sala Nai Maromak Nia grasa. Sira dehan, tanba Maromak nee laran diak, entaun ita bele halo sala saida deit konformi ita nia hakarak. Sira mos nega Jesus Kristu, afinal Nia mak ita nia Liurai ho ita nia Nai. Iha Livru Sagradu hakerek tiha ona katak ema sira nee sei hetan kastigu.

Apokalipse 21:27

Maibee buat aat ida mos la bele tama iha nebaa. Ema nebee halo sala foer ka adora fali lulik, ho ema bosok-teen, sira hotu la bele tama. So ema sira nebee nia naran hakerek tiha ona iha Bibi Oan nia livru mak bele tama iha sidade nee.

Apokalipse 21:8

Maibee sira nebee hakiduk tanba tauk, sira nebee la fiar, ema nebee hanoin no halo sala foer oi-oin, oho-door, ema nebee halo relasaun seksual ho ema nebee laos nia feen ka laen, ema matandook no ema nebee kaer ai kulit aat, sira nebee adora lulik, ema bosok-teen, sira nee hotu-hotu Hau sei soe tama ba iha ahi lakan boot nia laran. Ida nee mak mate ba dala rua.”