Mateus 6:2 - Biblia Tetun Dili

² Bainhira o foo ezmola ba ema ruma, la bele konta ba-mai hanesan ema laran makerek nebee buka oin. Sira sempre konta sira nia diak iha uma kreda laran ho mos iha estrada ibun para ema bele gaba sira. Hau dehan loloos ba imi, sira simu hotu ona sira nia kolen.

Mateus 6:2 Iomraidhean Croise

Mateus 15:7

Imi ema laran makerek, Imi koalia oin ida, hahalok oin seluk! Buat nebee hori uluk kedas profeta Isaias hakerek, kona loos imi. Nia foo tutan Maromak nia Liafuan nunee:

Mateus 16:3

Iha dadeer-saan, bainhira imi haree loromatan leno kalohan nakukun, imi dehan, orsida udan. Imi hatene sinal nebee mosu iha kalohan. Maibee sinal nebee akontese iha tempu nee, imi la hatene.

Mateus 22:18

Maibee Jesus hatene sira nia hanoin aat, i Nia dehan ba sira, “Imi nee laran makerek! Nusaa mak imi hakarak hamonu Hau?

Mateus 23:5

Serbisu saida deit mak sira halo, so hodi hatudu ba ema seluk haree i gaba. Ezemplu, sira hakerek Maromak nia Liafuan taka ba sira nia reen toos i suku fita iha sira nia batina tutun tuir lei Moisés nian.

Mateus 23:6

Bainhira iha festa ka iha uma kreda laran, sira gosta tuur iha oin.

Mateus 24:51

Depois patraun sei tetak rahun tiha atan nee i soe hamutuk ho ema laran makerek sira. Iha nebaa ema sei tanis hakilar i ruun nehan.”

Mateus 5:18

Hau hatete ba imi, bainhira lalehan ho rai sei iha, buat hotu nebee hakerek iha lei nee, mezmu ke letra kiik-oan liu ida, ka pontu ida mos sei la lakon, too buat hotu nebee Maromak hatete, sai realidade.

Mateus 6:16

“Bainhira imi halo jejun, la bele halo imi nia oin tristi hanesan ema laran makerek sira nebee buka oin. Sira hatudu aan nunee para ema bele hatene katak sira jejun hela. Hau dehan loloos ba imi: sira simu hotu ona sira nia kolen.

Mateus 6:3

Maibee bainhira o foo buat ruma ba ema, saida mak o nia liman kuana foo, o nia liman karuk lalika hatene.

Mateus 6:5

“Bainhira imi halo orasaun, la bele halo orasaun hanesan ema laran makerek nebee buka oin. Sira gosta hamriik halo orasaun iha uma kreda laran no mos iha estrada boot atu ema haree. Hau dehan loloos ba imi, sira simu hotu ona sira nia kolen.

Mateus 7:5

Imi ema laran makerek, nebee koalia oin ida, hahalok oin seluk! Hasai tiha uluk ai kabelak iha o nia matan rasik, mak foin o haree moos hodi hasai ai-luruk hosi o nia maluk nia matan.

Marcos 12:39

Bainhira sira baa iha uma kreda ka, baa iha festa, sira sempre buka tuur iha fatin ida diak liu, para ema hotu bele gaba sira, i hodi dehan sira ema boot.

Marcos 7:6

Maibee Jesus hataan, “Imi koalia oin ida, halo oin seluk! Hori uluk Nai Maromak nia ibun ho nanaal Isaias hakerek ona Maromak nia lian menon dehan, ‘Ema sira nee adora Hau ho ibun deit, maibee la ho laran. Sira adora hanesan nee, la iha folin. Sira foo valoor deit ba ema nia regra, hanesan ke sira simu regra nee hosi Hau. Afinal laos Hau mak foo regra nee.’ Imi mos hanesan sira.

Lucas 11:41

Dukee imi hamoos deit bikan nia liur, diak liu foo buat nebee imi iha ba ema kiak sira. Se imi halo nunee mak imi sai moos iha Nai Maromak nia futar oin.

Lucas 11:43

Imi ema Farizeu sira, imi sei susar. Tanba imi gosta loos tuur iha fatin ema boot nian iha uma kreda laran, i gosta atu ema kumprimenta imi no respeita imi iha merkadu.

Lucas 12:33

Entaun, baa faan tiha sasaan nebee imi iha i fahe osan nee ba ema kiak sira. Nunee imi rai fali rikusoin iha lalehan, para bele dura. Iha nebaa, imi nia rikusoin sei la hotu, naok-teen la besik, i barata mos la haan.

Lucas 12:56

Hei, imi nee laran makerek! Imi hatene siik sinal nebee mosu iha loro leten ho rai. Nusaa mak imi la komprende buat nebee akontese dadauk iha tempu agora nee?”

Lucas 13:15

Nai Jesus hataan, “Hei! Imi koalia oin ida, hahalok oin seluk! Iha loron Sabadu imi mos kore imi nia karau ho kuda hodi dada baa foo hemu. Nee mos halo serbisu.

Lucas 20:46

“Imi tenki kuidadu didiak ho mestri relijiaun sira. Sira gosta hatais batina naruk hodi lao, i gosta ema kumprimenta sira iha merkadu. Bainhira iha uma kreda laran ka iha festa, sira gosta tuur iha oin hanesan ema boot.

Lucas 6:24

Maibee imi nebee riku, sei terus, tanba imi goza tiha hotu ona.

