Mateus 7:22 - Biblia Tetun Dili

²² Iha loron ikus bainhira Maromak tesi ema hotu-hotu nia lia, ema barak sei mai dehan, ‘Nai, Nai, ami uluk foo tutan Maromak nia lia tatoli hodi Nai nia naran. Ami mos temi Ita Boot nia naran hodi duni sai diabu hosi ema, i halo milagre oi-oin hodi Ita Boot nia naran.’

Mateus 7:22 Iomraidhean Croise

Mateus 10:15

Hau hatete loloos ba imi, iha loron ikus bainhira Maromak tesi ema hotu-hotu nia lia, ema iha aldeia nee sei simu kastigu todan liu fali ema aat sira nebee uluk hela iha rai Sodoma no Gomora.”

Mateus 24:36

“Kona ba loron ho oras nebee mak Hau atu fila fali mai, la iha ema ida mak hatene. Anju sira iha lalehan, no Hau, Ema Oan mos la hatene. So Hau nia Aman iha lalehan deit mak hatene.

Mateus 25:11

Iha ikus feto raan nain lima beik nee mos too mai iha odamatan oin hodi bolu, ‘Senhor! Senhor! Favor loke odamatan mai ami.’

Mateus 7:21

“Ema barak bolu Hau dehan: ‘Nai, Nai!’ Maibee laos sira hotu-hotu mak sei tama ba Maromak nia reinu. So sira nebee moris tuir Hau nia Aman iha lalehan nia hakarak mak bele tama.

Lucas 10:12

Jesus hatutan tan ba Nia eskolanti sira dehan, “Hau hatete ba imi, iha loron ikus, bainhira Nai Maromak tesi ema hotu-hotu nia lia, ema iha aldeia nee sei simu kastigu todan liu fali ema aat sira nebee uluk hela iha sidade Sodoma.”

João 11:51

Tempu nee, Kaifas la koalia tuir nia hakarak rasik. Maibee Maromak mak koalia liu hosi nia ibun, tanba tinan nee, nia mak relijiaun Judeu nia ulun boot. Nee mak Kaifas foo sai kedas dehan, Jesus sei mate ba ema Judeu tomak.

1 Tesalonika 5:4

Maun-alin sira, imi la moris iha nakukun laran. Nunee, imi sei la hakfodak bainhira Nai Jesus fila fali mai derepenti hanesan naok-teen tama uma iha tempu nebee ita la hatene.

2 Tesalonika 1:10

Buat sira nee sei akontese bainhira Jesus fila fali mai. Nia povu sei foti aas Nia naran, i ema hotu-hotu nebee fiar ba Nia sei adora Nia. Imi mos sei halo parte, tanba imi simu ona Nai Maromak nia Novidade Diak, nebee uluk ami foo sai ona ba imi.

2 Timóteo 1:12

Tanba nee mak hau terus iha kadeia. Maibee hau la moe, tanba hau konhese Kristu i fiar ba Nia. I hau hatene loloos katak Nia sei kuidadu Nia Novidade Diak nebee Nia tau ona iha hau nia kabaas, too Nia fila fali mai hosi lalehan.

2 Timóteo 1:18

O rasik hatene, uluk hau sei iha sidade Efezu mos, nia ajuda hau barak iha nebaa. Husu boot, bainhira Jesus Kristu fila mai atu foo justisa ba ita ema, Nia sei hatudu Nia laran diak ba Onesiforu.

2 Timóteo 4:8

Agora hau hein prémiu nebee Nai Jesus prepara ona ba ema nebee moris loos. Ita nia Nai nee mak juis loos. I too iha loron nebee Nia tesi lia, Nia sei foo prémiu nee mai hau. Laos mai hau deit, maibee Nia sei foo mos ba ema hotu nebee ho laran tomak hein hela Nia atu fila mai.