Mateus 6:19 - Biblia Tetun Dili

¹⁹ “La bele halibur rikusoin barak iha mundu nee. Tanba iha mundu nee nehek mutin bele haan, bele ferujen, i naok-teen bele naok.

Mateus 6:19 Iomraidhean Croise

Mateus 19:21

Jesus hataan, “Se o hakarak moris halo tuir Maromak nia hakarak hotu, entaun baa faan tiha o nia rikusoin hotu, i osan nee fahe ba ema kiak sira. Nunee mak o sei hetan fali rikusoin iha lalehan. Depois, mai tuir Hau.”

Mateus 6:20

Diak liu halibur rikusoin iha lalehan. Iha nebaa, nehek mutin la haan, la ferujen, i naok-teen mos la naok.

Lucas 12:21

Nunee mos ho ema nebee halibur rikusoin ba nia aan rasik, maibee sai kiak iha Maromak nia futar oin.”

Lucas 12:33

Entaun, baa faan tiha sasaan nebee imi iha i fahe osan nee ba ema kiak sira. Nunee imi rai fali rikusoin iha lalehan, para bele dura. Iha nebaa, imi nia rikusoin sei la hotu, naok-teen la besik, i barata mos la haan.

Lucas 12:39

Hanoin didiak! Se iha uma nain hatene loloos tuku hira mak naok-teen atu mai, nia sei hadeer hodi hein atu naok-teen la tama.

Lucas 18:22

Rona nunee, Jesus hataan, “Maibee o sei falta buat ida nebee o tenki halo. Agora baa faan tiha o nia rikusoin hotu, i osan nee fahe ba ema kiak. Nunee mak o sei hetan fali rikusoin iha lalehan. Depois mai tuir Hau.”

Lucas 18:24

Jesus hateke ba nia hodi dehan, “Ema riku susar teb-tebes atu tama ba Maromak nia reinu.

1 Timóteo 6:17

Hatete ba ema riku sira iha mundu nee para sira la bele foti aan, i la bele laran metin ba sira nia rikusoin. Tan rikusoin sira nee hotu loron ida sei mohu. Hatete ba sira para laran metin ba Nai Maromak. Tan Nia mak foo buat hotu-hotu mai ita too res-resin, atu ita bele moris haksolok.

Ebreu 13:5

La bele kaan teen ba osan, maibee tenki kontenti ho buat nebee mak imi iha. Tanba Nai Maromak rasik dehan nunee: “Hau sei la haluha imi, Hau sei la husik imi mesak.”