Mateus 8:22 - Biblia Tetun Dili

²² Maibee Jesus hataan, “Mai tuir Hau! Ema nebee lakohi rona Maromak, sira hanesan ema nebee mate tiha ona. Husik ema mate hakoi sira nia mate.”

Mateus 8:22 Iomraidhean Croise

Mateus 8:21

Iha tan ema ida nebee baibain tuir Jesus dehan ba Nia, “Nai, foo lisensa mai hau fila baa hakoi uluk hau nia aman mak foin hau tuir Ita Boot.”

Mateus 9:9

Depois Jesus husik tiha fatin nee. Nia lao dadauk, Nia hetan ema kobrador impostu ida naran Mateus, tuur hela iha nia serbisu fatin. Jesus dehan ba nia, “Mai tuir Hau!” I Mateus hamriik hodi ba tuir Jesus.

Marcos 2:14

Iha fatin nee, iha ema ida, naran Levi, Alfeu nia oan. Nia serbisu mak kobra impostu ba estadu Roma. Natoon Jesus liu hosi nebaa, Nia hetan Levi tuur hela, i Nia dehan, “Mai tuir Hau!” Nia rona nunee, nia hamriik kedas, i tuir Jesus.

Lucas 15:24

Tanba hau nia oan nee hanesan mate tiha ona, maibee agora nia moris fila fali. Nia lakon tiha ona, maibee agora hau hetan fali.’ Nunee sira hahuu halo festa rame-rame.

Lucas 15:32

Maibee agora ita tenki halo festa hodi haksolok, tanba o nia alin nee hanesan mate tiha ona, maibee agora nia moris fila fali. Nia hanesan lakon tiha, maibee agora hau hetan fali ona.’ ”

Lucas 9:59

Jesus hatete ba ema ida seluk dehan, “Mai tuir Hau.” Ema nee hataan, “Nai, husik hau fila baa hakoi lai hau nia aman, mak foin hau tuir.”

Lucas 9:60

Jesus hatete ba nia, “Husik ema nebee la fiar ba Maromak hakoi sira nia mate. Maibee o nia serbisu mak baa foo sai kona ba Nai Maromak ukun nudar Liurai iha fatin-fatin.”

João 1:43

Iha nebaa iha mos ema seluk ida, naran Filipe. Nia hosi aldeia Betsaida. Pedro ho Andre mos mai hosi nebaa. Iha aban fali, Jesus desidi atu baa provinsia Galileia. I Nia baa hasoru mos ho Filipe, i Nia bolu dehan, “Mai tuir Hau para sai Hau nia eskolante.”

João 21:19

(Jesus koalia nunee hodi foo hatene ba Pedro saida mak sei akontese ba nia aan. Tanba Pedro nia mate nee hatudu Nai Maromak nia naroman-nabilan.) Depois Jesus hatete ba Pedro, “Mai tuir Hau ona, i sai Hau Nia ema!”

João 21:22

Jesus hatete ba Pedro, “Nee laos o nia serbisu. Se karik Hau hakarak nia hela nafatin too Hau fila fali mai, nee laos o nia problema. Importante mak o tenki hanoin saida mak Hau hameno ona ba o ohin nee, mak: mai tuir ona Hau, i sai Hau nia ema.”

Efezu 2:1

Uluk, kona ba moris espiritual, imi mate tiha ona, tanba imi kontra Nai Maromak nia lei i halo sala oi-oin.

Efezu 2:5

Maski ita hanesan mate tiha ona tanba ita nia sala, maibee Nia halo moris fali ita hamutuk ho Kristu. Tanba Maromak salva ita liu hosi Nia grasa.

Efezu 5:14

tanba naroman halo buat hotu-hotu sai klaru. Iha kanta ida dehan, “Imi nebee dukur, hadeer ona baa, imi nebee mate, moris fali ona baa. I Kristu sei foo naroman ba imi.”

Kolose 2:13

Uluk imi hanesan mate tiha ona, tanba imi sala nain i imi nia hakarak aat mak domina hela imi. Maski nunee, maibee Maromak halo moris fali imi hamutuk ho Kristu. Nia hamoos tiha ona ita nia sala hotu.

1 Timóteo 5:6

Maibee feto faluk nebee hakarak goza deit, nia hanesan ema nebee mate tiha ona, maski nia sei moris.