Mateus 6:16 - Biblia Tetun Dili

¹⁶ “Bainhira imi halo jejun, la bele halo imi nia oin tristi hanesan ema laran makerek sira nebee buka oin. Sira hatudu aan nunee para ema bele hatene katak sira jejun hela. Hau dehan loloos ba imi: sira simu hotu ona sira nia kolen.

Mateus 6:16 Iomraidhean Croise

Ester 4:16

“Baa halibur ema Judeu hotu iha sidade Suzan nee. Hau husu ba imi jejun no harohan mai hau loron tolu, kalan tolu. La bele haan, no la bele hemu buat ida. Hau ho hau nia ema feto sira nebee serbisu mai hau nee mos jejun no harohan hotu. Depois, hau sei baa koalia ho liurai, maski kontra lei. Se karik hau tenki mate ba ida nee, hau prontu mate.”

Mateus 6:1

Jesus hanorin nafatin dehan: “Kuidadu, keta foti aan hodi hatudu imi nia hahalok diak iha ema nia oin para sira haree. Se imi halo nunee, imi nia Aman iha lalehan sei la selu imi nia kolen.

Mateus 6:2

Bainhira o foo ezmola ba ema ruma, la bele konta ba-mai hanesan ema laran makerek nebee buka oin. Sira sempre konta sira nia diak iha uma kreda laran ho mos iha estrada ibun para ema bele gaba sira. Hau dehan loloos ba imi, sira simu hotu ona sira nia kolen.

Mateus 6:5

“Bainhira imi halo orasaun, la bele halo orasaun hanesan ema laran makerek nebee buka oin. Sira gosta hamriik halo orasaun iha uma kreda laran no mos iha estrada boot atu ema haree. Hau dehan loloos ba imi, sira simu hotu ona sira nia kolen.

Marcos 2:18

Iha loron ida, ema hosi grupu Farizeu sira halo jejun. João Sarani Nain nia eskolanti sira mos jejun. Maibee ema haree Jesus nia eskolanti sira la jejun. I sira mai husu ba Jesus, “Senhor, ema hosi grupu Farizeu sira halo jejun. João nia eskolanti sira mos jejun. Nusaa mak Ita Boot nia eskolanti sira la jejun?”

Lucas 18:12

Hau jejun semana ida dala rua. I buat hotu-hotu nebee hau hetan, hau sempre foo parte ida hosi sanulu ba Ita Boot.’

Apostolu sira nia Istoria 10:30

Cornélio hataan, “Hori baintolu, tuku tolu lokraik, hau halo hela orasaun iha hau nia uma. Derepenti mane ida hamriik iha hau nia oin. Nia hena nabilan loos.

Apostolu sira nia Istoria 14:23

Paulo ho Barnabé foti ema balu sai presbiteru ba sarani sira iha fatin ida-idak. Sira halo orasaun ho jejun, hodi entrega presbiteru sira ba Nai Jesus, nebee sira fiar.

1 Korintu 7:5

Imi feen-laen sira la bele hadook aan ba malu. Maibee se karik imi desidi hamutuk atu hadook aan iha tempu badak para bele foo fokus ba orasaun, nee bele. Maibee bainhira tempu nee hotu ona, imi tenki hamutuk fali nudar feen-laen. Keta halo be Satanás tenta imi tanba imi la aguenta.

2 Korintu 11:27

Hau serbisu makaas. Dala barak hau kalan la toba, hau hamlaha i hamrook. Hau malirin tanba la iha hena.

2 Korintu 6:5

Ema baku ami ho xikote, dadur ami iha komarka, i ema ataka ami rame-rame. Ami serbisu too kosar metan suli, ami kalan la toba, i dala barak la haan.