25 Tanba nee Hau hatete ba imi, lalika preokupa ho imi nia moris, ho saida mak imi atu haan, ka atu hemu ka atu hatais. Ita nia moris folin liu hahaan, i ita nia isin lolon folin liu ropa.
Fini nebee monu iha duut tarak laran mak ema nebee rona Maromak nia Liafuan, maibee nia preokupa ho nia moris loro-loron nian, i matan naklosu ba rikusoin mundu nian. Nia preokupasaun nee la foo fatin ba Maromak nia Liafuan, nunee la halo ema nee buras.
Entaun lalika preokupa kona ba loron aban, tanba loron aban nee preokupasaun seluk fali. Susar nebee ita hetan iha loron ida nee, too ona ba loron nee.”
Hanoin didiak! Bainhira ema kesi i lori imi ba tribunal, imi lalika hakfodak. La bele tauk kona ba saida mak imi atu koalia. Se nia tempu too ona nunee, imi koalia tuir deit saida mak Espiritu Santu foo hatene ba imi.
Maibee nia fadigadu demais ho nia serbisu oi-oin, hanesan nia buka riku, nia buka sai ema boot, ho nia goza tuun-sae. Too nia la interese Nai Maromak. Nunee nia husik tiha Nai Maromak nia Liafuan.
Aban-bainrua, bainhira ema lori imi baa hataan iha uma kreda ka iha ukun nain sira tanba imi fiar Hau, lalika preokupa kona ba oinsaa imi atu defende aan ka saida mak imi atu koalia.
Maromak laran luak teb-tebes, too Nia foo Nia Oan rasik para mate iha ita hotu nia fatin. Hosi nee ita bele hatene katak, Nia sei foo tan mai ita buat hotu-hotu nebee diak.
La bele preokupa kona ba saida deit. Maibee iha situasaun saida deit, halo orasaun husu Nai Maromak nia tulun. I bainhira imi husu, keta haluha foo agradese ba Nia.