Tito 1:1 - Biblia Tetun Dili

¹ Tito mak hau hadomi. Surat nee hosi hau, Paulo, Nai Maromak nia atan ho Jesus Kristu nia apostolu. Nai Maromak haruka hau tau matan ba ema sira nebee Nia hili ona hodi sai Nia povu, para sira bele fiar metin liu tan ba Nia. Maromak mos haruka hau hanorin lia loos ba sira atu sira hatene moris tuir Nia hakarak.

Tito 1:1 Iomraidhean Croise

Lucas 18:7

Too ikus, nia tulun duni feto faluk nee. Saa tan Nai Maromak! Ema nebee Maromak hili ona, sira loron-kalan harohan husu tulun ba Nia. Nia sei tesi sira nia lia ho loloos, i sei la demora.

Apostolu sira nia Istoria 13:48

Bainhira ema sira nebee laos Judeu rona nunee, sira kontenti teb-tebes. Sira hahii Nai Maromak dehan, “Maromak nia Novidade diak teb-tebes!” I ema sira nebee mak Nai Maromak desidi ona para hetan moris rohan laek, sira hotu fiar ba Nai Jesus.

Roma 1:1

Surat nee hosi hau, Paulo. Hau Kristu Jesus nia atan. Maromak mak hili hau sai Jesus nia apostolu no haketak hau hodi foo sai Nia Novidade Diak.

2 Korintu 1:1

Surat nee hosi hau, Paulo, hamutuk ho ita nia maluk sarani Timóteo. Maromak foti hau sai Kristu Jesus nia apostolu. Ami haruka surat nee ba imi, Maromak nia povu santu iha sidade Korintu ho mos sarani sira hotu iha provinsia Akaia.

Efezu 2:8

Nai Maromak salva imi liu hosi Nia grasa deit, bainhira imi fiar ba Kristu. Nia halo nunee, laos tanba imi merese. Salvasaun nee, Maromak mak foo deit,

Filipi 1:1

Surat nee hosi Paulo ho Timóteo, Kristu Jesus nia atan. Ami haruka surat nee ba Maromak nia povu santu iha sidade Filipi nebee laran ida ho Jesus Kristu, ba presbiteru sira, ho mos ba diakonu sira.

Kolose 2:2

Hau hakaas aan nunee atu hametin imi hotu nia laran para imi hadomi malu ho neon ida laran ida. Ho nunee imi bele komprende loloos Maromak nia planu nebee uluk segredu hela, i bele laran metin katak planu nee loos duni. Maromak nia segredu mak nee: Kristu rasik.

1 Timóteo 2:4

Nia hakarak atu ema hotu-hotu hetan salvasaun, i komprende lia loos.

1 Timóteo 3:16

Segredu nebee Maromak foo sai ona mai ita kona ba Jesus Kristu, diak teb-tebes. Segredu nee mak nee: Jesus Kristu fila aan sai ema. Maromak nia Espiritu hatudu katak, Jesus nee loos duni. Maromak nia anju sira mos haree Nia. Ema foo sai kona ba Nia too iha nasaun-nasaun. Iha mundu tomak, ema fiar ona ba Nia. Nai Maromak hasae ona Nia ba lalehan hodi foti aas Nia naran.

1 Timóteo 6:3

Ema balu hanorin buat nebee sala, la haan malu ho Nai Jesus Kristu nia Liafuan nebee loos. Sira nia hanorin la ajuda ema moris tuir Maromak nia hakarak.

2 Timóteo 2:10

Tanba nee hau prontu simu terus hotu-hotu, para ema sira nebee Maromak hili ona bele fiar ba Kristu Jesus i hetan salvasaun. I Nai Maromak sei foti aas sira too tinan ba tinan.

2 Timóteo 2:23

Bainhira ema diskuti malu kona ba buat nebee la iha folin, o lalika tama iha laran. Tan so halo ema istori malu deit.

2 Timóteo 2:25

Ema nebee kontra nia, nia tenki koriji ho laran maus, tanba dala ruma Maromak bele halo sira husik sira nia sala, i bele ajuda sira simu lia loos.

Tiago 1:1

Hau Tiago, Nai Maromak ho Nai Jesus Kristu nia atan. Kumprimentus ba imi ema Judeu sira nebee tuir Nai Jesus nebee namkari iha fatin-fatin.

2 Pedro 1:3

Ita konhese ona Nai Maromak. Tanba nee, hosi Nia kbiit rasik Nia foo mai ita saida deit mak ita presiza atu ita bele moris loos tuir Nia hakarak. Nia mos bolu ona ita sai Nia ema, tanba Nia mak Maromak forsa teb-tebes i diak duni.

2 Pedro 3:11

Se buat hotu-hotu sei rahun tiha nunee, entaun imi tenki moris oinsaa? Imi tenki moris ho laran moos hodi tuir Maromak nia hakarak,

1 João 2:23

Ema nebee nega Maromak nia Oan, nia la bele sai laran ida ho Aman Maromak. Maibee ema nebee rekonhese Maromak nia Oan, nia sai laran ida ho Nia Aman.

Apokalipse 1:1

Iha livru nee hakerek kona ba buat nebee mak la kleur tan sei akontese. Nai Maromak foo hatene ona buat sira nee ba Jesus Kristu para foo sai ba ema sira nebee serbii Nai Maromak. Tuir mai, Jesus Kristu haruka Nia anju ida foo tutan mai hau, João, Maromak nia atan.