Mateus 9:22 - Biblia Tetun Dili

²² Jesus fila ba kotuk i haree feto nee hodi dehan, “Oan, laran metin baa! O hetan kura tanba o fiar mai Hau.” I nia moras diak kedas.

Mateus 9:22 Iomraidhean Croise

Mateus 15:28

Rona nunee Jesus dehan, “Senhora, ita nia fiar makaas! Saida mak ita husu sei akontese duni.” Iha oras nee kedas senhora nee nia oan feto diak fali.

Mateus 17:18

Depois Jesus foo orden makaas ba espiritu aat nee. Entaun espiritu aat mos sai hosi labarik nee, i labarik nee diak kedas.

Mateus 8:13

Depois Jesus dehan ba komandante nee, “Bele fila ona. Buat nebee ita fiar nee sei akontese duni.” Iha oras nee kedas komandante nia atan nee hetan kura.

Mateus 9:2

Iha nebaa, ema balu hulan mane ain aat ka paralitiku ida, nebee latan hela iha nia toba fatin. Sira lori nia ba Jesus. Bainhira Jesus haree sira nia fiar, Nia dehan ba ema paralitiku nee, “Oan, fiar baa! O nia sala hamoos tiha ona.”

Mateus 9:29

Depois Jesus tau liman ba sira nia matan hodi dehan, “Tanba imi nia fiar mak imi hetan kura.”

Marcos 10:52

Jesus hatete tan, “Tanba o fiar katak Hau bele kura o, agora o nia matan diak ona.” I nia matan mos diak kedas. Hotu tiha, nia tuir kedas Jesus.

Marcos 5:34

Depois Jesus dehan, “Tanba senhora fiar teb-tebes mai Hau, nee mak ita diak ona. Agora senhora bele fila ona ho laran hakmatek, tanba ita la hetan tan terus nee ona.”

Lucas 17:19

Depois Jesus hatete ba ema nee, “O diak ona tanba o fiar. Agora bele hamriik i baa ona.”

Lucas 18:42

Jesus hatete ba nia, “O haree ona baa. Tanba o nia fiar mak o hetan kura.”

Lucas 7:50

Maibee Jesus hatete ba feto nee, “Tanba o nia fiar mai Hau, nee mak o hetan salvasaun. Fila ho laran hakmatek.”

Lucas 8:48

Jesus dehan ba nia, “Hau nia oan, o hetan kura tanba o fiar mai Hau. Fila ho diak.”

João 4:53

Funsionariu nee hanoin kedas dehan, nia oan diak ona, iha momentu Jesus foo hatene dehan, “Senhor nia oan sei moris.” Entaun nia ho ema hotu iha nia uma laran fiar ba Jesus.

Apostolu sira nia Istoria 14:9

Ema nee rona Paulo nia koalia. Paulo hateke didiak ba nia, i haree katak ema nee fiar dehan Nai Jesus bele kura nia.

Apostolu sira nia Istoria 16:18

Nia hakilar nunee loron ba loron, too Paulo la aguenta ona. Entaun nia hateke ba feto nee i foo orden dehan, “Espiritu aat! Hodi Nai Jesus nia naran, hau haruka o sai hosi feto nee!” I espiritu aat nee sai kedas.

Ebreu 4:2

Tanba ema foo sai tiha ona Nai Maromak nia Novidade Diak ba imi, hanesan mos uluk ema foo sai ba ita nia bei-ala sira. Maibee liafuan nebee sira rona nee la iha folin ba sira, tanba sira la fiar.