Tito 1:10 - Biblia Tetun Dili

¹⁰ Tanba iha ona ema barak kontra hanorin nebee loos, liu-liu ema Judeu nebee tuir ona Kristu maibee dehan, atu hetan salvasaun, tenki sunat. Sira koalia nar-naran deit hodi bosok ema.

Tito 1:10 Iomraidhean Croise

Mateus 23:14

[Imi mestri relijiaun sira ho ema Farizeu sira, imi sei hetan susar. Imi koalia oin ida, hahalok oin seluk. Imi gosta haan-matak feto faluk sira hodi hadau sira nia uma, i finji harohan nar-naruk para taka falta imi nia hahalok aat. Nee duni Maromak sei kastigu imi todan liu fali ema seluk.]

Apostolu sira nia Istoria 11:2

Bainhira Pedro baa too iha Jerusalém, iha ema sarani balu nebee sei kaer nafatin lisan sunat Judeu nian, foo sala ba nia,

Apostolu sira nia Istoria 15:1

Bainhira Paulo ho Barnabé sei iha Antiokia, ema sarani Judeu balu too mai hosi Judeia. Sira hanorin sarani sira dehan, “Se imi hakarak hetan salvasaun, imi tenki sunat, tuir lisan nebee Nai Maromak foo ona ba profeta Moisés.”

Apostolu sira nia Istoria 15:24

Ami rona dehan, iha ema balu hosi Jerusalém baa hanorin imi ho doutrina nebee la loos. Ida nee halo imi nia laran susar ho laran rurua kona ba salvasaun. Sira nee laos ami mak haruka baa.

Apostolu sira nia Istoria 20:29

Hau atu baa ona. Depois mestri falsu sei mai hanesan asu siak iha imi nia klaran hodi buka atu halo imi sees aan hosi Nai Jesus nia Dalan.

Galasia 2:4

Maibee iha tempu nee, iha sarani balu la konkorda tanba sira nia hanorin oin seluk. Ema sira nee finju fiar ba Jesus hodi tama iha sarani sira nia leet. Sira nee obriga kristaun sira nebee laos Judeu hodi halo tuir ema Judeu nia lei relijiaun hotu. Afinal, Jesus Kristu foo ona liberdade mai ita. Nee mak ita la moris tan tuir regra sira nee, hanesan atan ba lei relijiaun Judeu.

Galasia 3:1

Imi ema Galasia, imi beik-teen liu! See mak bosok imi sai tiha nunee? Uluk hau foo hatene momoos tiha ona ba imi kona ba Jesus Kristu nia mate iha krus.

Efezu 4:14

Entaun, ita nia fiar la nakdoko ona hanesan laloran nebee anin huu ba-mai. Ema bosok-teen mai inventa tuun-sae hanorin nebee la loos, ita la tuir, ita la monu ba sira nia lia falsu.

1 Timóteo 1:4

Ema sira nee lakon tempu konta ai-knanoik nebee la iha folin, i dada lia kona ba bei-ala sira ka ita nia huun. Buat sira nee so halo ema istori malu deit, i la ajuda ema fiar ba Maromak para sira bele halo tuir Nia hakarak.

1 Timóteo 1:6

Maibee iha mestri balu husik tiha ona buat sira nee, hodi koalia fali buat nebee la loos no la iha folin.

1 Timóteo 1:9

Lei nee laos hakerek foo ba ema nebee moris loos. Maibee foo ba ema sira nebee kontra lei, moris kontra Maromak, fila kotuk ba Maromak, moris iha sala laran, la tuir Maromak nia hakarak, la respeita Maromak, i oho-door ema too oho sira nia inan-aman rasik.

2 Timóteo 3:13

Maibee ema aat ho ema bosok-teen sira sei sai aat ba bebeik. Sira bosok halo ema barak monu, afinal ema mos bosok sira.

2 Timóteo 4:4

Sira sei taka tilun ba ema nebee hanorin lia loos. Maibee sira see tilun fali hodi rona ai-knanoik nebee la iha folin.

Tito 1:6

Ema nebee atu sai presbiteru tenki tuir kriteria hanesan tuir mai nee: La iha ema ida hatudu lima ba nia moris. Nia tenki feen ida deit no foo laran ba nia. Nia oan sira mos tenki fiar ba Jesus Kristu. Sira tenki rona ba inan-aman no la bele moris arbiru hanesan ema nakar-teen.

Tiago 1:26

Se imi dehan imi badinas tuir Maromak, maibee la kuidadu ho imi nia ibun, imi bosok imi nia aan rasik. Tuir Maromak hanesan nee la iha folin.

1 João 2:18

Oan doben sira, mundu nee besik remata ona. Uluk ami hatete tiha ona ba imi katak ema ida sei mai kontra Kristu, i agora dadauk ema barak mosu tiha ona hodi kontra Kristu. Tanba nee mak ita hatene katak mundu besik remata ona.

1 João 2:4

Se karik ema ruma dehan, “Hau konhese Nai Maromak,” maibee la halo tuir Maromak ukun-fuan, ema nee bosok-teen, i lia loos la iha nia.

1 João 4:1

Maluk doben sira, se ema ruma mai dehan, nia iha Nai Maromak nia Espiritu, keta tuir lai. Imi tenki koko uluk para hatene, espiritu nebee sira iha nee mai duni hosi Nai Maromak ka lae. Tanba iha mundu nee iha profeta falsu barak ona.

Apokalipse 2:14

Maibee iha buat balu mak Hau la simu: Imi balu tuir fali Balaão nia hanorin. Uluk Balaão hanorin ema ida naran Balak para lohi ema Israel monu ba sala. Nunee sira haan fali hahaan nebee mak ema oferese ona ba estatua lulik, i sira mos halo relasaun seksual ho ema nebee laos sira nia feen ka laen.

Apokalipse 2:6

Maski nunee, imi mos halo buat diak ida: imi la simu Nikolau nia ema sira nia hahalok, Hau mos la simu.