Tito 1:11 - Biblia Tetun Dili

¹¹ Ema sira hanesan nee, bandu tiha para la bele hanorin tan. Tanba sira halo uma kain barak dook hosi lia loos, i sira so buka manaan osan deit, nebee halo moe deit.

Tito 1:11 Iomraidhean Croise

Mateus 23:13

Depois Jesus hatete ba nai ulun relijiaun Judeu sira dehan, “Imi mestri relijiaun sira ho ema Farizeu sira, imi sei hetan susar. Imi koalia oin ida, hahalok oin seluk. Imi rasik lakohi tama Maromak nia reinu. Se iha ema seluk hakarak tama mos, imi taka odamatan ba sira, atu sira la bele tama.

Lucas 20:40

Hotu tiha ema ida la brani husu tan pergunta ba Jesus.

João 10:12

Maibee ema nebee laos bibi atan duni, bainhira nia haree asu fuik siak ida mai, nia halai lakon no husik hela bibi sira iha nebaa. Asu fuik siak tata bibi ida no bibi sira seluk halai namkari.

Roma 3:19

Entaun, ita hatene katak, liafuan hotu-hotu nebee hakerek iha Maromak nia lei hatudu ba sira nebee moris iha lei nia okos. Maromak foo lei nee para ema ida la bele defende aan dehan nia moris loos. Aban-bainrua ema hotu-hotu iha mundu tenki hataan iha Maromak nia oin.

2 Korintu 11:10

Kristu nia lia loos iha hau. Nee duni, la iha ema ida iha provinsia Akaia bele kontra fali hau nia liafuan nee.

1 Timóteo 5:13

Feto faluk foin-sae sira bele mos sai baruk-teen, hodi tama uma sai uma. Laos nee deit, sira mos bele konta ema nia vida, mete ema nia problema, i koalia buat nebee la serve atu koalia.

1 Timóteo 6:5

Sira so hatene mak istori malu deit. Sira nia hanoin la loos ona, i sira la hatene ona saida mak loos. Sira hanoin dehan, hanorin kona ba Maromak bele halo sira sai riku.

2 Timóteo 2:18

Sira nain rua hanorin dehan, ema sira nebee mate, moris fali ona. Nunee sira sees ona hosi lia loos, i estraga ema balu nia fiar.

2 Timóteo 3:6

Sira balu finji baa tama iha ema nia uma. Too iha uma laran, sira bosok feto balu nebee monu lalais ba lia falsu. Feto sira nee laran la hakmatek tanba sira halo sala barak ona, i sira sempre halo tuir sira nia hakarak aat oi-oin.

Tito 1:7

Tanba nudar presbiteru nebee toma konta Maromak nia serbisu maka nia tenki moris loos para ema la hatudu liman ba nia. La bele foti aan. La bele hirus-door, lanu-teen, baku-door, i la onestu ho osan.

Tito 1:9

Nia tenki kaer metin Nai Maromak nia liafuan nebee loos, tuir uluk ita hanorin ona ba nia. Nunee nia bele hanorin tutan lia loos ba ema seluk i tulun ema hodi halo tuir Maromak nia hakarak, i koriji ema nebee hanorin kontra lia loos.

Tito 3:10

Se iha ema ruma nebee hanorin la hanesan Maromak nia liafuan nebee halo sarani sira fahe malu, foo hanoin makaas ba nia too dala rua. Se nia halo nafatin nunee, husik tiha nia.