Mateus 8:12 - Biblia Tetun Dili

¹² Maski Maromak hili ema Israel atu sai Nia reinu hodi tama ba iha nebaa. Maibee sira barak mak Nia sei soe sai ba iha fatin nakukun. Iha nebaa sira sei tanis halerik i ruun nehan.”

Mateus 8:12 Iomraidhean Croise

Mateus 13:38

Toos mak mundu nee. Fini diak mak Maromak nia reinu, i duut manlai mak ema nebee tuir Aat nain nia oan sira.

Mateus 13:42

Hau nia anju sira sei soe ema aat sira nee ba iha ahi lakan laran, iha nebaa sira sei tanis hakilar i ruun nehan.

Mateus 13:50

Ema aat, sei soe ba iha ahi lakan laran, iha nebaa sira sei tanis hakilar i ruun nehan.”

Mateus 21:43

“Nee duni Hau hatete ba imi, Maromak sei hasai Nia reinu hosi imi. Nia sei hili fali povu seluk nebee sei halo tuir Nia hakarak.

Mateus 24:51

Depois patraun sei tetak rahun tiha atan nee i soe hamutuk ho ema laran makerek sira. Iha nebaa ema sei tanis hakilar i ruun nehan.”

Mateus 25:30

Agora kaer tiha atan nebee la iha folin nee, soe sai nia ba iha fatin nebee nakukun liu. Iha nebaa nia sei tanis hakilar i ruun nehan.’ ”

Lucas 13:28

Depois imi sei tanis hakilar i ruun nehan. Tanba imi sei haree Abraão, Isac, Jacó ho profeta sira hotu tama iha Maromak nia reinu, maibee imi rasik, Maromak soe sai ba liur.

Apostolu sira nia Istoria 3:25

Nai Maromak halo aliansa ona ho ita nia bei-ala Abraão, dehan, ‘Liu hosi o nia jerasaun, Hau sei foo bensaun ba ema hotu-hotu iha mundu.’ Aliansa nee agora tuun ona ba imi, povu Israel sira.

Roma 9:4

Tanba sira nee ema Israel, Maromak hili ona sira sai Nia oan. Nia hatudu Nia naroman nabilan ba sira. Nia halo promesa oi-oin ho sira i foo Nia lei ba sira. Nia hanorin sira oinsaa atu adora Nia, i promete buat barak ba sira.

2 Pedro 2:17

Mestri falsu sira nee hanesan bee matan nebee maran. Sira hanesan abu-abu nebee anin huu lakon tiha. Maromak prepara tiha ona ba sira fatin ida nebee klean i nakukun liu.

2 Pedro 2:4

Hanoin took! Uluk bainhira anju balu halo sala, Maromak kastigu sira i soe sira ba infernu. Iha nebaa sira sai dadur iha rai kuak klean nakukun hodi hein too Maromak julga sira.

Judas 1:13

Sira hatudu hahalok nebee halo moe deit ita, hanesan laloran boot nebee baku hasai nia furin iha bee leten. Sira hanesan fitun nebee lao la tuir dalan. Maromak prepara tiha ona fatin ida nakukun liu ba sira, para sira hela iha nebaa too tinan ba tinan nafatin.

Apokalipse 22:15

Maibee ema aat sira, ema matandook ka ema nebee kaer ai kulit aat, ema nebee halo sala adulteriu, oho-door, adora fali estatua lulik, ka gosta bosok, sira nee la tama ba lalehan, sei hela hotu iha liur.