Mateus 7:21 - Biblia Tetun Dili

²¹ “Ema barak bolu Hau dehan: ‘Nai, Nai!’ Maibee laos sira hotu-hotu mak sei tama ba Maromak nia reinu. So sira nebee moris tuir Hau nia Aman iha lalehan nia hakarak mak bele tama.

Mateus 7:21 Iomraidhean Croise

Mateus 12:50

Tanba see deit mak halo tuir Hau nia Aman iha lalehan nia hakarak, nia mak Hau nia alin mane, nia mak Hau nia alin feto i nia mak Hau nia inan.”

Mateus 16:17

Jesus dehan, “Simão, Jonas nia oan, o hetan bensaun, tanba laos ema mak foo hatene ba o kona ba buat nee. Maibee Hau nia Aman iha lalehan mak foo hatene ba o.

Mateus 18:10

“Jesus koalia tan dehan, keta hanoin dehan ema kiik sira nee la iha folin. Hau hatete ba imi, anju sira nebee hamriik iha Hau nia Aman Maromak nia oin, iha lalehan, sempre tau matan ba sira.

Mateus 18:19

Iha tan buat ida mak Hau hakarak hatete: Hosi imi sira nee, se iha ema nain rua mak lian ida hakarak ida iha mundu nee husu buat ruma ba Hau nia Aman iha lalehan, Nia sei foo ba imi.

Mateus 18:3

i Nia dehan ba sira, “Hau hatete loloos ba imi, see mak atu sai Maromak nia reinu, nia tenki husik nia sala hodi sai hanesan labarik kiik ida nee.

Mateus 18:35

Jesus taka Nia komparasaun dehan, “Hau nia Aman iha lalehan mos sei halo nunee ba imi ida-idak, se imi la foo perdaun ba imi nia maluk ho fuan-laran tomak.”

Mateus 19:24

Dala ida tan Hau dehan ba imi, fasil liu kuda kamelu tama liu hosi daun kuak ida duke ema riku ida atu tama ba iha Maromak nia Reinu.”

Mateus 25:10

Bainhira sira baa sosa mina, noivu mos too mai. I feto raan nain lima nebee prontu hela atu simu noivu nee, tama hamutuk ho noivu ba iha festa kazamentu laran. Depois ema taka tiha odamatan.

Mateus 25:21

Nia patraun hatete ba nia, ‘Diak teb-tebes! O nee atan diak, no foo laran duni. O halo buat kiik-oan nee ho loloos, nunee hau sei foo tan buat boot atu o tau matan. Mai haksolok hamutuk ho hau.’

Mateus 26:39

Jesus lao tan ba oin ituan, depois Nia hakneak i taka oin ba rai hodi halo orasaun dehan, “Hau nia Aman, se bele karik hasai tiha terus ida nee hosi Hau. Maibee la bele tuir Hau nia hakarak, tuir deit Ita Boot nia hakarak.”

Mateus 26:42

Depois Jesus baa halo orasaun ba dala rua dehan, “Hau nia Aman! Se Hau tenki simu terus nee, entaun halo tuir Ita Boot nia hakarak baa.”

Marcos 3:35

Tanba see mak halo tuir Nai Maromak nia hakarak, sira mak Hau nia inan, Hau nia maun-alin no Hau nia feton loloos.”

Marcos 9:47

Se o halo sala ho o nia matan, sukit soe tiha matan nee! Tanba diak liu o tama ba lalehan ho matan ida deit, dukee o iha matan rua, maibee o tama ba infernu.

Lucas 11:28

Jesus hataan, “Maibee ema nebee rona Nai Maromak nia liafuan i halo tuir, nia mak hetan bensaun boot liu.”

Lucas 13:25

Bainhira uma nain hamriik taka ona odamatan nee, imi sei hamriik iha liur i sei tuku odamatan hodi husu, ‘Senhor, loke lai odamatan mai ami.’ Maibee nia hataan, ‘Hau la konhese imi, i hau la hatene imi mai hosi nebee.’

Lucas 18:25

Kuda kamelu tama liu hosi daun kuak susar teb-tebes. Maibee susar liu tan, ema riku ida atu tama ba Maromak nia reinu.”

Lucas 6:46

Jesus hatutan tan dehan, “Nusaa mak imi bolu bebeik Hau ‘Nai, Nai’. Maibee imi la halo tuir buat nebee Hau haruka?

João 14:7

Se karik imi konhese Hau diak, imi mos konhese Hau nia Aman. Nunee, agora ba oin, imi konhese ona Nia, i haree ona Nia.”

João 15:23

Ema nebee odi Hau, nia mos odi Hau nia Aman.

