Mateus 8:3 - Biblia Tetun Dili

³ I Jesus lolo liman ba tau iha nia isin hodi dehan, “Hau hakarak. O diak ona baa!” I ema nee nia isin moos kedas hosi lepra.

Mateus 8:3 Iomraidhean Croise

Jenesis 1:3

Nai Maromak hatete, “Iha naroman baa.” Koalia tiha nunee, naroman iha kedas.

Mateus 12:13

Depois Nia dehan ba ema liman sorin mate nee, “Lolo o nia liman nee mai!” Ema nee lolo baa, i nia liman diak kedas hanesan fali nia liman sorin.

Marcos 1:41

Entaun Jesus hadomi teb-tebes ema nee, i Nia lolo liman ba kona ema nee, hodi dehan, “Hau hakarak! Agora o diak ona!”

Marcos 4:39

Rona nunee, Jesus mos hadeer, hodi hatete ba anin nunee, “Para ona!” Depois Nia foo orden ba tasi dehan: “Hakmatek ona” anin para no tasi hakmatek kedas.

Marcos 5:41

Depois Jesus kaer labarik nee nia liman, i dehan ho sira nia lian Aram nunee, “Talita kum!” (Nee dehan katak, “Noi, hadeer ona!”)

Marcos 7:34

Depois Jesus hateke ba leten. Nia dada iis tiha, i hatete ho sira nia lian Aram dehan,“Efata!” (Nee katak, “Nakloke ona baa!”)

Marcos 9:25

Bainhira Jesus haree ema barak halai mai hamutuk iha fatin nee, Nia hatete ba espiritu aat nee, “Espiritu aat nebee halo labarik nee diuk no monok, sai ona hosi nia! I la bele tama tan ba nia ona.”

Lucas 4:27

Nunee mos ho profeta Eliseu. Iha tempu nebaa, ema Israel barak mak moras lepra. Maibee Maromak la kura sira, Nia so kura deit Naaman hosi rai Síria.”

Lucas 5:13

Jesus lolo liman ba tau iha nia isin hodi dehan, “Hau hakarak. O diak ona baa!” I moras nee lakon kedas.

Lucas 7:14

Jesus hakbesik ba ema sira nebee hulan mate isin nee hodi tau liman ba mate nee i sira paara tiha. I Jesus dehan, “Joven, Hau hatete ba o, hadeer ona.”

João 11:43

Bainhira Nia koalia tiha hotu nunee, Nia bolu ho lian makaas dehan, “Lazaro, sai ona mai!”

João 15:24

Hau halo ona milagre barak iha imi nia oin, nebee ema seluk la bele halo. Se Hau la halo milagre sira nee, sira mos la sala, se sira lakohi simu Hau. Afinal sira haree ona milagre oi-oin nebee Hau halo ona. Maski nunee, sira sei odi Hau no odi mos Hau nia Aman iha lalehan.

João 5:21

Hau nia Aman halo moris fila fali ema mate. Nunee mos, Hau sei foo moris loloos ba see-see deit, tuir Hau nia hakarak.