Mateus 7:13 - Biblia Tetun Dili

¹³ “Atu tama ba moris rohan-laek, tenki liu hosi odamatan kloot. Tanba odamatan luan lori ba infernu, nia dalan mos fasil atu ema liu, i ema barak mak tama liu hosi odamatan nee.

Mateus 7:13 Iomraidhean Croise

Jenesis 6:5

Iha tempu nee, NAI Maromak haree ema iha mundu nia hahalok aat demais ona. Sira nia laran hanoin deit mak buat aat.

Mateus 23:13

Depois Jesus hatete ba nai ulun relijiaun Judeu sira dehan, “Imi mestri relijiaun sira ho ema Farizeu sira, imi sei hetan susar. Imi koalia oin ida, hahalok oin seluk. Imi rasik lakohi tama Maromak nia reinu. Se iha ema seluk hakarak tama mos, imi taka odamatan ba sira, atu sira la bele tama.

Mateus 25:41

Depois Hau hatete ba ema sira nebee iha Hau nia sorin karuk dehan, ‘Sai tiha hosi nee, imi sira nee hetan ona malisan. Baa tama iha ahi laran nebee mak nunka mate. Ahi nee prepara tiha ona ba diabu ho nia anju sira.

Mateus 25:46

I ema sira nee sei tama ba iha fatin terus rohan laek. Maibee ema nebee moris loos sei hetan moris rohan-laek.”

Mateus 3:2

Nia foo sai dehan, “Husik ona imi nia sala, tanba Maromak nia tempu hodi ukun besik ona.”

Mateus 3:8

Importante mak imi tenki muda imi nia hahalok hodi hatudu katak imi husik duni imi nia sala.

Mateus 7:14

Maibee odamatan atu tama ba moris rohan-laek nee kloot, dalan nee mos susar, i ema ituan deit mak hetan odamatan nee.”

Lucas 14:33

Nunee mos, se o atu tuir Hau, o tenki prontu husik buat hotu-hotu nebee o iha. Se lae, o la serve atu sai Hau nia eskolanti.”

Lucas 9:33

Bainhira Moisés ho Elias atu baa ona, Pedro nia hanoin lakon tiha, i nia koalia arbiru deit dehan, “Mestri, fatin nee kapaas teb-tebes. Diak liu ami halo tenda tolu, ida ba Ita Boot, ida ba Moisés, i ida tan ba Elias.”

João 10:9

Hau hanesan odamatan. Ema nebee tama liu hosi Hau, Nai Maromak salva nia hosi nia sala sira. Nee hanesan bibi malae nebee tama-sai hodi haan-hemu.

João 14:6

Jesus foo hatene dehan, “Hau mak dalan, lia loos no moris. La iha ema ida mai iha Hau nia Aman, se la liu hosi Hau. Tanba Hau mak dalan mesak hodi baa Maromak, Hau mak lia loos nia huun, no Hau mak foo moris loloos ba ema.

Apostolu sira nia Istoria 3:19

Tanba nee, imi tenki husik ona imi nia sala i fila ba Nai Maromak, atu Nia bele hamoos imi nia sala hotu.

Roma 9:22

Maromak mos iha direitu nunee. Nia hakarak hatudu sai Nia kbiit boot hodi fakar Nia hirus ba ema nebee mak Nia atu kastigu, sira nee mak merese atu Nia harahun. Maski Nia atu kastigu sira, maibee Nia sei aguenta hela ho pasiensia.

2 Korintu 4:4

Sira nia maromak mak diabu. I nia mak taka hela ema nebee la fiar nia hanoin, halo sira la bele haree naroman hosi Novidade Diak kona ba Kristu i Nia naroman nabilan makaas teb-tebes. Kristu nee hanesan loloos Maromak.

2 Korintu 6:17

Nai Maromak dehan tan, “Nee duni imi tenki sai hosi ema aat sira nia klaran, i haketak aan hosi sira. Hadook aan hosi buat nebee Hau hakribit, nunee mak Hau sei simu imi.”

Galasia 5:24

See mak sai ona Kristu Jesus nia ema, nia la moris tan tuir isin nia hakarak. Tanba hakarak aat ho hanoin aat hotu-hotu, nia prega tiha ona iha krus.

Filipi 3:19

Too ikus Maromak sei soe lakon tiha ema sira nee. Sira nia maromak mak sira nia kabun. Hahalok aat nebee sira halo, halo ema moe, maibee sira tebe rai dehan, diak loos. Sira hanoin deit buat mundu nian.

1 João 5:19

Ita hatene katak, ita sai ona Maromak nia ema, maski ema iha mundu nee aat nain mak domina.

Apokalipse 12:9

Miguel ho nia anju sira soe sai tiha samea ulun hitu nee hosi lalehan. Sira soe tiha samea nee mai mundu hamutuk ho nia anju sira hotu. Samea ulun hitu nee mak ema bolu ꞌdiabuꞌ ka ꞌSatanásꞌ. Hori uluk kedas samea nee lohi ema hotu iha mundu para lao sala dalan.

Apokalipse 13:8

Ema hotu-hotu iha mundu nee sei adora animal siak nee. So ema nebee naran hakerek ona iha lista nebee hakerek iha Livru ema moris rohan-laek nian mak la adora animal nee. Livru nee Maromak hakerek nanis ona molok Nia halo mundu. Livru nee Bibi Oan nian, Ida nebee mak ema oho.

Apokalipse 20:15

Ema sira nebee naran la hakerek iha livru ema moris rohan-laek nian, mos soe tama hotu ba iha ahi lakan boot nee nia laran.

Apokalipse 20:3

Depois anju nee soe nia ba rai kuak klean laran i xavi metin tiha para nia la bele lohi tan ema hosi nasaun hotu-hotu iha mundu. Liu tiha tinan rihun ida mak husik fali nia, maibee husik tempu la kleur.