Lucas 6:42

Oinsaa mak o brani dehan, ‘Kolega, mai hau hasai tiha ai rahun kikoan nee hosi o nia matan.’ Afinal iha ai kabelak ida taka hela o nia matan. Imi koalia oin ida, hahalok oin seluk! Hasai tiha uluk ai kabelak iha o nia matan, mak foin o haree hetan para bele hasai ai rahun kikoan hosi o nia maluk nia matan.”

João 13:29

Judas nee mak sira nia tezoreiru. Entaun, balu hanoin katak Jesus nia koalia ohin nee haruka Judas, “Baa sosa hahaan ruma ba ita haan iha festa Paskua.” Iha balu mos hanoin dehan, “Baa foo osan ituan ba ema kiak sira.”

João 5:41

Hau la presiza ema gaba Hau.

João 5:44

Imi ho imi gosta gaba malu. Maibee imi la interese se Nai Maromak gaba imi, ka lae. Afinal Nia nee, Nai. La iha tan seluk. Nunee, se imi la interese Nia, oinsaa imi bele fiar ba Nia?

João 7:18

Ema nebee koalia lori nia naran rasik, nia hakarak buka deit nia naran. Maibee ema nebee hakarak gaba ema nebee haruka nia nee, nia koalia onestu. I nia la lohi tuun-sae.

Apostolu sira nia Istoria 10:2

Nia ema ida ke adora ho hamtauk ba Maromak, i nia familia uma laran tomak mos hanesan. Nia sempre foo ajuda ho laran luak ba ema Judeu sira nebee kiak, i sempre halo orasaun ba Nai Maromak.

Apostolu sira nia Istoria 10:31

Nia dehan, ‘Nai Maromak rona ona o nia orasaun, i Nia haksolok ho ajuda nebee o foo ba ema kiak sira.

Apostolu sira nia Istoria 10:4

Nia hateke ba anju nee ho tauk teb-tebes. Nia husu, “Senhor, iha saida?” Anju nee hataan, “Nai Maromak rona ona o nia orasaun, i Nia haksolok ho ajuda nebee o foo ba ema kiak sira.

Apostolu sira nia Istoria 11:29

Rona nunee, ema sarani sira iha Antiokia koalia hamutuk atu haruka ajuda ba sarani sira iha provinsia Judeia. Sira ida-idak foo tuir buat nebee sira iha.

Apostolu sira nia Istoria 24:17

Hau hela kleur ona iha rai liur, foin hau fila ba Jerusalém, lori oferta nebee ema foo hodi ajuda ema Judeu nebee susar. Depois hau baa iha Uma Kreda Boot para foo sakrifisiu ba Nai Maromak.

Apostolu sira nia Istoria 9:36

Iha senhora ida naran Tabita hela iha sidade Jope. (Nia naran ho lian Gregu bolu Dorkas, nee dehan katak, ‘bibi rusa’). Nia fiar ba Nai Jesus. I nia sempre halo buat diak ba ema hotu, i sempre foo ezmola ba ema kiak sira.

Roma 12:8

Ema nebee simu kbiit hodi hametin ema nia laran, nia tenki halo nunee. Ema nebee simu kbiit hodi foo tulun ba ema seluk ho buat nebee mak nia iha, nia tenki foo ho laran. Ema nebee simu kbiit hodi sai lideransa, nia tenki sai lideransa nebee badinas. Ema nebee mak simu kbiit hodi ajuda ema seluk nebee susar, nia tenki ajuda ho laran haksolok.

1 Korintu 13:3

Se karik hau fahe hau nia rikusoin tomak ba ema kiak, ka entrega hau nia aan ba ema sunu motuk, maibee hau la iha domin, hau la iha folin ida.

Galasia 2:10

So buat ida deit mak sira husu mai ami, atu ami tulun ema kiak sira iha Jerusalém. I hau mos hakarak duni halo ida nee.

Efezu 4:28

Ema nebee naok-teen, la bele naok tan ona. Maibee nia tenki serbisu makaas ho nia liman rasik hodi sustenta nia aan ho mos hodi foo tulun ba ema sira nebee presiza.

1 Tesalonika 2:6

Ami serbisu laos atu imi ka see-see deit gaba ami.

1 Timóteo 6:18

Hatete ba sira para halo buat nebee diak hodi tulun ema seluk. Sira la bele karak, maibee tenki prontu fahe buat nebee sira iha.

Filemon 1:7

Irmaun hadomi Maromak nia povu santu hodi halo sira nia laran haksolok. Hahalok nee halo hau nia laran mos haksolok teb-tebes, i foo forsa mai hau.

Ebreu 13:16

La bele haluha halo diak ba ema seluk, i se sira presiza buat ruma, ajuda sira. Tanba hahalok nee mos hanesan sakrifisiu nebee ita foo ba Nai Maromak hodi halo haksolok Nia laran.

1 Pedro 4:11

See mak hetan kbiit para koalia, nia tenki koalia liafuan hosi Maromak. I see mak hetan kbiit para serbii ema seluk, nia tenki serbii ho forsa tomak nebee nia hetan hosi Maromak. Se imi halo nunee, ema sei haree katak imi halo buat hotu-hotu tanba Jesus Kristu, i sira sei hahii Nai Maromak. Mai ita foti aas Nia naran too tinan ba tinan. Nia ukun la hotu la remata. Amen.