Mateus 7:15 - Biblia Tetun Dili

¹⁵ “Kuidadu ho ema nebee bosok dehan, sira Maromak nia profeta. Sira finji maus hanesan bibi malae, maibee tuir loloos sira nee hanesan asu fuik.

Mateus 7:15 Iomraidhean Croise

Mateus 10:17

Maibee kuidadu, tanba ema sei mai kaer imi hodi lori imi ba iha tribunal relijiaun nian. Sira sei baku imi ho sikoti iha sira nia uma kreda laran.

Mateus 16:11

Nusaa mak imi la komprende katak Hau laos koalia kona ba paun. Maibee Hau foo hanoin ba imi atu kuidadu ho ema Farizeu ho Saduseu sira nia fermentu.”

Mateus 16:6

Depois Jesus hatete ba sira, “Matan moris neon nain! Hadook aan hosi ema Farizeu ho Saduseu sira nia fermentu.”

Mateus 24:11

Profeta falsu barak sei mosu hodi bosok ema barak atu tuir sira.

Mateus 7:14

Maibee odamatan atu tama ba moris rohan-laek nee kloot, dalan nee mos susar, i ema ituan deit mak hetan odamatan nee.”

Lucas 12:15

Depois Jesus dehan ba ema barak nee, “Kuidadu! Matan moris neon nain, para imi la bele kaan ema nia sasaan. Tanba ema nia moris la depende ba nia rikusoin.”

Lucas 6:26

Imi nebee mak ema hotu-hotu gaba, sei terus, tanba ema nebee gaba imi, sira nia bei-ala sira mos uluk gaba profeta falsu sira.”

João 10:12

Maibee ema nebee laos bibi atan duni, bainhira nia haree asu fuik siak ida mai, nia halai lakon no husik hela bibi sira iha nebaa. Asu fuik siak tata bibi ida no bibi sira seluk halai namkari.

Apostolu sira nia Istoria 13:40

Hanoin didiak! Keta halo-be buat nebee mak uluk profeta sira foo sai nee, kona ba imi. Sira hakerek kona ba ema nebee kontra Jesus dehan,

Apostolu sira nia Istoria 13:6

Liu tiha nee, sira tama tutuir iha aldeia ba aldeia, hosi rai ulun Salamina too rai ikun Pafos. Iha sidade Pafos nee, sira hetan matan-dook ida naran Barjesus. Nia ema Judeu, i sempre lohi ema dehan nia Nai Maromak nia profeta.

Galasia 2:4

Maibee iha tempu nee, iha sarani balu la konkorda tanba sira nia hanorin oin seluk. Ema sira nee finju fiar ba Jesus hodi tama iha sarani sira nia leet. Sira nee obriga kristaun sira nebee laos Judeu hodi halo tuir ema Judeu nia lei relijiaun hotu. Afinal, Jesus Kristu foo ona liberdade mai ita. Nee mak ita la moris tan tuir regra sira nee, hanesan atan ba lei relijiaun Judeu.

Efezu 4:14

Entaun, ita nia fiar la nakdoko ona hanesan laloran nebee anin huu ba-mai. Ema bosok-teen mai inventa tuun-sae hanorin nebee la loos, ita la tuir, ita la monu ba sira nia lia falsu.

Efezu 5:6

Karik ema ruma bosok imi dehan sala sira nee la iha buat ida, keta fiar. Tanba hahalok aat sira nee halo Maromak hirus teb-tebes hodi kastigu ema nebee la tuir Nia hakarak.

Filipi 3:2

Kuidadu ho asu sira nee. Kuidadu ho ema sira nebee halo buat aat no kuidadu ho ema sira nebee dehan, sunat mak foin Maromak simu ita.

Kolose 2:8

Kuidadu! La bele monu tuir ema nebee bosok imi para lao sees fali hosi dalan loos. Tanba sira nia hanorin nee la huun la dikin, so mai deit hosi matenek ema nian ho regra mundu nian, laos mai hosi Kristu.

2 Timóteo 3:13

Maibee ema aat ho ema bosok-teen sira sei sai aat ba bebeik. Sira bosok halo ema barak monu, afinal ema mos bosok sira.

2 Timóteo 4:3

Tanba sei too iha tempu ida, ema lakoi rona ona hanorin nebee loos. Maibee sira sei tuir deit sira nia hakarak rasik, hodi rona mestri bara-barak nebee hanorin tuir sira nia hakarak.

2 Pedro 3:17

Maluk doben sira, imi hatene tiha ona buat sira nee. Nee duni, kuidadu! Mestri falsu sira nee kontra buat nebee mak loos. Kuidadu para sira la bele lori imi ba dalan nebee sala. Tanba imi hamriik metin ona, maibee se imi tuir sira, imi sei monu.

1 João 4:1

Maluk doben sira, se ema ruma mai dehan, nia iha Nai Maromak nia Espiritu, keta tuir lai. Imi tenki koko uluk para hatene, espiritu nebee sira iha nee mai duni hosi Nai Maromak ka lae. Tanba iha mundu nee iha profeta falsu barak ona.

Judas 1:4

Tanba iha ona ema balu tama sub-subar iha imi nia leet. Sira nee uza sala Nai Maromak Nia grasa. Sira dehan, tanba Maromak nee laran diak, entaun ita bele halo sala saida deit konformi ita nia hakarak. Sira mos nega Jesus Kristu, afinal Nia mak ita nia Liurai ho ita nia Nai. Iha Livru Sagradu hakerek tiha ona katak ema sira nee sei hetan kastigu.

Apokalipse 16:13

Tuir mai hau haree tan espiritu aat tolu, haree hanesan manduku. Ida sai hosi samea ulun hitu nia ibun, ida seluk sai hosi animal siak primeiru nia ibun, ida tan sai hosi profeta falsu nia ibun. Profeta falsu nee mak animal siak segundu.

Apokalipse 17:6

Hau haree feto aat nee, raan mak lanu tiha nia. Nia gosta liu oho Nai Maromak nia ema sira, gosta oho ema nebee foo sasin kona ba Jesus Kristu. Bainhira hau haree nia, hau admira teb-tebes.

Apokalipse 19:20

Maibee Ema nebee sae kuda mutin nee manaan tiha animal siak nee ho nia profeta falsu. Profeta falsu nee mak uluk hatudu nia milagre boboot hodi animal siak nia naran. Ho milagre sira nee nia bosok ema hotu-hotu nebee simu ona animal siak nia marka i adora animal nee nia estatua. Agora Ema ida nebee sae kuda mutin nee kaer animal siak nee ho nia profeta falsu, i soe moris sira nain rua ba iha ahi lakan boot nia laran.

Apokalipse 20:10

Diabu, ida nebee uluk bosok sira hotu, sei soe tama tiha iha ahi lakan boot nia laran. Iha nebaa nia sei terus loron-kalan hamutuk ho animal siak ho nia profeta falsu too tinan ba tinan.