Mateus 8:13 - Biblia Tetun Dili

¹³ Depois Jesus dehan ba komandante nee, “Bele fila ona. Buat nebee ita fiar nee sei akontese duni.” Iha oras nee kedas komandante nia atan nee hetan kura.

Mateus 8:13 Iomraidhean Croise

Mateus 15:28

Rona nunee Jesus dehan, “Senhora, ita nia fiar makaas! Saida mak ita husu sei akontese duni.” Iha oras nee kedas senhora nee nia oan feto diak fali.

Mateus 17:20

Jesus hataan, “Tanba imi nia fiar fraku. Hau dehan loloos ba imi, se imi nia fiar kiik-oan deit hanesan ai musan kiik oan ida mos, imi bele foo orden ba foho ida dehan ‘Muda hosi nee, baa iha nebaa.’ I foho nee sei muda duni. La iha buat ida nebee imi la bele halo.

Mateus 8:4

Depois Jesus dehan ba nia, “La bele konta sai buat nee ba ema seluk. Maibee baa aprezenta aan iha nai-lulik, atu nia haree katak o nia isin moos ona. Depois foo oferta tuir lei Moisés nian, para ema hotu bele hatene katak o diak ona.”

Mateus 9:22

Jesus fila ba kotuk i haree feto nee hodi dehan, “Oan, laran metin baa! O hetan kura tanba o fiar mai Hau.” I nia moras diak kedas.

Marcos 7:29

Rona nunee, Jesus hataan ba feto nee dehan, “O koalia nee, loos duni! O bele fila ona, tanba espiritu aat nee sai tiha ona hosi o nia oan.”

Marcos 9:23

Jesus hataan, “Nusaa mak o dehan ‘se bele’? Hau bele halo buat hotu-hotu, naran katak ema fiar.”

João 4:50

I Jesus foo hatene ba nia dehan, “Fila ona ba uma, tanba o nia oan sei moris.” Nia fila kedas, tanba nia fiar ba Jesus nia liafuan nee.