Mateus 8:18 - Biblia Tetun Dili

¹⁸ Bainhira Jesus haree ema barak mai haleu Nia, Nia haruka Nia eskolanti sira prepara roo para sira baa tasi sorin.

Mateus 8:18 Iomraidhean Croise

Mateus 14:22

Hotu tiha, Jesus haruka kedas Nia eskolanti sira sae bero hodi baa uluk iha tasi sorin. Maibee Nia sei hela iha nebaa, hodi haruka ema barak nee fila.

Mateus 8:1

Jesus lao tuun mai hosi foho, ema barak lao nadodon tuir Nia.

Marcos 4:35

Too loro matan tuun ona, Jesus sei iha bero leten nafatin, hodi hanorin ema sira nee. Depois Nia hatete ba Nia eskolanti sira dehan, “Mai ita baa tasi nia sorin baa.”

Marcos 5:21

Tuir mai Jesus sira sae fali bero hodi baa iha tasi sorin baa. Bainhira sira tuun hosi bero, ema barak mai hobur Jesus.

Marcos 6:45

Nee liu tiha, Jesus haruka Nia eskolanti sira baa sae bero hodi baa uluk iha aldeia Betsaida, iha tasi sorin baa. Maibee Nia sei hela iha fatin nee, hodi haruka ema barak nee fila ba uma.

Marcos 8:13

Hotu tiha, Jesus husik hela sira. Nia ho Nia eskolanti sira sae fali bero, hodi baa iha tasi sorin baa.

Lucas 8:22

Iha loron ida, Jesus hatete ba Nia eskolanti sira, “Mai ita baa iha tasi sorin.” Entaun sira sae bero hodi baa.

João 6:15

Jesus hatene katak, ema barak nee hakarak obriga Nia para sai liurai. Entaun Nia lao sai tiha, sae ba foho kiik ida, para Nia bele mesak iha nebaa.