Mateus 8:4 - Biblia Tetun Dili

⁴ Depois Jesus dehan ba nia, “La bele konta sai buat nee ba ema seluk. Maibee baa aprezenta aan iha nai-lulik, atu nia haree katak o nia isin moos ona. Depois foo oferta tuir lei Moisés nian, para ema hotu bele hatene katak o diak ona.”

Mateus 8:4 Iomraidhean Croise

Mateus 10:18

Sira mos sei foo sala ba imi iha liurai ho nai ulun sira nia oin. Buat sira nee hotu sai nunee tanba imi tuir Hau. Nee oportunidade ba imi atu foo sai Novidade Diak ba sira ho mos ba ema nebee mak laos Judeu.

Mateus 16:20

Depois Jesus bandu Nia eskolanti sira para la bele hatete sai ba see-see deit katak Nia mak Kristu.

Mateus 17:9

Hotu tiha Jesus ho Nia eskolanti sira tuun fali hosi foho. Sira lao tuun dadauk, Jesus bandu dehan, “Saida mak ohin imi haree nee, la bele hatete ba ema ida. Bainhira Hau, Ema Oan, moris fali hosi mate mak foin imi bele foo sai ba ema.”

Mateus 3:15

Jesus hataan, “Husik baa, agora nee ita mak foo sarani Hau para halo tuir Maromak nia hakarak hotu.” João mos simu.

Mateus 5:17

“La bele hanoin katak, Hau mai iha mundu nee atu halakon Moisés nia lei ho profeta sira nia hakerek. Lae! Hau mai laos atu halakon maibee atu kumpri loloos buat hotu-hotu nebee mak sira hakerek tiha ona.

Mateus 6:1

Jesus hanorin nafatin dehan: “Kuidadu, keta foti aan hodi hatudu imi nia hahalok diak iha ema nia oin para sira haree. Se imi halo nunee, imi nia Aman iha lalehan sei la selu imi nia kolen.

Mateus 9:30

Sira nain rua nia matan haree moos kedas. I Jesus bandu makaas sira dehan, “La bele foo hatene buat nee ba see-see deit.”

Marcos 13:9

Nee duni, imi tenki atensaun didiak! Tanba ema sei mai kaer imi, lori baa iha tribunal relijiaun nian. Ema sei baku imi iha uma kreda laran, i sei kesi imi lori ba iha ukun nain sira, tanba imi tuir Hau. Maibee imi tenki foo sai Hau nia Novidade Diak ba sira.

Marcos 3:12

Maibee Nia bandu makaas sira, dehan, “Imi keta foo hatene ba ema kona ba see mak Hau.”

Marcos 6:11

Maibee se imi too iha fatin ida, ema lakohi simu imi, i lakohi rona imi, imi tenki sai kedas hosi fatin nee. I baku rai rahun hosi imi nia ain. Ida nee sinal katak, ‘Imi lakohi rona ami, imi rasik mak lori todan nee!’ ”

Marcos 7:36

Nee liu tiha, sira nain rua fila fali ba ema barak ohin nee. Jesus bandu sira dehan, “Rona mai! Imi la bele konta ba ema dehan, Hau mak kura ema nee.” Maski Jesus bandu makaas, maibee sira baa konta iha fatin-fatin.

Marcos 8:30

Maibee Jesus bandu sira, “Imi la bele konta ba ema seluk!”

Marcos 9:9

Nee liu tiha, Jesus ho Nia eskolanti sira tuun fila fali hosi foho nee mai. Jesus bandu sira i hatete, “Buat nebee ohin imi haree nee, imi la bele konta sai ba ema. Hau Ema Oan. Hau tenki mate. Bainhira Hau moris fali ona, foin imi bele foo hatene ba ema.”

Lucas 17:14

Bainhira Jesus haree sira, Nia hatete ba sira, “Imi baa hatudu imi nia isin ba nai lulik sira, para sira haree.” Entaun sira baa. Iha dalan, derepenti sira hotu hetan kura.

Lucas 21:13

Nunee imi hetan oportunidade diak para foo sai ba sira kona ba Hau.

Lucas 4:41

Nia mos haruka espiritu aat sira sai hosi ema barak nia laran, i sira sai duni hodi hakilar dehan, “O mak Maromak nia Oan!” Maibee Jesus siak espiritu aat sira nee i bandu sira la bele koalia, tanba sira hatene katak, Jesus mak Mesias [Salvador nebee Maromak promete hori uluk ona atu haruka mai].

Lucas 5:14

Depois Jesus bandu nia dehan, “La bele konta buat nee ba ema seluk. Maibee baa konsulta iha nai lulik, atu nia haree katak o nia isin moos ona. Depois foo oferta tuir lei nebee Moisés haruka, para ema hotu bele hatene katak o diak ona.”

Lucas 8:56

Labarik nia inan-aman admira teb-tebes. Maibee Jesus bandu sira para la bele konta sai ba ema ida, buat nebee mak akontese.

Lucas 9:21

I Jesus bandu sira para la bele foo hatene ba see-see deit.

João 5:41

Hau la presiza ema gaba Hau.

João 7:18

Ema nebee koalia lori nia naran rasik, nia hakarak buka deit nia naran. Maibee ema nebee hakarak gaba ema nebee haruka nia nee, nia koalia onestu. I nia la lohi tuun-sae.

João 8:50

Hau la gaba Hau nia aan rasik. Maibee iha Ida mak hakarak hatudu Hau nia naroman-nabilan. Husik Nia mak desidi, se Hau koalia nee loos ka sala.