Mateus 9:6 - Biblia Tetun Dili

⁶ Agora Hau sei hatudu para imi hatene katak, iha mundu nee, Hau, Ema Oan, iha kbiit hodi hamoos ema nia sala.” Depois Jesus hatete ba ema paralitiku nee, “Hamriik ona! Foti o nia toba fatin hodi fila ba uma.”

Mateus 9:6 Iomraidhean Croise

Mateus 4:24

Buat nebee Jesus halo, ema konta iha nebee ba nebee too iha provinsia Síria tomak. Ema barak mai lori sira nia maluk nebee iha moras oi-oin, balu espiritu aat tama iha laran, balu moras bibi maten, liman-ain mate ho moras selu-seluk tan. I Jesus kura tiha moras sira nee hotu.

Mateus 8:20

Jesus hataan, “Asu fuik iha fatuk kuak hodi hela. Manu fuik mos iha nia knuuk. Maibee Hau, Ema Oan, la iha fatin ida hodi tau Hau nia ulun.”

Mateus 9:2

Iha nebaa, ema balu hulan mane ain aat ka paralitiku ida, nebee latan hela iha nia toba fatin. Sira lori nia ba Jesus. Bainhira Jesus haree sira nia fiar, Nia dehan ba ema paralitiku nee, “Oan, fiar baa! O nia sala hamoos tiha ona.”

Mateus 9:5

Ida nebee mak fasil liu, hatete o nia sala hamoos tiha ona ka hatete hamriik i lao ba?

Mateus 9:7

Ema nee mos hamriik kedas hodi lao ba uma.

Marcos 2:7

tanba sira hanoin nunee, “Nusaa mak ema nee brani koalia fali nunee? Nai Maromak mesak deit mak bele perdua ema nia sala. Maibee ema nee halo nia aan hanesan fali Nai Maromak. Nia hatete aat ona Nai Maromak!”

Lucas 5:21

Rona Jesus koalia nunee, ema Farizeu ho mestri relijiaun sira komesa koalia ba malu dehan, “See mak ema ida nee too hatete aat fali Nai Maromak? So Nai Maromak deit mak bele hamoos ema nia sala!”

João 10:28

Hau foo moris rohan laek ba sira, no Maromak la soe lakon sira. La iha ema ida bele hadau sira hosi Hau nia liman.

João 5:27

Hau nia Aman mos foo direitu no kbiit mai Hau hodi tesi ema hotu nia lia, tanba Hau, Ema Oan.

João 5:8

Entaun Jesus dehan ba nia, “Hamriik ona! Lulun o nia biti, hodi fila ona.”

Apostolu sira nia Istoria 5:31

Agora Nai Maromak foti Jesus tuur iha Nia liman loos hodi kaer ukun hanesan Liurai i Salvador. Nia foo tempu ba povu Israel para bele husik ona sira nia sala, atu sira bele hetan perdaun hosi Nai Maromak.

Apostolu sira nia Istoria 9:34

Pedro dehan ba nia, “Eneias, agora duni, Nai Jesus Kristu kura o. Hamriik ona! Aruma o nia kama ba!” I nia hamriik kedas.

2 Korintu 2:10

Se imi foo perdaun ba ema nee, hau mos foo perdaun ba nia. Sala saida deit mak nia halo ita presiza foo perdaun, hau mos foo perdaun iha Kristu nia oin para ajuda imi.

2 Korintu 5:20

Ami nee Kristu mak haruka. Nunee bainhira ami foo sai Maromak nia hakarak, nee hanesan Maromak rasik mak koalia liu hosi ami. Hodi Kristu nia naran, ami husu ho laran atu imi foo imi nia aan ba dame ho Maromak.

Efezu 4:32

Maibee imi tenki hadomi malu, i halo diak ba malu. Imi tenki foo perdaun ba malu, hanesan Nai Maromak mos foo ona perdaun ba imi liu hosi Kristu nia mate.

Kolose 3:13

Bainhira ema halo buat ruma la monu ba imi nia laran, komprende deit baa. I se ema ruma halo sala ba imi, foo perdaun ba nia, hanesan mos Maromak foo perdaun ona ba imi nia sala.