João 3:5

Jesus hataan, “Nee loos! Maibee Hau dehan ba ita: se ema la moris hosi bee no hosi Espiritu, nia la halo parte iha Maromak nia reinu. Ema tenki moris hosi bee para bele sai moos, i moris hosi Espiritu para sai ema foun. Ho nunee, foin bele sai Nai Maromak nia ema.

João 5:17

Maibee Jesus foo hatene ba sira dehan, “Hau nia Aman serbisu nafatin. Nunee, Hau mos serbisu nafatin.”

João 6:40

Hanesan ohin Hau dehan ona, Hau nia Aman hakarak para ema hotu konhese no fiar mai Hau, Nia Oan, para sira bele hetan moris rohan laek. I bainhira mundu nee remata, Hau sei halo sira moris fali.”

João 7:17

Ema nebee hakarak teb-tebes tuir Maromak nia hakarak, nia sei hatene Hau nia hanorin nee, mai hosi Maromak, ka mai hosi Hau rasik.

Apostolu sira nia Istoria 14:22

Iha fatin hirak nee sira koalia ho sarani sira hodi hametin sira nia laran. Sira foo hanoin dehan, “Ita nebee fiar ba Nai Jesus sei hetan terus oi-oin, maibee ita tenki tuir nafatin Jesus, para ita bele moris hamutuk ho Nai Maromak iha nia reinu.”

Roma 12:2

La bele halo tuir ema iha mundu nee nia hahalok. Maibee husik Maromak halo foun imi nia hanoin hodi muda imi nia laran. Nunee imi bele hatene loloos Maromak nia hakarak ba imi. Maromak nia hakarak nee buat nebee diak, loos i halo Nia laran haksolok.

Roma 2:13

Tanba laos ema nebee rona lei nee mak moris loos iha Maromak nia futar oin, maibee ema nebee moris tuir lei nee mak moris loos.

Efezu 6:6

La bele serbisu hodi buka oin deit. Maibee bainhira patraun la haree tutuir mos, imi tenki serbisu ho laran tomak hanesan Kristu nia atan ida. Tanba ida nee mak Nai Maromak nia hakarak.

Kolose 4:12

Kumprimentus mos hosi Epafras. Nia rai ida ho imi i serbii Kristu Jesus. Nia sempre halo orasaun makaas ba imi, hodi husu Nai Maromak foo forsa ba imi para hamriik metin, i halo imi komprende didiak Nia hakarak.

1 Tesalonika 4:3

Nai Maromak nia hakarak mak nee: Moris ho laran moos. La bele iha relasaun seksual nebee la loos ho see-see deit.

1 Tesalonika 5:18

Iha situasaun saida deit, agradese ba Nai Maromak. Tan Maromak hakarak ema hotu nebee tuir Kristu Jesus halo nunee.

Tito 1:16

Mestri falsu sira nee dehan sira konhese Maromak, maibee sira nia hahalok hatudu katak sira la konhese Nia. Sira koalia oin ida, hahalok oin seluk. Ema sira nee hahalok aat. Sira lakohi halo tuir Nai Maromak nia hakarak, i sira la iha kapasidade hodi halo buat diak ida.

Ebreu 13:21

Maromak foo saida deit mak imi presiza atu imi bele halo tuir Nia hakarak. Hau mos harohan atu Nia serbisu nafatin iha ita hotu nia laran liu hosi Jesus Kristu nia tulun, para ita sai ema nebee mak halo haksolok Nia laran. Mai ita foti aas Nia naran too tinan ba tinan nafatin. Amen.

Ebreu 4:6

Nee dehan katak, ema nebee uluk rona Maromak nia Novidade Diak maibee la halo tuir, sira la tama ba fatin deskansa nee. Maibee sei iha ema seluk mak bele tama.

Tiago 1:22

Nai Maromak nia Liafuan nee, imi tenki halo tuir, la bele rona deit! Se lae, imi bosok imi nia aan rasik.

1 Pedro 2:15

Tanba Nai Maromak hakarak para imi halo buat nebee diak, atu ema beik-teen sira nebee mak la hatene buat ida, la iha liafuan ida atu koalia hasoru imi.

1 Pedro 4:2

Nunee, agora ba oin imi nia moris iha mundu nee sei tuir deit Nai Maromak nia hakarak, imi nia hakarak rasik imi la tuir tan ona.

Apokalipse 22:14

Ema nebee fasi tiha ona sira nia hena too moos, sira hetan bensaun. Tanba sira mak iha direitu tama ba sidade laran liu hosi portaun para bele haan ai fuan nebee foo moris rohan-laek.

Apokalipse 3:5

See mak manaan, nia mos sei hatais hena mutin hotu. Hau sei la hamoos nia naran hosi lista ema moris rohan-laek nian. I aban-bainrua iha Hau nia Aman nia oin ho mos anju sira nia oin, Hau sei foo sai katak, nia nee Hau nia ema.