Mateus 7:25 - Biblia Tetun Dili

²⁵ Depois udan boot mai, mota tuun, anin boot mos huu makaas uma nee. Maibee uma nee la monu, tanba harii metin iha fatuk leten.

Mateus 7:25 Iomraidhean Croise

Mateus 16:18

Hau hatete ba o, Hau bolu o Pedro, nee dehan katak fatuk isin. Hau sei harii Hau nia igreja iha fatuk nee nia leten, i infernu mos la bele domina no manaan sira.

Mateus 7:24

“Ema nebee rona Hau nia liafuan nee i halo tuir, nia hanesan ema matenek ida nebee harii nia uma iha fatuk leten.

Mateus 7:26

Ema nebee rona Hau nia liafuan maibee la halo tuir, nia hanesan ema beik ida nebee harii nia uma iha rai henek leten.

Mateus 7:27

Depois udan boot mai, mota tuun, anin boot mos huu makaas uma nee. I uma nee naksobu tiha too rai.”

Apostolu sira nia Istoria 14:22

Iha fatin hirak nee sira koalia ho sarani sira hodi hametin sira nia laran. Sira foo hanoin dehan, “Ita nebee fiar ba Nai Jesus sei hetan terus oi-oin, maibee ita tenki tuir nafatin Jesus, para ita bele moris hamutuk ho Nai Maromak iha nia reinu.”

Efezu 3:17

Hau harohan atu Jesus Kristu hela metin iha imi nia laran, liu hosi fiar ba Nia. Hau mos halo orasaun para imi metin iha Nia domin hanesan ai huun nebee hamriik metin tanba nia abut tama klean ba rai.

Kolose 2:7

Fiar metin nafatin ba Nia, hanesan ai huun nebee abut tama klean ba rai, i hanesan uma nebee ema harii dadauk ho riin nebee forti. Kaer metin nafatin hanorin nebee imi simu ona, i sempre agradese ba Nai Maromak.

Tiago 1:12

Maromak foo bensaun boot ba ema nebee aguenta ho pasiensia bainhira hasoru susar oi-oin. Bainhira nia manaan, Maromak sei foo koroa ida ba nia. Koroa nee mak moris nebee Maromak promete ona atu foo ba ema nebee hadomi Nia.

1 Pedro 1:5

Tanba imi nia fiar ba Nai Maromak, Nia sei kuidadu nafatin imi hodi Nia kbiit too imi simu salvasaun nebee Maromak prepara tiha ona atu hatudu sai bainhira mundu nee remata.

1 Pedro 1:7

Imi hetan tentasaun nee para bele hatudu katak imi fiar metin ba Nai Maromak. Imi bele kompara ho osan mean. Hodi hatene osan mean loloos ita tenki hatama ba ahi hodi hasae nia foer. Afinal osan mean nee too loron ida sei aat. Tuir Maromak nia haree, imi nia fiar folin aas liu osan mean. Nee mak Nai Maromak husik imi hasoru tentasaun para koko imi nia fiar. Se imi fiar nafatin, entaun aban-bainrua bainhira Jesus Kristu fila fali mai, Maromak sei gaba imi, respeita imi i foti aas imi nia naran.

1 João 2:19

Ema sira nebee kontra Kristu nee uluk hamutuk ho ita, maibee agora sees ona hosi ita. Maski sira uluk iha ita nia klaran, sira laos ema nebee fiar duni ba Kristu, nee mak sira lakohi hamutuk ona ho ita. Sira husik tiha ita, nee hatudu katak, sira nee la halo parte ho ita.